滾爺火鍋 (金巴利道)

营业中

休息中

尖沙咀滾爺火鍋打邊爐，闊落坐得舒服，每個位有獨立電視可以睇都幾唔錯麻辣雞煲（半隻雞）$248個雞煲放左好多料頭入去一齊炒勁香！個麻辣醬夠杰D雞件包到好多醬，食落唔係特別麻辣，食完就加埋個湯落去打邊爐。打邊爐料叫左幾樣食手包鮮蝦雲吞4粒 $44 - 皮都幾薄內餡D蝦肉幾鮮味道唔會太過濃，好食不過有少少貴Q彈墨魚仔 $68 - 食得出新鮮，口感真係幾彈香芋包心上貢丸8粒 $58 - 未食過呢款丸幾特別，入面有好多芋泥。因為平時食貢丸會覺得膩，反而加左芋泥又ok，中和到下個膩百福豆腐 $28紅薯粉 $18

今日同朋友繼續打邊爐之旅，而係朋友介紹下，嚟咗尖沙咀呢一間試下，呢一間特別之處除咗打邊爐之外，仲有個打卡位，非常舒適同靚⭐️招牌椰子雞鍋椰子味十分濃郁，湯底清甜，舖頭仲準備埋計時器，令到火候恰到好處，雞肉爽口彈牙，而且湯都可以拎上黎飲，食完慢慢再加湯打邊爐都得⭐️娃娃菜顏色好青綠，絕對係新鮮⭐️即炸響鈴卜卜脆嘅口感令人停唔到⭐️韭菜餃 & 魚皮餃餃的size算大，特別係韭菜餃，仲好多汁，非常Juicy，值得一試⭐️出前一丁打邊爐點少得面類，出前一丁不嬲係首選，湯底嘅精華加上味粉，同屋企食嘅唔係同一個級別

🥥🍗🐤椰子雞煲。清潤舒服尖沙咀食椰子雞火鍋，湯底與椰子水、椰青肉和中藥材調制，將生雞切件煲滾。九宮格調味料調一碗自己最愛的火鍋醬，其中沙茶醬、惹味辣醬、生蒜和青檸的組合是貓太太最鐘意的，真是「醮拖鞋」都美味。火鍋料方面，鮮蝦雲吞🥟和四寶丸🍡都是呀姨下單後手工製作，味道不錯。四寶丸有魷魚、蝦滑、豬肉和牛肉，除了牛肉粉漿略為重手，其他都是彈牙紮實的。🥬皇帝菜也是姨姨立刻清洗，新鮮翠綠。🍝薯粉也比預期大碟，滿滿的一碟足夠兩個人份量。今次吃火鍋不算大吃大喝，更似家常便飯。

🦖尖沙咀甜潤椰子雞✨✨招牌椰子雞鍋（$248）招牌椰子雞湯底來自椰皇、椰青水用半隻文昌雞、椰子肉、馬蹄調味雞肉嫩滑多汁，帶有甜味，味道香甜、秋冬天飲就更加滋潤！九宮格調味盒有小青檸，同椰子雞超夾超好味🤤✨美國安格斯板眼($188)擺盤好靚又打卡able🩷美國安格斯板眼牛味濃，肥瘦適中✨澳洲純牛筋丸（$68）非常有驚喜～牛筋丸彈牙爽口，肉汁豐富，牛味好濃郁✨魚皮餃味道正常，有八粒！火鍋必食～～～

今次去咗呢間餐廳試咗佢哋嘅藥膳花雕醉雞鍋，整體感覺幾特別，適合鍾意藥膳風味嘅朋友。餐廳環境簡潔，坐得舒服，同朋友傾足全餐都唔會受到打擾，三五知己、商業夥伴聊天開會的好地方，可以慢慢享受打邊爐嘅樂趣。藥膳花雕醉雞鍋（半隻雞），湯底帶有濃郁嘅藥膳香氣，花雕酒味比較突出，飲落暖身，適合鍾意酒香嘅朋友。雞肉份量足，雖然俾我地煮耐咗有少少偏老，但依然可以接受，藥材味同酒香結合得幾有特色，飲完之後成個人暖笠笠。美國安格斯板眼嘅肉質尚算唔錯，油脂分布均勻，輕輕一灼就可以食。雖然牛肉味唔算非常突出，但配搭藥膳湯底都幾夾，食落都算滿足。手打四寶丸分別係牛丸、蝦丸、鯪魚球同墨魚丸，每款都有唔同嘅口感。雖然彈牙度可以再好啲，但整體味道都算合格，特別係蝦丸同墨魚丸，食落都幾有鮮味。西洋菜嘅份量幾多，放入藥膳湯底煮一煮，吸晒湯汁嘅精華，食落都幾清甜，可以平衡返打邊爐嘅油膩感。萵筍幾爽脆，煮完之後仲keep到啲口感，食落幾清新。萵筍嘅清甜同藥膳湯底幾夾，食完之後口腔仲留有淡淡嘅清香，算係幾好嘅配菜。

乍暖還寒的天氣最啱去打邊爐，今晚去咗尖沙咀金巴利道滾爺，位置在尖沙咀金巴利道地庫，交通方便點了招牌揶子雞鍋，清香沒有半點味精，清甜滋潤，雞嫩滑，半隻文昌雞加椰子肉，仲有馬蹄，大火煑滾五分鐘即可享用，作為秋冬進補不錯台灣三寶丸（六粒）分別有芝士牛丸、金沙魚丸、香竽包心上貢丸， 自家手打丸，大大粒好彈牙，包心芝士流心，不過小心會熨口彈牙手打墨魚滑墨魚滑打得好爽滑，墨魚味濃郁即炸紫菜響鈴同甜粟米也是火煱的好配搭樽裝竹蔗茅根，清熱消滯，減低食火鍋的油膩

打邊爐有驚喜黎到婚紗街呢頭見到呢間火鍋店叫左麻辣同椰子雞鴛鴦鍋麻辣可以揀辣度😆啱曬唔太食得辣又想過下癮醬料盤有曬必備配料自己落😙同朋友都想多菜少用叫左西洋菜同娃娃菜全部都好新鮮！而且又多！滾左之後發覺椰子雞湯底好鮮甜🤤就連啲菜都吸收埋湯底嘅甜味好好食！雞肉份量都唔少，就算keep住滾都唔會好鞋而且唔係軟淋淋嗰啲冰鮮雞嘅口感～芝士腸脆皮，夾埋煙韌嘅烏冬做配料好食😆食到最後麻辣湯底都唔會好油👍🏻呢個湯底配搭真心唔錯卡位坐得舒服仲有房可以一班朋友黎食門口附近仲有花花牆草泥馬打卡幾特別😆

想喺尖沙咀簡簡單單打邊爐，見尖沙咀人推介滾爺火鍋，就一於去試吓佢先❗️餐廳地方闊落，每個卡位都有一個私家電視，抵讚👍🏻 餐廳有提供九宮格調味料，最驚喜係有泰國小青檸，打邊爐會特別開胃🤤 食物足料新鮮，質素都算唔錯❗️ ✨西班牙無激素豚肉片 $178 👍🏻👍🏻👍🏻👍🏻豚肉片切得薄薄地但質素唔差，肥瘦均勻 同肉質滑嫩😋✨爽口手打鮮蝦滑 $78 👍🏻👍🏻👍🏻👍🏻爽口彈牙，鮮味十足❗️✨滋味清湯 $78 👍🏻👍🏻👍🏻雖然叫清湯，但係其實本身個湯係有菜同埋豆腐，清清地都OK ☺️✨手包鮮蝦雲吞$44 👍🏻👍🏻👍🏻雲吞有四粒，正常size，蝦肉足料✨蜂巢豆腐 $32 👍🏻👍🏻👍🏻豆腐好滑，唔會一夾就散✨油麥菜 $28 👍🏻👍🏻👍🏻好fresh✨手包韭菜餃 $40 👍🏻👍🏻👍🏻韭菜餃有四粒，ok好食 ✨讚歧烏冬$28 👍🏻👍🏻👍🏻一份有兩個，最後撈埋啲湯食烏冬啱啱好

天氣乍暖還寒 最適合打邊爐，飲個暖身既椰子雞湯😌 今日嚟咗尖沙咀嘅呢間火鍋專門店😚招牌椰子雞鍋🥥🐓叫得招牌果然係名不虛傳😆 椰子雞鍋湯底以新鮮椰子水為基底，帶有天然既甘甜同椰子既香氣，湯底煲緊嘅時候已經聞到好香好香嘅椰子味😍湯汁吸收了雞肉的鮮味，濃郁而不膩，飲落仲超清甜😚雞肉選用既係肉質鮮嫩既文昌雞，食起來口感滑嫩。椰子肉也可以加入鍋中，增加了口感既多樣性。其他火鍋嘅配菜叫咗紅薯粉、蜂巢豆腐、手打四寶丸、金錢肚同萵筍。手打四寶丸，亦都好出名包括有魚蛋手打牛丸蝦滑同埋墨魚滑🤗 粒粒都好大粒同埋好彈牙。而且每碟火鍋配料都非常大份，好抵食

呢2日天氣又凍返少少，都幾岩去打邊爐。呢度環境都坐得舒服，我地兩個人安排左4人卡位，可以擺埋袋。滾得飽2人餐 ($598)叫左麻辣同沙嗲湯底，麻辣都幾辣，沙嗲湯底都幾濃。醬料款式都幾多，實有款岩口味。呢個套餐包海鮮，有海蝦4隻、花甲6-8隻、西班牙無激素豬頸肉、手包韭菜餃4粒，當日冇手打鯪魚滑所以轉左雲吞。打邊爐當然都唔少得山根同烏冬啦！再加左忌廉($18)同可樂($18)，計埋醬料($18x2)同加一，total 係$733。本身驚會唔會唔夠飽，最後係太飽！

餐廳地理置方便，座位寬敞、多卡位、私隱度高，亦設有房間。店員風格豪邁，而且採用QR code落單，即使I人亦合適。食物份量細細碟，大食可以試多幾樣，細食亦唔怕嘥嘢。 ✦ 鴛鴦鍋(沙嗲+芫茜皮蛋) 餐廳嘅湯底都幾多選擇，椰子雞、胡椒豬肚雞、藥膳花雕醉雞、麻辣龍蝦雞都有。不過最近腸胃唔係幾好，清清哋嗌咗芫茜皮蛋，朋友就揀咗沙嗲。湯底夠味，芫茜皮蛋芫茜味濃郁，皮蛋、豆腐等配料充足，沙嗲湯相對較為香濃。 ✦ 牛魔皇拼盤啱晒選擇困難嘅人，拼盤包含牛肩胛、牛舌、牛骨髓、金錢肚、牛柏葉。牛肩胛肉味濃郁，油花少、肉質柔軟。牛舌嫩中帶脆。 ✦ 讚歧烏冬一碟有兩大個，粗而結實，口感較為彈牙有咬口。 營業時間去到0500, 下次玩夜咗，可以約埋朋友嚟個宵夜邊爐。

📍 滾爺火鍋 (上海街) (旺角)旺角上海街428號地舖✨ 麻辣雞煲（半隻雞） 💰248😋😋😋😋.8/5麻辣雞煲味道濃厚，雞肉嫩滑，麻辣醬汁香氣四溢，搭配各種配料，食完令人意猶未盡，真係好開胃！之後就加湯打邊爐🔥🔥🔥👉即炸紫菜響鈴💰68即炸紫菜響鈴外脆內軟，口感絕佳，紫菜味清新，配上醬油真係無敵，食到一口接一口，停唔到！👉彈牙手打墨魚滑💰78手打墨魚滑彈牙十足，墨魚味濃郁，滑口又有嚼勁，煮熟後更香，搭配醬料食得更過癮，值得一試！👉即炸小白豬午餐肉💰58即炸小白豬午餐肉外脆內嫩，豬肉味香濃，口感豐富，搭配唔同的醬汁，真係好好食，令人回味無窮！👉鲮魚滑釀豆卜💰38鲮魚滑釀豆卜口感滑順，豆卜吸收了魚滑的鮮味，味道非常出色，食完讓人心滿意足，值得推薦！👉蜂巢豆腐💰32蜂巢豆腐外脆內軟，豆腐味道清淡，搭配醬料食得更美味，口感獨特，食完一口接一口，真係好正！👉唐生菜💰28唐生菜鮮嫩可口，清脆爽口，搭配各種菜式都好合適，作為配菜提升整體味道，健康又美味，必點！👉芝士腸8條💰38芝士腸外脆內軟，芝士流心超級好味，咬一口香濃四溢，配上醬料更加完美，真係食過唔想停！👉脆魚片💰88脆鯇魚片外脆內嫩，魚味鮮美

今日二人去。餐具有烏蠅圍，但係無提供清水或茶，所以沒有得自己清潔。結果用紙巾抹。叫了一個鴛鴦湯底，一邊蕃茄、一邊麻辣，有幾片蕃茄，沒有其他材料，收$228. 麻辣湯底有點淡，而且不夠辣，我哋無要求過少辣。後來點餐一樣沒有茶水。叫了吊龍、豬肉。吊龍$488 如圖，砌得好少同埋好薄。一放入湯縮得很細。我俾了openrice 的手機訂座佢睇，一直都沒有確認。由於響地面落一層，有點焗。要求開大冷氣，店家很有禮貌地配合，但仍然很焗。響鈴和蕃茄湯底算好食。但食物份量和環境如不改善則不會再去。

食物質素唔ok，仲要好貴要乜冇乜，服務態度差本身book 旺角，問果陣話有房到話比訂金又冇房，要求轉尖沙咀Book 房已講要求唱K又講到間房ok，可10人（旺角房睇圖可以）又一直催比訂金，比咁先比我相已話房太細，但話可以，坐到10人但入到去6個都嫌多，張枱又細。要坐圓櫈又閂唔到門卡啦ok 音響設備超差喇叭左右輸出聲入不一致入黎過條線係咁，覺得冇問題麻辣龍蝦雞煲湯底套餐入黎話冇龍蝦，叫換餸但冇打算扣錢要求取消又多多說話真心唔推薦

<鴛鴦鍋- 沙嗲 + 麻辣 🥘 $168>平時好少見有沙嗲湯底邊爐 一上黎已經聞到濃濃嘅沙嗲味 麻辣味都幾香 嗌咗小辣都可以接受到 想食辣嘅可以再辣啲😋🌶️<美國安格斯板眼🥩 $188>佢哋牛肉嘅擺盤好靚 美國安格斯板眼加埋香辣同沙爹湯底都幾夾 再配埋個公仔麵 就會變沙嗲牛肉公仔麵 好滿足😌<白牛栢葉🤍 $78>白牛栢葉嘅份量比我想像中多 我最鍾意用黎打邊爐 好爽口 好入味🫣記得佢地有醬料費 $18/位 有10款醬料配搭‼️