源記燒味粉麵茶餐廳 (已結業)

呢度以前係廣東燒味, 改左後都繼續賣燒味, 但亦都有茶餐廳的午餐, 幾多元化.周不時都跟同事黎Lunch. 一般的午餐由四十幾到五十幾蚊都有. 要算抵食, 可以話係叫燒味飯.單併才$43. 今日叫左個切雞飯. 加個例湯.先黎個湯, 呢度的湯好足料. 好抵飲. 嫌個飯只有一味雞. 叫呢個湯就好似加餸咁, 有粟米, 紅蘿蔔, 瓜等.  唔飲湯, 呢度的熱飲好似熱檸水, 佢個杯都好大杯. 抵.講下個切雞飯, 雞好滑, 唔un, 唔鞋. 好彩的話有時重可能有雞脾添. 

途經灣仔，見到源記，都知係連鎖茶記，從未試過，今次入去一試，想點菜向侍應揮手，侍應全程黑口黑面走埋黎話：「講丫」，嚇到我以為入左黑社會個竇，點左個雲吞魚蛋河熱飲46，面黎到見到雲吞得一粒，哇唔係化，未試過雙拼雲吞會得一粒，雙拼仲要貴6蚊架喎，但係見到個侍應個樣衰成咁，我都唔會出聲，唯有唔再幫襯算，食物味道不過不失，奶茶還可以，比預期差少少，但服務就真係衰到加0一。