影片
相关文章
几个人出黎食饭,谂住食下鱼春鱼卜煲,本身都醒目8点15打电话去问仲有无啦?咁听电话个个人就话有啦就收左线我地听完,醒起未BOOK位,咁就即刻打返过去话BOOK8:30啦又系岩岩听电话个个接,佢问我地几多人?我地就3个 佢就用好差态度话你地直接过黎唔留位啦我地就即刻过去8:35分我地3人过到去 比左个位系滴水咁坐低就已经落单,叫鱼春鱼卜煲-->无叫焗蚬-->无咩都无,其实都无心机食,算啦见都8点几,照食啦都黎左点知比我地听到隔离落单,佢地又系叫鱼春鱼卜煲--->佢地就有仲要迟过我地黎我地就决定唔再落单,直接起身依间侍应态度又差,又唔公平对待,如果仲继续食,一定成肚气
继续阅读
去到呢间老字号嘅小甜甜，麻辣鱼春鱼卜煲真系整得嗲呀🔥！麻辣入味，鱼卜滑溜，食落舌头都即刻有响应，辣得过瘾但又唔会辣到哭，好match白饭～ 金菇肥牛麻辣烫，肥牛够嫩，金菇爽脆，同辣椒一齐烫，辣香夹衬得好贴切。麻辣猪手面成碗望落都好惹味，猪手腍身淋漓，Q弹得好有劲，可惜就系辣得唔太够劲，如果更加抢眼啲就更加啱我味。酥炸云吞啖啖肉馅，炸到外脆内腍，啱晒喜爱小食嘅朋友，真系食唔停口咁解！整体黎讲，小甜甜嘅川菜仲系咁有水准，平民价钱都食到劲多味道嘅选择，下次仲会再黎探险其他菜！如果你都系个辣爱好者，呢度应该唔会令你失望。食完之后整个人都精神晒，食辣嘅快乐真系无得输㗎！👍😋💯
继续阅读
天气冻既时候突别想食辣野，今晚同咗老公去食呢间川菜叫咗麻辣烫肥牛、歌乐山辣子鸡、 卤水牛𦟌，炸馒头1）麻辣烫肥牛🥩麻辣烫有好多芽菜，肥牛系急冻牛，但麻辣烫汤底够浓，肥牛同芽菜都好入味😋2）歌乐山辣子鸡🌶️鸡粒炸得够脆口🤩 而且辣味十足，配埋腰果更惹味3）卤水牛𦟌牛𦟌份量够多，够淋够入味，而且牛𦟌下面仲有几粒豆卜，可以顺度一试佢既炸豆腐，炸豆腐同牛𦟌一样够入味 估唔到呢间川菜店除咗辣野出色，卤水菜式都唔逊色4）炸馒头馒头炸得啱啱好，超好味，外脆内软，配埋炼奶真系不得了，谂番起都流晒口水想再encore😝
继续阅读
寻日同老公即兴揾嘢食，我哋都想食辣嘢🌶️🌶️🌶️所以决定重温一下多年来冇食过嘅🔥小甜甜，一去到餐厅唔需要等位，舖头摆设同装修同以前一模一样。一坐低即刻叫个麻辣鱼春，点知八点都未到，佢就话卖晒🥲咁唯有叫个麻辣鱼卜，嚟到我食咗一啖，我觉得个味道好腥，已经食唔到落去😢而且份量好少，又切到碎湿湿…..一啲口感同胶质都冇!锅底全部都系白萝卜薯仔青瓜垫底….整体嚟讲呢个麻辣鱼卜唔好食。另外仲叫咗个干锅田鸡，呢个味道还可以，但田鸡份量都系属于少。另外前菜叫咗个泡椒凤爪，呢个就不过不失。最后叫咗个花生鸡脚炖汤，估唔到呢个系最出色🤩啖汤劲鲜甜，鸡脚超滑，入边有好多瘦肉，花生🥜都系炖得超淋，仲有两粒红枣喺入边，劲养生。建议大家下次黎小甜甜要嗌炖汤😆❤️
继续阅读
每次去旺角行完，谂唔到食咩果阵都会黎呢度⋯⋯因为知道唔会中伏😂😂而且仲有必点bucket list 其实我每次都系为左鱼春煲黎⋯⋯🤭可惜低碳唔敢食咁多饭，呢个送饭真系一流
继续阅读