滑嘟嘟

营业中

休息中

本來想去大埔墟街市搵魚蛋粉食，但係慢咗一步，冇唸過魚蛋粉檔收10:30，惟有去隔離舖搵甜品當早餐😋呢檔嘅糯米糍即場新鮮包，花生芝麻餡爆多，較碎身，一路食一路漏出黎。不過糯米皮軟糯又薄身😋 唔太甜，值得一試👍Freshly made mochi in Taipo, the skin is thin, with sticky and stretchy texture. The black sesame fillings are fragrant which blended well with the texture of peanut crumbs. Not too sweet. You won’t feel guilty eating more than one. 😋

今日入嚟大埔除咗飲茶之外，其中最主要嘅一個目的就係黎滑嘟嘟，喺我心目中佢嘅客家糍粑絕對稱得上大埔名物必買手信之一。如果唔係因為住得遠嘅關係，我真係每個禮拜買一次都可以嘅。飲咗茶行過嚟大概十一點四十五分，坐喺度等一陣大概十二點正準時開門，一到十二點就見到姐姐喺度開始整客家糍粑，見佢搓糍粑嘅時候已經感覺到嗰種軟熟，毫不猶豫買咗兩盒(六粒)。我喜愛佢個花生芝麻餡唔會太甜，食落去好純天然，而且一粒粒好有口感。由於個人喜好嘅關係，特別叫咗兩粒係冇餡嘅，因為佢個皮實在非常之軟熟，縱然冇餡料喺入面都好好食，絕對係值得一試~

之前見有人宣傳過呢間甜品舖，睇落好吸引，本身對於呢啲藏於街市嘅甜品舖好期待，正所謂大隱隱於市，所以會覺得呢度嘅嘢食係特別平同埋好味。但今次嚟到一試，可能因為我對佢嘅期望比較大，相比之下覺得好失望🥲🔖芒果椰汁奶凍 🥭-最上嗰層嘅芒果已經唔係好甜，有啲比較酸酸地，同埋都唔係每粒都切得方方正正，感覺有啲係切碎左嘅邊邊角角芒果粒😅🥛奶凍-另外底嗰兩層其實唔係好分得清邊一層喺椰汁邊一層係奶凍，因為奶凍其實唔係好有奶嘅味道，反而兩層都感覺有椰汁味。另外佢個size都好細，而呢個價錢嚟講我覺得唔係好值🥺

一肚火既經驗，因為家人想食合桃糊而到訪的首先外賣膠碗同堂食既紙碗已經不同一共買了三碗 女員工處理眼見外賣份量奇少 一共三碗 一碗比一碗少 忍不住 出口問姐姐 得到既卻係 態度奇差既回應 ：嘩 一個湯殼嫁 ，係一個湯殼嫁喎。但呢三碗份量 大家睇下喇 有一碗少到一半多少少咁 我先出聲加上 前面位顧客既外賣份量卻不同 （男員工處理） 更表示不明白第一次幫襯 感到失望同憤怒 外賣份量少到咁 都不合理掛味道是不錯的但都未必會專程拜訪了如果不是家人想吃 可能都不會要了

$20 三粒平時食糯米糍會有得揀食芝麻餡或者食花生碎餡，但呢度只會有一款味，就係兩款mix埋一齊嘅芝麻花生餡。所有糯米糍才都係即叫即包，睇住佢落好多好嘅芝麻花生餡嚟包。價錢雖然比平時嘅舖頭貴一倍，但個份量唔止多一倍。一粒有成手掌咁大粒，要起碼食三四啖先食晒一粒。皮薄餡料多，餡料有幼有粗粒，食落去會比較有咬口，甜度適中，好食🫶🏼因為係即叫即整嘅關係，所以會排長龍。今次我星期日2:00去排，條隊雖然唔係話好長，大概10個人到，都要等20分鐘。建議大家可以食住炸豬扒麵咁等。我買咗6粒，有一半係個男人整，另一半係個女人整。雖然個女人快手同熟手好多，但我覺得個男人整得好食得，佢有心機啲同埋會落多啲粉，令到啲糯米糍無咁痴盒，保存得耐啲。

住港島嘅我難得嚟到大埔之前已經食過佢嘅糍粑係最鍾意呢一間每次嚟都會見到有個姨姨喺度包緊所以一定係即日做新鮮做食得出去嘅芝麻同花生都係炒過嘅今次食落咗覺得芝麻好似多咗啲花生就少咗啲不過佢個皮做得好軟糯另外再試埋佢嘅芝麻糊$20抗通脹嘅價錢，試得過客家糍粑$40芝麻糊$20

隔咁耐先入去大埔一次，當然要食曬Bookmark左既野🤭週末既大埔熟食中心人山人海，其中一條隊就係滑嘟嘟🤫▪️ 客家糍粑 💲20 (3個)全人手即場製作，排左大概三十分鐘隊，就索性買兩盒🤓一盒即場食，糯米皮薄身，會帶點黏性，口感軟糯🥹另一盒帶左返屋企，依然咁出色，完全無變乾硬😌漲卜卜好飽滿既餡料，係炒過既花生溝黑芝麻粒，乾脆香口，甜度適中，感覺會有少少似係新年角仔餡咁🤣🔎 整體評分（8/10）

大埔墟街市必食-客家糍粑滑嘟嘟大埔友一定知道呢間客家糍粑，係大埔墟街市中心入面，weekend 下午時間去到，竟然已經見到條人龍😱10幾人排緊隊啦，因為係新鮮即場製造，大家都好耐心咁等候😜等咗10分鐘左右，就到我地啦，客家糍粑仲係熱辣辣㗎，忍唔住要即刻食返個🤪係花生芝麻餡，唔會太甜，糍粑好煙韌👍🏻大大粒好抵食，經過都去支持下😜3個都只係$20😂好抵食

之前停左業依家開返 真係要好好珍惜(;´༎ຶД༎ຶ`)今日食芝麻糊加芋圓好似係$29 芝麻糊好香唔會死甜但係芋圓太軟身 我本身食開果啲係好有咬口 🤧🤧 食左二粒就無食 🥹另外再買咗三粒糯米糍 😂但我仲未食 後補評語

$29超小碗的芋圓紅豆沙我建議大家購買時，先看看外賣碗的size是否是你預期的，才好付錢購買哦！其實我是滑嘟嘟的常客，喜歡他們的糯米糍和自家製飲品，也會在時令季節購買芋圓回家煮食，可是今次去購買芋圓紅豆沙時，發現超少份量，我付錢後，員工只用（一湯羹）紅豆沙就完成外賣包裝，如果填滿當然冇問題啦！可惜我發現外賣碗係冇填滿嘅，個碗已經細仲要有明顯空隙，我立刻表示未填滿甘細碗，員工和老闆娘聽完之後冇反應，冇檢查是否真係沒有足夠份量給客人，還說我們不提供膠袋，要加錢！我唯有手揸住取走，是但搵地方飲完去就算，可是紅豆沙味道一般沒有陳皮味，甜味也不足，吃完我就嘆氣😮‍💨點解啲服務和食品質素可以變得甘差，我決意以後不會再去購買，失望極了！我原本沒有想過出評語內容，因為吃完之後，真係太細碗，價錢貴質素差，所以才決定將個外賣碗拎回家影給大家看！我只希望分享自己感受，大家仍可以繼續去幫襯也是冇問題的！

每次入大埔，我都會去街市樓上的熟食中心買低糖糍粑食，不過當日因為老闆娘整親隻手，所以冇得食，咁就試吓其他甜品啦😄🥜 合桃糊 (HK$24)．因為見到係熱辣辣的，自家磨製，我即場食咗一碗．滑滑口感，濃厚嘅合桃味道，幾好食，又可以補頭腦又補身🥰🥭🍮 芒聚椰汁奶凍 (HK$48 / 500ml)．超多新鮮芒果肉粒，甜甜微酸，很好食．下面有椰汁奶凍和鮮牛奶奶凍，好滑，好滑😋🥭🍮 香芒樂園 (HK$40)．同樣有超多新鮮芒果肉粒，甜甜微酸的．拌有蘆薈和椰果，底下是愛玉，很爽很滑

滑嘟嘟一間大埔嘅小店，會令我去親大埔都記得佢❤️ 以前次次嚟都係買外賣，今次堂食再買返屋企🤣 但因為堂食，短短10幾分鐘睇到佢哋對甜品嘅用心同堅持✊ 以前嚟到我只係食糯米糍，即係客家糍粑，但今日再食多咗芝麻糊同芒果椰汁奶凍🥥 芝麻糊好香好滑，係到睇佢炒芝麻，離火後再炒（幫佢散熱）呢個認真真係好欣賞😳不過我要極力推介佢啲芒果嘢，雖然我本身覺得佢有啲貴，但食落你就會覺得值會票價😂 超級多芒果，加埋椰汁奶凍同奶凍溝埋佢食真係不得了🤘🏻 不過我建議係”拔”出來同人share，因為溝埋佢真係好好食，不過一次食哂份量就有啲多🤔️佢會不定期係香港唔同地方做快閃團，有興趣可以留意佢WhatsApp，如果過開呢邊唔記得帶凍袋，買滿$300就有架了🙋🏻‍♀️

黎到大埔 真係三顧草蘆先食到嘅滑嘟嘟！🈵由於太好賣 次次放工5點幾6點就賣曬🥲好欣賞老闆膽色，喺大埔街市入面仲貼住咁多良心貼紙，一貫自己信念🥹🫶🏻呢個年頭仲堅持唔簡單💛老闆娘包糯米糍嘅手勢係快啲睇唔清已經包好🤣太犀利了！🔸滑嘟嘟客家糍粑 $20/3大粒皮煙韌有口感得黎keep到薄身！粒粒都漲卜卜！☺️入面先係重點😍係爆餡花生溝黑芝麻，黑芝麻有炒香嘅味！而且係唔甜😌果然出色，傳統嘅味道👅原來係可以打電話留貨，下次學精了！

大埔墟熟食中心一向臥虎藏龍，除咗豬扒麵仲可以食呢間馳名嘅滑嘟嘟，售賣各種傳統甜品，而最出名嘅客家糍粑每日數量有限售完即止，好幾次放工嚟都賣曬🥹 如果想食，亦可以提早whatsapp定老闆娘預留！𓂅 客家糍粑 ( ᴴᴷᴰ 8/個，ᴴᴷᴰ20/3個，ᴴᴷᴰ40/6個)每粒客家糍粑都是即叫即包，店員把滿滿花生溝芝麻餡包到糯米皮裡，手腳快到見影🌬️ 花生炒得香口，包薄薄的整粒不會太甜，係我少有覺得真的意外好吃的糍粑！

-依家我已經摸過好多次門釘🥲，因為太受歡迎賣哂，之後老闆娘提我，下次嚟之前記得打電話留貨🫓【滑嘟嘟客家糍粑】 $40/6個 (9.0/10)餡料係花生溝黑芝麻餡，你睇張圖就知道有幾咁爆餡，我覺得黑芝麻味偏濃，明顯食到炒香左嘅黑芝麻味，勁香，外皮好煙韌唔會好薄，不過記得唔好隔日食，買完最好快啲食哂佢-📍【滑嘟嘟 Sweet Bon Bon】 大埔鄉事會街8號大埔墟街市及熟食中心2樓CFS29號舖🕑Tue to Sun 12:00 ~ 20:00☎️9172 9433