滋味燒味王

营业中

休息中

筲箕灣呢間燒味真係隱世美食，鋪面細充滿街坊人情味，乾淨企理，透明玻璃後就見到師傅即場斬料，油光閃閃勁誘人！有堂食位置，即叫即食風味更佳😋🪿燒鵝皇呢碟燒鵝皇真係冇得彈😍皮脆肉嫩，咬落去啲鵝油香噴噴，又唔會太肥膩。外皮燒到金黃色，仲keep到少少肉汁，點埋佢哋特製嘅酸梅醬，酸酸甜甜更加突出鵝嘅鮮味。份量都幾足，例牌都夠兩三個人 share ，抵讚！🐷叉燒皇半肥瘦叉燒絕對係高質🤤睇個色水已經知道功夫到家，外面微微焦香，裏面軟淋淋仲有肉汁，蜜汁香甜得嚟唔會過鹹，仲有少少燶邊，食落去口感層次好豐富，送飯或者就咁食都一樣咁正！💯🐔三拼（油雞、白切雞、燒鴨）賣相勁吸引🤩兩款雞都皮滑肉滑，仲好入味，配飯食一流！燒鴨水準亦高，保持到皮脆，好香口🫶🏻

叫兩次，兩次燒鴨都全部骨嚟，60蚊買你個雙拼飯，你已經咁嘅質素重要全部俾骨我？同你講叉燒要半肥瘦，竟然可以俾晒全部最瘦最柴嗰啲位我，分類仲要好少，真係好野，請好好改進！

行過幾次，見開住喇叭話唔賣隔夜燒味，特價開賣，都有d人買下，心想應該有質量保證吧。於是今晚就行去買隻試試啦，但乳鴿無折，呃人嘅都係＄45一隻，不過好食的話都ok既。滿心期待啦，點知……食落味道一般，個配個汁，咸咗少少，肉質就無彈性，係‘’梅梅哋‘’嘅中伏了