影片
海南鸡入口即融 配搭汁真系会升天 太爽了佢要我写80字 800字我都得呀 仲有碗soup简直就系画龙点晴 四个字 好肯好饮 推介大家真系可以试下 包你一定唔会后悔 我一出粮第一时间买既就系呢间既海南鸡饭
继续阅读
今日喺满东街市，试咗间好正嘅泰国小店，好有惊喜！小店一间，有一张小枱可以堂食，唔够坐会即时加枱。店内有三位店员，应该都系泰国人，但系帮我哋落单同介绍嘅时候，原来系讲好流利嘅广东话，同埋店员都超好礼貌泰式炒金边粉第一啖已经食出惊喜，味道好香浓，配料足，连个粉都好有弹性，好烟韧𠮶种，真系好好味！我钟意食辣，加咗少少辣椒粉，觉得更好味！！之前试过好多香港出名嘅泰式炒金边粉，都好失望，今次终于俾我揾到，原来香港都有好食嘅Pad Thai，净系依碟嘢，已经注定我会再返嚟帮衬！泰式船面同正式嘅船面唔同，唔系一啖一碗，无得拣汤底，不过唔紧要啦，好食就乜都得！依碗船面最出色系个汤底，好浓味，好重嘅九层塔味，食得好开心！！河粉都不错，唔系好厚𠮶种，今次点了牛丸，喺碗里面意外发现咗啲肥牛不过下次会试其他𩠌泰式奶茶可能系迎合香港人嘅口味，佢好似一杯少甜版嘅泰式奶茶，记得去泰国饮嘅嘢都好甜，依杯甜度啱啱好，好啱我心意！如果茶味可以再浓一点会更好，略嫌欠了一点泰国奶茶的风味！一路食，一路留意厨房环境，发现好干净
继续阅读
午饭又来帮衬，上次试咗金边粉，今次试海南鸡饭。海南鸡份量好大，食落鸡肉口感唔滑，比较松散，当然咁嘅价钱肯定系急冻鸡肉，呢种口感好正常。 $40价钱连纸包饮品，味道冇惊喜好正常，但原来我睇小咗佢，送嘅酱汁味道酸酸甜甜，一配左落个饭度，即刻好食左10倍，酱汁完全系画龙点睛之作，如果酱汁可以再送多啲就更好，肯定9秒9食晒全盒饭。至于饭，够干身，带少少黄色，食落又唔系好觉有特别味道。另外，健康原因，如果菜可以多d就好，得两小片青瓜唔系好均衡。
继续阅读
平价！亲民！真·泰国味！以前成日嚟东涌都知冇咩好食行山之前又要入返嚟，梗系大无谓咩都要试吓食！今次就试吓新邨屋嘅街市啲熟食！我嗌左个猪颈肉炒饭 $48 包嘢饮超好食😋😍🤤足料到不得了！唔止有大大块嘅猪颈肉，啲饭炒到够干身之余，仲有好多配料一齐炒！老公就叫咗个炒金边粉$48包嘢饮大大只虾，金边粉都系炒到好干爽，又香口！有机会同老板倾吓计，佢仲话老板娘（泰国人）坚持要原装正版泰国味，咁先至系对食物嘅坚持！净系呢种精神都值得我哋去撑啦！
继续阅读