滿屋日本料理 (大埔超級城)

营业中

休息中

想飲飽食醉日本嘢，朋友係街坊黎，話呢間放題質素甚高，所以最後就揀咗食放題😎經典放題任食套餐 $278 ，除咗qr code 落單外，現場有炸物同涼拌自取區，下次想升級多一個grade,因為見到人地食海膽食得好開心😂-食放題就最驚將價就價，最驚遇到食刺身未退哂冰或者唔新鮮，但大埔滿屋絕對係高質！刺身三文魚、油甘魚厚切，新鮮肥美，大赤蝦鮮甜大大隻，真係忍唔住enocre多次，就咁食刺身都抵🙈 拖羅蓉魚子醬帶子杯必食！壽司方面，花之戀、劍魚腩、鹽燒左口魚壽、海膽手卷都屬於驚喜之作！ 炙燒後既左口魚入口即溶，油香洋溢，劍魚腩油脂清香，不論賣相定味道都屬於中上，放題除咗汽水/樽裝飲品外，啤酒都係任飲！-餐廳熟食方面都出色，鍾意食西京燒嘅朋友一定要點，黑鱈魚🐟肉質細緻，魚肉帶有淡淡白味噌甘甜味，超滑！生蠔燒後依然保留蠔汁，加上蒜香濃郁，鍾意惹味既朋友要食呢個蒜蓉燒生蠔！鮑汁燴花膠一啲都唔吝嗇，大大件花膠炆得好腍又入味！-最後我以冷熱榴槤及相思雙皮奶作為今餐嘅甜品，可以食榴槤嘅放題實在太幸福了！！！😀😀😀-

大埔高質日式放題約左大埔的朋友今晚食日式放題，放題任飲任食2小時,$298/位，有加一服務。餐廳裝修新潮，座位寬敞舒適。自助冷盤有泰式鳳爪、海蜇、中華沙律、壽司薑、薯條、沙律菜及熟食……等，刺身、壽司、串燒、一品料理、燒物、廚師推介、天婦羅……，嘩！食物多款式之餘，還有甜品飲品及水果……等，任飲任食。壽司都叫了多款，芝士軟殼蟹卷、特濃芝士醬燒皇帝蟹棒壽司、鰻魚玉子燒、熟芥辣八爪魚軍艦、榴蓮加州卷鵝肝壽司、火炙海鰻壽司……燒物及炸物也有多款式，非常香蒜味的蒜蓉燒生蠔。自家制吉列炸蠔，外皮酥脆。芝麻雞翼、雙思雙皮奶、燒新鮮菠蘿……，尤其喜愛芝麻雞翼肉嫩皮香😍香甜的蒲燒鰻魚、極香魚味的西京比目魚，肉質細嫩香！鹽燒雞翼、鹽燒雞軟骨、鹽燒牛舌，牛舌煙韌有口感，經燒過特別香！燒羊鞍，面上還見到很多調味料，帶有烤羊肉的香！秋葵天婦羅南瓜天婦羅。可愛的麻辣小龍蝦，細細只很惹味！BB乳鴿香軟又入味！還有馬來西亞冷榴蓮、馬來西亞烤榴蓮，我愛經燒過的馬來西亞烤榴蓮，口感多了一重烤的香味！滿屋雞煲，細細煲，就算是放題，質量也不錯，雞肉入味嫩多款的甜品及雲呢拿雪糕，焦糖雪糕，滿足🤩😍～～

同阿女去大埔超級城行下，肚餓時記起附近有間食放題嘅滿屋日本料理，120分鐘日式放題任飲任食，即刻過去食返餐。餐廳地方整潔，座位舒適。放題食物種類繁多，有超過80款料理供客人選擇。場內設有朱古力噴泉、冷盤小食、甜品、各式飲品等。客人亦可任飲清酒、梅酒及啤酒。甜品方面，每人奉送一杯Mövenpick或Häagen-Dazs雪糕。刺身款式都有不少選擇，挪威三文魚、油甘魚刺身、希靈魚刺身、帶子刺身新鮮肥美，阿根廷大赤蝦刺身好大隻，肉質結實相當彈牙、甜味濃郁、蝦身艷紅飽滿。鰻魚玉子燒：濃郁的烤鰻魚與鬆軟的玉子燒完美融合，juicy又惹味！燒廣島蠔壽司：蠔味好濃郁燒到好惹味。火炙海鰻壽司：海鰻入口即溶而且味道濃郁。芝麻雞翼：外皮金黃酥脆，肉質嫩滑，非常香口。鹽燒海蝦：蝦肉肉質Q彈。燒新鮮菠蘿：天然甜味會更加突出。BB乳鴿：皮脆肉嫩。榴槤炸彈：外皮煙韌厚度適中，內餡香濃幼滑，味道甘甜可口。西京比目魚：魚肉口感軟嫰幼滑，味道甘甜。燒羊鞍：羊架燒得香脆肉嫩。燒蒜蓉帆立貝：原隻帆立貝連殼上， 用蒜蓉蒸夠晒惹味，肉質彈牙。虎蝦天婦羅：口感彈牙，香脆美味！皇帝蟹棒天婦羅：蟹棒厚肉又鮮甜。南瓜天婦羅:南瓜香甜。

滿足之［滿屋日本料理］今日同朋友去左大埔滿屋食放題，地方大，坐得好舒服，自助區有沙律醃製物水果，涼拌青瓜，螺肉，中華沙律，豬耳等開胃小食，款式都算多，另外有少量炸物熱盤味道都唔錯。 飲品區有多款汽水，果汁同茶類，還有日本啤酒，熱清酒好飲👍🏻，刺身有三文魚、油甘魚、北寄貝、赤貝、大赤蝦、希靈魚、八爪魚、劍魚腩和帶子等等十分多選擇，刺身鮮甜美味，個人中意北寄貝同赤貝爽口鮮甜，串燒必叫鹽燒雞軟骨好爽口，鹽燒牛舌同燒羊鞍好惹味，燒鰻魚份量雖小但好香，出色既係西京比目魚嫩滑，壽司推介火炙海鰻壽司，特濃芝士醬燒皇帝蟹棒壽司、花之戀同鹽燒左口魚壽司，因為真係好好食，一定要試下，同埋壽司飯量係比較少，比我留返d胃食其他，炸物黎講炸蠔好脆口，食去到呢個時候已經好飽，一定要叫燒波羅消一消滯🤣 ，甜品款式都好多，連Häagen-Dazs 都有😍，而且有好多種味選擇，如果喜歡榴槤既朋友雪糕，可一試榴槤雪糕好香。昭和食堂灣仔謝斐道391-407號新時代中心地下A號舖

星期日踩左一日單車，去到大埔勁肚餓。上網搵到原來大埔超級城都有間滿屋放題，即刻九秒九衝過去開餐。 滿屋之前都係旺角同荃灣分店都食過，食物質素唔錯，款式都好多一樣。大埔分店同樣設有自助區有啤酒、汽水、清酒、冷盤、炸物、甜品等等。另外，刺身、壽司、手卷、串燒、燒物、天婦羅、炸物同其他熟食就用手機掃QR Code落單。 刺身好新鮮，有三文魚、油甘魚、劍魚腩、阿根庭大赤蝦、甜蝦、帶子、赤貝等等。我最鐘意大赤蝦，大大隻啖啖肉，甜蝦就肉質清甜較滑，油甘魚夠晒肥美。另外，鵝肝壽司好香，勁多鵝油係飯面。 熟食方面，牛舌、羊架同燒元貝一定要叫，全部都熱辣辣。 花膠都唔講得笑，大過一隻手掌！甜品方面，雪糕有Movenpick、Häagen-Dazs同其他款式任食。值得一提，呢到大埔分店仲有朱古力噴泉，真係好食又好玩 。

同女朋友係大埔超級城一田shopping完，就去左隔離既滿屋食放題，當時已經係夜晚8點半，但門口仍然有人等位，所以決定一試！-一入門口就比個雪糕櫃吸引，入面有我地愛既榴槤雪糕同Haagen-Dazs曲奇味雪糕。-滿屋係以不限量任點任食，剌身都非常新鮮，仲有壽司﹑串燒﹑炸物等，仲有自助形式既朱古力噴泉﹑泡菜同甜品櫃。-最值得一提既係雞軟骨串燒同燒菠蘿，雞軟骨粒粒都好好味，啲菠蘿又甜又多汁，大家一定要試試-滿屋食物新鮮，性價比高😋大家有行開大埔一定要過泥試下。

好耐無去大埔找野食。近排多數係元朗覓食。因老婆返娘家教子。所以今晚好理所當然在大埔搵食當好多人習慣地行過舊街時，見到一間新開專食日本美食匯集。必然之選。日式放題的優勝之處。刺身必然是個個坐上客喜愛。必然首叫。北海道帶子。希靈魚。赤貝。北寄貝。三文魚。油甘魚等等熟食有牛肉鍋。天婦羅用料講究。牛肉新鮮配合得美味。再加上琳琅滿目既串串燒。特別給我喜愛的燒物。一定是燒牛舌。還有我喜愛的榴槤雪榚。各款不同口味雪糕。

又係同女神撐枱腳時間，很喜歡這一間日本自助放題。係我同女神的餐廳之一。近排新返咗巨型赤海蝦，真係欲罷不能。一入門口就已經排晒隊，大把嘢食等緊你。 整整齊齊乾乾淨淨最緊要的是衛生指數超高。今日專登揀閑逸嚟食冇咁多人，如果星期六日嚟嘅話你預咗要早啲book位啦。今日叫咗兩份三文魚膠，超正！ 活潑嘅三文魚新鮮嘅做法，直頭感覺到條三文魚上1秒先至喺度游緊水，轉頭就放咗喺我面前嘅碟上面。再嚟就係今晚我要講嘅主角赤海蝦，相入面見到嘅呢隻赤海蝦18cm長，你睇吓我咁大隻手都未能夠將佢一手掌握。這麼大隻的赤海蝦出去買起碼$20隻，仲要自己剝殼做刺身先至有得食。今日去滿屋，一位百幾蚊就可以，隨便叫隨便食。輕鬆的拭去10隻八隻，價值幾百蚊的赤海蝦。不要講回本，根本擺明倒貼俾你食放題。仲要有新鮮海膽壽司，真係有冇搞錯？我嚴重懷疑老闆究竟係點賺錢。 新鮮海膽手卷鮮黃色有啲似馬糞海膽，新鮮好味，同樣都係任嗌任食。食咗咁多正嘢，本來都諗住飽㗎啦。 最尾叫咗幾隻鮑魚，先至知道不得了。咁大隻鮑魚又係任食，搞到我又食多咗嘢。本來跑到反艇㗎啦，到最後都係要食多幾隻蝦先至肯走。如果成日來的話，真係食到我變態肥佬。

唔使行出大埔都有高質放題食！超推介！食物種類好多，包括有刺身、壽司、燒物、炸物、不同款式嘅廚師推介、甜品有好多選擇，雪糕都有好多選擇、仲有好多前菜選擇。試過嘅都有水準、完全唔似放題質素！難怪今日六點幾嚟到都坐滿人！侍應好有禮貌服務質素好好！推介： 燒物好多好好食！西京燒、燒牛舌、燒羊架、燒番薯仔、燒菠蘿都係本人最愛。西京燒好Juicy!肉質好滑，好香好惹味！食完一件又一件！牛舌幾厚身！爽口彈牙！ 刺身壽司都係超乎你想像嘅新鮮、試咗個海膽手卷個海膽好鮮甜、估你唔到。壽司質素都有返咁上下！仲有一個叫黑松露蒸蛋，新鮮即叫即蒸！ 食量大啲都唔知餐廳賺乜！

滿屋係我一直覺得係全港最高性價比，而食第亦非常高質新鮮嘅一間放題，出面放題冇得食或要加錢食嘅高級食材例如海膽同鵝肝，呢度一個好親民嘅一口價就已經可以任食。夜題好少可樣樣都好食，而呢間放題就兼顧到每一樣美食嘅水準喇。先講講刺身拼盤，每樣我都會叫少少試下貨，而每一樣都冇令我失望，當中視乎個人口味，我就極愛蝦刺身，阿根廷大紅蝦又肥大又鮮甜，而甜蝦同三文魚，我就推介一個最緊網紅好興嘅新食法，拎碗泰色酸辣汁即場玩泰色生醃海鮮，又軟糯又提鮮又惹味，食指大動！前菜亦都好有誠意，好多自家制美食，手拍青瓜、脆腸、筍、仲有鳳爪都好開胃好爽口。而飲品方面，冷飲櫃都好多款式，仲有梅酒同清酒飲。而手卷亦有好多極上之選，吞拿魚蓉、海膽、三文魚籽等等，細細件，一啖一件，完美體驗海之幸的鮮美幸福感。每一口都心花怒放！熟食有幾樣必試，第1係乳鴿，脆皮多汁肉嫩，同酒樓食一樣咁正。第2係牛肉烏冬，細細碗唔怕哂QUOTA，牛肉係安格斯級數，好濃味，個湯底好有牛肉味，想飲埋佢，而烏冬亦係稻庭風嘅，高質呀，有啲想食多一碗。第3樣係串燒牛舌，偏厚切，燒得恰到好處，香口得來有肉汁，食完一串又一串。最後1樣係芝士年糕，食左咁多好野有D

滿屋日本料理👻朋友住新界區一於同佢係依邊搵好野食好耐無食放題就揀咗依間滿屋幾好食有驚喜八點半後入座仲有優惠再抵啲食到好飽又飲到好滿足🤩.🔅刺身拼盤除咗基本既三文魚油甘魚仲有大赤蝦赤貝同埋劍魚腩厚切既刺身新鮮又夠凍最鍾意佢份量啱啱好食哂再加單唔使怕一次過比好多🔅燒羊鞍 燒大蝦 鐵板牛扒燒羊鞍幾好食羊味夠出又唔會太羶唔會煎得太熟唔錯鐵板牛扒幾特別好少見放題有得食可以隨喜好睇下想燒到幾熟😆🔅海膽手卷 三色蟹軍艦海膽好出色！本身都會預會好高質估唔到咁好味又新鮮我地加單加咗好多次🤭三色蟹軍艦有蟹肉蟹籽蟹膏三重口感都幾唔錯🔅天婦羅 吉列蠔天婦羅南瓜同番薯都係必食新鮮炸起熱辣辣吉列蠔都會飽滿大大隻🔅甜品區飲品區除咗落order之外仲有啲前菜同甜品可以自己拎仲要有haagen dazs雪糕任食添酒類又有啤酒梅酒清酒鍾意飲酒既一流😛.整體來說:抵食放題 性價比高😚.🎈 滿屋日本料理 (大埔超級城) (大埔)大埔安邦路8&10號大埔超級城地下542-548號舖

自從生日飯後就無食日式放題，難得就到朋友時間，當然要食翻餐，今次來黎到滿屋日本料理放題。哇，無唸到日式放題發現有朱古力噴泉，氛圍歡愉！自助區有冷盤小食前菜、沙律、飲料，甜品水果都係自取，其他 QR code 點餐！一起品嚐有咩美食先海鮮刺身海膽口感軟糯 鮮甜，大部分刺生好新鮮尤其牡丹蝦大隻又鮮甜，建南魚也好吃😋！燒物日本蕃薯香甜好食, 菠蘿同樣甜蜜多汁。河蝦肉嫩鮮甜，雞軟骨够脆！炸物即叫即炸熱辣辣,香脆沒有過油膩,必食肯定係例牌炸物天婦羅蝦、南瓜、炸鮮奶、炸雞翼和紫薯各樣熱烘烘，乾身,非常鬆脆，外層薄，紫薯味道不錯，甜而不膩！小炒 豉椒炒蜆 唔算好大隻,勝在鮮甜入味最後唔少得甜品櫃入面大約有十多款選擇,也有水果，品嚐埋 Häagen-Dazs 雪糕好滿足！

滿屋日本料理 (大埔超級城)📍大埔安邦路8&10號大埔超級城地下542-548號舖外甥剛剛考完個DSE，一早已經答應左佢，考完請佢食返餐好既。佢聽D同學講，大埔既滿屋放題好好食，我當然係樂意之極。個乖豬話佢早餐只食少少，諗住留肚黎滿屋試盡過佰款料理，閒日既午市好抵食，只需要$258/位，小童係按高度算，140以上需要按大人收費，應該既，乖豬食量本來已經大過我。我地清楚收費後，已急不及待就座，餐廳採用QＲ落單，上菜好快，琳瑯滿目的食物，樣樣都想試，好彩佢可以１件１件既點，先至可以試多幾款。紅咖哩軟殼蟹伴海蝦，個汁好惹味，軟殼蟹大大隻，炸得好香口，外脆內裡肉汁滿滿，海蝦都唔細，肉質爽嫩，好鮮甜。冷鮑魚搭配泰式調味料，鮑魚好新鮮好爽口，個汁辣得黎好過癮。羊架燒得好香，有點羊臊味，喜歡食羊既會明白。手卷、軍艦同卷物好精緻，細細件，啱哂眼闊肚唔闊既我們，紫菜好脆好好食，刺身好新鮮，帶子同赤蝦，十分鮮甜。天婦羅包括秋葵, 虎蝦, 南瓜, 整體外層炸得脆身香口。甜品都有好多自家制作款式，奶凍糕點水果任取，雪糕款式都有十多款，食得太HIGH同太飽，走既時候居然唔記得食雪糕，真係要搵日去食多次先得。

大埔嘅高質放題，一入門口就見到朱古力噴泉同糖果區，仲有沙律吧雪糕櫃。呢度簡簡單單都每樣幾款。飲品都超多款，啤酒都任飲，仲有燒酒😛酸梅湯。叫咗個最普通嘅A餐，開餐之前通常會叫個熱辣辣嘅鍋物打下底先，叫咗個肥牛粉絲鍋食完即刻暖胃開始作戰。另外都有啲鍋物,有卜卜蜆、蟹粥。魚生都成十幾款,三文魚同油甘魚都喺厚切肥美的,仲有阿根廷赤蝦,超大隻好好食,啖啖肉，仲有杯杯吞拿魚蓉。另外特色嘅泰之味冷鮑魚都好推薦。燒物都好充足,有燒菠蘿、牛舌、羊鞍、薄牛肉、生 蠔、等等.......今次佢嘅燒菠蘿真係好正，唔知係咪因為啲菠蘿夠甜，前前後後真係叫咗成打，另外佢啲燒物真係比較出色，天婦羅都好正，總之就雞軟骨都叫咗12串，然後就係瘋狂叫天婦羅🤣

中肯啲咁講：真係唔對口味我哋叫$418 set母親節去呢度慶祝，但唔符合預期。之前都有幫襯過幾次，覺得唔錯，因為母親鍾意食魚生，所以帶佢嚟試吓，點知感覺係失禮嘅。🥴位置逼夾、款式唔多、食物質素差吞拿魚蓉/刺身入口係未溶雪嘅長腳蟹第二輪唔知係咪未啤夠水，非常死咸其他熟食好似牛肉鍋、炒蟹都係好咸😮‍💨我哋坐咗入邊角落位，成晚有八成時間都係要我哋自己伸手去接食物，因為侍應根本行唔到入嚟放上枱😪先唔好講佢完全比唔上其他同類型嘅放題餐廳，就算我唔比較佢都完全對唔住個價錢人生中食得最唔抵嘅飯，呢到都算數一數二。當晚全場好多人食嘅，可能得我同屋企人有呢個感覺。但係仲考慮緊嘅你哋，可以再斟酌吓。希望香港餐廳可以爭氣啲～