滋味無窮

营业中

休息中

雖然個位唔算好多人流，但係住喺附近嘅一定知呢間超級正宗又係泰國人開嘅泰國菜！食過好多次，價錢非常合理份量又多好鍾意佢個超貴份量嘅小食拼盤，烤魚，豬頸肉（最愛！）😻😻😻，仲有其他炒飯同埋炒菜等等（不能盡列呢🤣）特別要提一提個烤魚連埋湯食超級開胃！每次同朋友嚟都一定要嗌呢個～另外串燒肉唔會乾爭爭，好正！P.S.打包左個豬頸肉飯俾屋企人，盒飯多到係一般既兩倍😱😍👍🏽不論係樓面嘅泰國人定係廚房入面嘅泰國人都好友善，必定encore

lunch time 過黎食個湯麵，$38 就有碗湯麵都幾抵食，加 $4 又有得加料，叫左魚蛋+札肉金邊粉，清湯，都只係 $42店員服務態度都好好，有耐性。等左一陣就有得食啦，一上菜，好大陣泰國既香草既味，金邊粉既份量亦勁多，滿曬。配料份量亦適中，湯底有 d 油，魚蛋，我感覺有味精，因為都有 d 濃味。札肉，就係正常普通既札肉黎。食完成碗都飽曬了，整體性價比都高。再加上呢度地點好方便我返工既地方，所以我下次都會再黎食既

舊店依附青山公路，我們幾位同事一直都愛光顧，但因消防系統問題暫停了堂食，很久沒去了；現在才發現他們搬到內街，立刻再去光顧吃午餐，太興奮了呢！新店更大，裝修都升級了，仍然保持很乾淨，玻璃大門看到外面其實是休憩場地（非馬路），所以很寧靜舒適（包括等位時）。開店的都是泰國人，服務很親切！最重要當然是說食物！我們都先點舊店時最愛的那款食物，材料不變、份量不變、味道不變，價錢不變，依然好好吃，以下一一介紹：我自己選了菠蘿炒飯，鮮菠蘿粒、兩隻鮮蝦。不會太乾身，味道拾當、幾香。配凍柚子蜜，飲品就沒太特別，不過不失。一位同事選了冬蔭公，表示夠辣，可惜唔夠酸，不過湯算係好飲，真材實料，金邊粉夠彈牙另外兩位同事都選了濕炒雞河，表示有穫氣、蔬菜炒得香、河粉碎得黎有特色（本人補充：因為比較碎都要磁匙幫助一下）龍眼冰，不過不失這種質素大約$40幾滿意，飲品應該加2元當然會再光顧，舊店營業時的青咖哩都不錯，下次會再試。記得餐牌有魚蛋吃，它的英文翻譯是 Fish Egg⋯⋯^^