滋味燒味王

营业中

休息中

给常吃的烧味店打call经常在这家买外带，叉烧和烧鸭双拼饭，不同时间去得到的肉品质不一样，这是正常现象，我总结了一个规律：11:30和17:30之前去买得到的叉烧和烧鸭很靓！每次份量都只多不会少，见配图。

係滋味燒味王買左個燒肉雞飯，我要求走菜，點知無走。之後個四眼男待應居然就咁用手將D菜由飯盒拿出，無衛生常識。飯盒方面，唔好食，無肉，性格比低。總體而言，間餐廳質素差，唔好食，唔講衛生，以後唔會再食，也建議大家唔好幫襯。

本身無諗過寫食評所以開食咗⋯張相係少咗兩件嘅食過覺得都幾好～同事表示應該要幫佢平反下油雞要咗胸～阿姐有講盡俾唔包有～肉質都幾滑～最欣賞佢個熟成度剛剛好～熟得嚟骨位紅色不帶血！燒肉有脆皮！！係斬少咗下～所以好大件同比較韌～價錢嚟講唔算貴～如以上環地帶直情係恩物～收電子支付都幾方便間舖好細～好似無堂食？！落完單出門口等三分鐘就有～現場見都多人買最大嘅敗筆係個白飯好硬同例湯要加8蚊真係想知咩味精要咁貴～搵人寫下但總體嚟講係above average 之作！

第一次食亦唔會再有下一次。燒鴨肉質又乾又實，豉油冇味，食燒鴨問佢攞包酸梅醬竟然話唔得，話因為比咗薑蓉就唔可以要酸梅醬。收銀阿姐服務一流地差，口黑面黑，加汁唔多願意酸梅醬又唔肯比，一包醬都要計較。唔會再幫襯！

味道好一般但份量真係少得可憐用個透明膠兜裝，手掌咁長裝埋餸僅僅得個盒 3/4 高啲飯不埋都唔知有冇一碗嘩，唔知以為用咩日本靚米要咁慳男仕食一定唔夠飽好似食緊 $20 特價下午茶餐問阿姐攞包酸梅醬，即刻鬧你下次落單時好講到下次落單講要醬，無端端又話要加錢但又冇寫明加幾錢，任佢開，白店一間 #曲呢個舖位上手係幾十年老牌燒味舖新開張嗰陣以為係翻新裝修睇清楚招牌根本唔係同一間況且上環大把燒味舖呢個價錢一定有更好嘅選擇想受氣都可以試下當測試下自己 EQ谷住啖氣應該夠飽

近來好想食燒鴨燒鵝,可能因為落雨冇得入石澳食,燒味飯都唔放過,新公司附近冇咩好食,要搵燒味店更難,行行下見到哩間,就乜到唔理叫左個燒鴨切雞飯.我同阿姐講想要鴨籮柚,佢好似見鬼咁"冇呀冇呀"唔通隻鴨冇籮柚?定其實不能指定部位?點知返到去打開又ok喎,睇落都靚靚仔仔,多角度XD不過睇哩度D 食評評價唔多好,睇下係咪咁差,肉質都ok,唔會乾硬,都好食,雞係雞脾位,菜心一條~其實真係可以食喎,係唔錯,但飯量少d,男仕未必夠食.

3/5Second time buying their food, first time was amazed by their roasted duck. This time chicken is still nice, firm texture but not rough, nice chicken aroma and seasoning alright. But duck is so different from last time, not good, rough, no flavour, dry.

知道新開又見有一兩個人幫襯，就試下，買下佢地嘅燒肉試一試。餐廳環境都一般，同其他燒味店格局差不多。可惜一去到收銀哥仔話冇燒肉得燒腩，好啦~見到得番最後一舊，就幫幫佢要埋佢囉~就算係燒腩都照殺啦！今時今日做飲食都好慘嘅。一斤半多點收我$230，價錢係上環都還可以啦。點知番到屋企打開個盒....竟然係燒肉！！！食開燒腩都知唔會有骨，我呢盒有1/3盒都係肉帶骨，收我$230，比燒肉我！！一點都唔老實，新開就搵人笨，有冇搞錯！！燒肉肉質韌，冇肉香，皮尚算脆冇裂開。但永遠都唔會再幫襯...好嬲！！

舊店裝修後重開,應該是頂手吧!因為以前店面太舊從未幫襯不太喜歡吃燒味飯的我,今天剛巧行過,見裝修新淨不小,便買個燒味飯盒回公司做午餐單餸飯盒$32,可選叉燒,燒肉,雞,鴨,燒排骨或紅腸我選了燒排骨飯飯不多,女仕剛好,男仕未必夠飽,中間加了小量豉油燒排骨有十件,別以為好多,每件只有約2.5cm x 2.5cm,加上條骨很粗,肉的份量非常小附送一條菜心,這條菜心是全個飯盒最好味的重點來啦!門口附近收銀位置付款後拿票在門外等候,付款時我忘記叫走餐具,當那位收銀員給飯盒我時,我才跟他說走餐具,我跟手拿開膠袋口讓他取回餐具,怎料收銀員非常串的跟我說:"下次落單時講埋"我當時還回答:"好呀!唔該!"我2秒後才發現自己答錯了...其實我心內的答案現在說給你聽吧!"無下次呢!"別以為燒味店都是廚房佬,那位收銀員是穿住一條很整潔的連身裙的中年女仕,也別以為燒味店太多生意,所以我走餐具好煩,店內約有5個客人,店外也得3個外賣客人

買咗隻走地清遠雞返屋企食。有雞味，不過就唔算係好重嘅雞味道。清遠雞本身唔會太肥，唔會有太多肥膏。另外，部份雞皮下呈現啫喱狀。而且，肉質夠嫩，雞皮又夠滑，確實唔錯。