源記甜品專家 (已結業)

o係香港甜品鋪愈開愈多，西式，中式，fusion任君選擇。但會令我成日心思思想食的就只有源記既桑寄生蓮子蛋茶。我呢個蛋人，呢度既蛋同牛奶公司既炒蛋一樣深得我心，除左bf之外，我係唔會同任何人share隻蛋架!!! haha~~而呢度既蓮子鬆化兼有蓮子香，我未係第2度食到咁靚既蓮子。加埋甜度&桑寄生平衡的糖水，我真係未試過o係呢度order第2樣甜品，偷人地果d食一兩啖就有!兼且呢度有我一d好甜既記憶~ 加晒分! haha~

記得兒時, 媽偶然會買這兒的雞蛋糕作我午後的茶點, 都是小學時的往事了.現在, 西環都很少踏足, 心裡卻總憧憬著兒時那鬆軟的雞蛋糕. 完完全全傳統的做法, 沒有加入西方的奶油, 整件都散發著蛋香.昨晚, 在西環附近吃過晚飯, 想起了這家久違了的糖水店, 點了個杏仁露和雞蛋糕.杏仁露很香, 但若能磨久一點, 入口可更滑; 雞蛋糕, 不是新鮮出爐, 沒了印象中那香甜和鬆軟.老了就愛懷舊, 懷舊還是在心中的好, 不然破壞了記憶中的味道, 得不嘗失.

某日同朋友一行8人去呢間遠近馳名的源記去到既時候7點左右，閒日，未開始多人。8個人，問d伯伯可唔可以拍埋兩將枱，明明可以移動，但一句話「我地d枱拍唔埋ga wor」。坐低就一路「啤」住我地，果種「維園阿伯」的感覺令人好唔舒服。我叫左個杏仁露，其他人咩都有叫，味道ok啦，又唔係真係好驚喜。尤其我的杏仁露，食落好粗身，我媽咪都整得好味過佢。因為我地8個人好耐冇見，於是想叫d伯伯幫我地影相。嘩，果種反應勁過d粉絲望到傳媒的鏡頭。伙計A彈開，話「我唔做呢d野ga」，伙記B聲稱自己老花，其餘的伙記「呢埋」tim……最後有一枱客見我地咁慘，就主動幫我地……「今時今日咁既服務態度」，真係好無奈囉~ 最重要既係佢地令人覺得佢地好小家囉……

見到Openrice有咁多人讚這間甜品店, 所以我又專程由大埔去到西環的源記食甜品^0^ 叫左以下三款甜品:1) 蓮子雞蛋合挑糊--好好味! 好多料, 仲要唔係煲到散晒咁!!!^0^2) 燉蛋--裝到好滿呀! 味道, 都ok啦! 3) 雞蛋蛋糕--我第一次食...無咩特別!好似海綿咁...總之就份量十足呀!!!

同同學一齊去源記食甜品, 我叫左個桑寄生蓮子雙蛋茶($20), 加多一蚊多一隻蛋, 好抵, 嘿嘿桑寄生蓮子雙蛋茶(7): 講真, 自己都覺得自己都唔係太識得欣賞美食, 淨係覺得蓮子幾甜幾好味, 蛋都ok, 就係咁多, 可能同平時食既差唔多, 唔知點比較...同學叫左個蓮子杏仁露, 佢話幾好味喎, 下次試下先唯一美中不足係没有冷氣(當時天氣ok熱...)

一大班同學浩浩蕩蕩食傳統中式甜品本人點左大學時最愛既蓮子杏仁露: 只有磨出黎既杏仁露先會有如此既香味加口感. 雞蛋糕,久違了. . 同樣既難忘

第一次去正街源記，坐下見蔡瀾介紹。一食真係正必食蓮子蛋茶蛋糕

一眾頌揚人從嶺南出發, 作客西環, 以解決失眠的問題.環境係幾迫, 但都幾整潔. 七個人, 都係蓮子做主打.桑寄生蓮子蛋茶: 9分, 蓮子係好香, 比合城的更吸引. 還記得係永華食過的桑寄生茶係帶點苦澀, 這裡就甜度剛好. 蛋吸收了桑寄生茶的味道, 連入邊都係黑黑的, 相當入味.係好精彩的甜品.蓮子杏仁露: 9分, 同樣加了蓮子, 一樣的香, 杏仁味濃郁.雞蛋糕: 7分, 平平的雞蛋糕, 不知為何那麼出名? 口感一般, 亦無乜雞蛋味, 淡淡的.希望是晚傾的大旅行能夠盡快實現.

昨晚, 一班人到源記初試糖水.本懷著開心及好奇之心. 本人叫了一碗桑寄生蓮子蛋茶, 已向侍應聲明加蛋的. 當糖水到來時, 竟沒有蛋. 於是我著該名侍應來. 他竟理直氣壯地說我沒有要求加蛋. 不肯為我加蛋. 最後, 我再問他一句"是不是我有問題呢?"他才著其他伙計拿一隻蛋給我. 還給我一個不禮貌的表情.該名侍應似是在這裡做了很久的老伙計. 要是他本著"我唔休做"的心態, 這間糖水鋪就給他毀了名聲了. 說到糖水, 不知是我們一大班人不懂得欣賞糖水與否. 我們都覺得他的糖水不大好吃. 好的糖水鋪, 香港多的是.

在西環吃完森美餐廳，怎能不吃老字號源記呢？每次來都要杏仁露加蓮子，價錢不便宜，但實在貨真價實，甜水是真材實料，真的很滑，合桃露比起我們自己做的滑得多，好吃得多，似乎有點秘技。而杏仁露亦是十分香滑，加了蓮子更有咬口~~

很喜歡桑寄生蓮子蛋茶，現在沒有很多新派甜品屋有賣。去完南丫島，朋友提議來這裡。桑寄生蓮子蛋茶，很正。蓮子鬆化、雞蛋硬得來有味、桑寄生茶不太甜。蓮子紅豆沙，也很好味。出名的雞蛋糕就一般，不太特別好味。當晚可能是桑寄生的效用，睡得香甜。

0係附近食完晚飯,知道源記應該0係左近,就專登黎食佢0既糖水la... 叫左: 蓮子杏仁露:蓮子幾鬆化,杏仁露都幾香,不過唔夠熱,可惜桑寄生蓮子茶:呢個夠熱,蓮子同樣鬆化,幾好雞蛋糕:一早就知道呢度雞蛋糕出名,不過食落就一般,"鞋"口左d,當係0係度懷舊一番咁啦呢度係老店,侍應都幾有性格,例如話個杏仁露唔夠熱,問可唔可以整熱少少,個侍應就話d溫度好難控制, 整出黎係咁就係咁ga la.......

前幾天看到YAHOO對此甜品店有所讚揚, 而我們又剛好到附近, 所以特此到一到此老店吧!我們都點了這裡的蓮子杏仁露, 還加了一件清雞蛋糕杏仁露帶著淡淡的甜, 而且很香杏仁味男朋友說吃了之後咳都少了......雞蛋糕雖然不是太出色但是Old-school的感覺, 千金難買吧!

食完水記仲未夠飽,還想去勝香園食d野,卻提早收爐,於是坐電車落西環...西環也有唔少食店,但自己卻要來這裡試試...下午茶時間,人卻唔多...隨便搵個地方坐,店員即刻問我食乜...舊式的格局,卡位上坐了老夫老妻,入面近廚房還坐了位老人...點了桑寄生蓮子茶同蛋糕,很快便送到面前...用米通碗盛載著桑寄生蓮子茶,此種碗感覺上開始少見到了,「萬壽無彊」更為少見...蓮子頗多,煮得腍,人口即溶...桑寄生茶也不太甜...至於蛋糕,雖然鬆軟,卻欠缺雞蛋香,有點失望...舊式糖水舖香港唔多,存在的時候需要好好珍惜...

同林小B剪完個靚頭後想行一行鹹魚欄嗅嗅鹹魚味,行到到這兒附近幫咗亞婆推架大型車仔上壆後, 林小B奬勵我食糖水。桑寄生蓮子蛋茶X 2 :蓮子- 鬆化無比敵, 兼勁香蓮子味。鷄蛋- 整隻充滿桑寄生的味道濃到化不開。(P.S.突然間想起多年前跟我的好友毛毛頭住在水街的日子,多麼懷念!)