影片
以上资料只供参考，请与餐厅确认详情
从来唔写食评，但经验实在太差！34度，这里严重缺乏冷气，虽然开风扇但都冇用！食物差，鱼生勉强可以，寿司很差，羊扒烧焦，烧鱼又怪怪地，招呼慢。最正常系杯雪糕！冇试其他食物。仲有，呢度冇厕所
继续阅读
唔想食咁多冻野，所以叫左少少刺身。甜虾都几大只下，虾肉爽口。油甘鱼系厚切，鱼肉肥美甘香。带子都好好食，好多水份，粒粒都好甜。放题当然唔少得炸物，芝麻鸡翼够哂香脆，仲有榴连炸弹都够哂流心，个榴莲味都好足。依度仲有个好特别既炸莲藕夹肉，有两片莲藕片夹住猪肉粒再炸，莲藕爽脆，味道带甜，猪肉粒有阵阵酱油味，都不错。烧物既鸡软骨同牛舌好正，鸡软骨粒粒都够哂脆，而牛舌就有阵烧烤既香味。秋葵烧得刚刚好，入面仲有水份流出。每人都有一客雪糕，雪糕竟然有häagen-dazs 同mõvenpick!好开心！häagen-dazs 既士多啤梨乳酪味同mõvenpick既朱古力味都好好食！
继续阅读
今晚系尖沙咀食左个靓放题。满屋质素又真系唔错。叫左个刺身。好快就上菜。好新鲜既刺身，三文鱼劲厚切，其他刺身都系。好鲜甜。最钟意食到新鲜刺身个种爽口多水份既感觉。白松露吞拿寿司，见到个色泽已经知好新鲜。吞拿鱼系多水份既，白松露既香味同吞拿鱼一齐食好好味。黑松露牡丹虾寿司既虾好爽口。全部海鲜都新鲜。好抵食。叫左个羊架同埋沙拉骨。羊架入口脂肪同肉分布均匀，好滑。烧得好，香料狗，提升羊肉既甜味。手卷上边既海鲜份量都好足，见到个海胆就知，大大块海胆系上边。而且入口冇阵石油味，鲜甜味系同日本食既有得fight。好好味既放题，下次返寻味！
继续阅读
朋友岩岩系台湾反黎 太耐无见 想揾个餐厅一边食一边倾下计 佢住尖沙咀所以近近地 就拣放题餐厅 贪佢多野食又可以坐两小时。入到去 座位坐得比较狭窄 但同样野食先系重点嘛 order纸有吾同种类 剌身 寿司 空运寿司 卷物 手卷军舰 火炙 炸物 串烧 烧物 一品料理 主食 天妇 小食 和风料理 可以比食客有更多选择黑松露牧丹虾寿司：依款寿司 我叫左好多次 原因系因为虾身好爽口 而且带有鲜味上面有一少撮既黑松露 食落有黑松露味 味道特别！香芒花之恋：甘岩又系有黑松露系面 另外有一旧芒果肉 中间有沙律酱 芒果令花之恋更加fresh 芒果味道开胃 但不太酸 令到食落去 感觉吾会太济！芝士软壳蟹卷：顶部有少量蟹子 增加口感 软壳蟹为林身 食落吾会太漏！盐烧海虾：叫左好多黎食海虾烧到岩岩好 吾系死虾黎！咬落去依然爽口 仲要无黑色既虾肠添！烧鸡软骨：个人觉得太过咸身 可能落得太多盐。天妇罗虾：虾身同样好爽品 外皮炸到金黄色 而且炸得松化！大家可以试下喔！焗广岛蚝：系有菇同蟹柳 下身有广岛蚝 蚝身并不腥 真是另类的焗蚝！刺身：三文鱼刺身 切得尚算厚身 所以有口感 味道鲜味！甜虾刺身 又叫左好多 因为好爽口 鲜甜 绝无腥味！日本玉子刺身甜身 不错！鲍鱼片刺身 个人觉得带点点腥 但朋友吾觉腥！希灵鱼刺身 吾腥 由于切得比正常为厚 大大增加口感！赤贝刺身 好爽口！中呑拿鱼腩刺身 切得同样厚身 味道一般！芝麻鸡翼：炸得好香口 又脆身！咬入去带有肉汁 要推介比大家食！Haagen-Dazs 雪糕：每位食位只有一杯，拣左朱古力味 估吾到有贵价雪糕 正！
继续阅读
今日约左一班朋友系尖沙咀食饭，有人提议食放题，好耐之前已经试过满屋既放题觉得质素唔错，见价钱又ok就决定食呢间啦。由于我地系闲日早场食既关系，餐厅比较少人，所以我地次次叫完野之后啲野食都好快黎到。刺身刺身既选择都几多，一黎到就见到刺身好厚身，色泽好靓。见张纸无得拣三文鱼腩，但黎到既刺身盘竟然有几块好肥美既三文鱼腩，入口即溶，唔通系厨师私人醒我地既？其他刺身都不过不失，好新鲜同肥美，我地都叫左两三round。海胆手卷手卷一如以往既放题都系迷你size，饭唔多，唔会惊太饱。但海胆既份量都就几多下，一见到觉得好惊喜。海胆无腥臭味，味道鲜甜。樱花虾三文鱼卷樱花虾好脆口，带少少甜味。三文鱼片都几新鲜，个卷入面有玉子，蟹柳同青瓜，食落去口感丰富，都几得意。焗广岛蚝酱汁真系好多，铺满成只焗蚝既面。重点系唔点单止酱多，只蚝都几大只。紫心香芋丸，芝士年糕全部炸物都系即叫即炸，热辣辣，入口香脆。食落又唔会感觉太油腻，算系不过不失。盐烧海虾海虾好大只，咬落去肉质好扎实有嚼劲，仲好入味，有淡淡咸香，唔错。烧有机鲜菠萝几有水准，闻落有好香既火炙味，咬落去又juicy又甜，又再忍唔住encore左。除左出面既自助甜品柜，每人仲可以要一杯movenpick/häagen-dazs既雪糕做甜品，非常满足呀。另外成餐饭都无漏过单，好满意。
继续阅读