源煌雲南米線．重慶雞煲 (已結業)

其實我對米線的喜愛程度不太大，可能因為從小每朝返學前媽媽就會弄碗米線或米粉給我和姐姐做早餐，由細吃到大的東西，就不會明白為何譚仔可以開到成行成市，因為我家偉大的媽媽都會做。然而，OT的話，放工已晚了，太夜的時間總不想吃太飽，又或許是已倦得無吃大魚大肉的心情了，吃碗米線填填肚也是不錯的選擇。是次是新嚐試的店子，出了地鐵站也要行一陣子的路。我們點了個二人餐，有一碗all in one的米線，即是幾乎所有配料也包含在內，湯底有三個選擇：有四川麻辣、雲南酸辣、重慶酸辣，看名子著實不懂雲南酸辣和重慶酸辣兩者間有何分別，店員解釋重慶酸辣會帶點麻辣味，正合我愛酸辣而另一伴愛麻辣的口味。客人雖不至於很多，但我倆幾乎等了20-25分鐘米線才奉上，令人等得不耐煩。通常第一次嚐試的米線店子我們也會穩陣地先試小辣，這裡的酸辣度也調配得宜，亦有少許麻辣感！配料也下得相當多，但是交來的貨也無什麼可評，惟鹹酸菜是下得太多了，結果湯是真的太鹼了！小食方面，羊肉串油得像油炸而非烤的，雞全翼也是油炸的，最可怕的是榴槤盞，咬下去一口都是油，真是永無下次呀！

見到網上介紹, 今日同老媽子和老婆來試一下。叫咗個 2 人餐, 碗 ALL-IN-ONE 米線真係好大碗, 好滿足 ( 最後食唔曬..... ).阿媽對串燒和米線個湯底讚不絕口, 羊肉好嫩, 湯底(清湯)好甜, 真係冇得彈。另外, 叫多個麻辣紅薯粉, 粉幾彈牙.個人覺得就好過譚記喇！

據聞這裏的all in one 巨碗米線很足料　便往這裏一試　我們點了一碗all in one 米線　雞和牛肉串燒　一碟油菜和炸雞翼先說碗米線 非常大碗 內有十七款料 我記得有內片,雞潤,芽菜,豆卜,豬頸肉,牛肉,流心丸,墨魚丸,等等 起初我以為每款只得一件 但原來有些會有兩件 所以兩個人吃也很足夠 米線也很多 不過那些湯不夠熱 有點失色 油菜是芥蘭 只屬一般 蠔油也不夠 雞和牛肉串燒很美味 也夠乾身 還有泰式辣漿提供 最失敗的是雞翼 賣相極像巴辣雞翼 但沒甚麼味 亦很多粉 最重要是四隻有兩隻雞翼內有血水 我們也不敢吃了 總括來說也是不錯 還有兩杯凍飲 二人總計78元

第一次寫食評,因為實在太難食,加上頭四篇食評好明顯係打手,所以更加要告訴大家食前諗清楚,上星期四同老公出街食野,原本想食譚仔,剛巧經過呢間老公話不如試吓呢間,我見到門口都有雜誌介紹應該唔會差得去邊,好就試吓,我哋叫左個$108餐有:2杯野飲,2樣小食,1碗聲稱ALL IN ONE (什麼都有即譚仔的過橋米線),小食叫左蜜糖雞全亦,但來到變左炸亦,都算了,重頭戲係碗米線選左酸辣,來到米線好諗未食過咁諗,唔係講笑冇牙阿婆最岩食,實在諗得太緊要啦,配菜方面冇以下:芽菜,韮菜,腐皮,酸菜,魚旦,雞肉,連米線最基本芽菜都冇咁你唔好係寫話咩都有啦!有來配菜亦好難食,蟹柳好粗好粉未食過唔知係邊買,香港未食過,呢間我相信會好快消失!

用左團購 $78 for 2個人 一行入去 唔洗等 但要坐門口d位間野好細...冷氣真係唔夠 好熱叫左all in one(清湯)分量都幾多下...2個人都夠食但係d料就冇咁多...串燒: 川香雞柳 & 雞肉串川香雞柳幾好味雞肉串就一般啦小食: 嫩香腿排 & 蜜汁烤雞全翼嫩香腿排 呢個好油呀....油到我都唔想食..味道...咸!蜜汁烤雞全翼 還可以飲品: 凍coffee & 凍檸賓我叫既係凍檸賓, 係特飲...要加$2 wo~~ 唔係包埋特飲架咩?咁算啦....點知佢拎來果杯係利賓納...冇左檸檬 但係收左我$2 ....無奈不過都算啦 冇同佢換過杯野 費是麻煩整體上呢間野都係一般...食物環境都係但係有個落單既姐姐都幾nice =)

團購咗源煌，$782人餐，有大碗米線、小食x2，串燒x2同飲品，好似幾抵。地點都就腳，所以試一試。12點開店，我地搭正就到，人同店員都無，我地入到去，個店員喺kitchen 度探頭出來，叫我地隨便坐。看一看menu，好多野揀，揀咗all in one 大碗米線，一客羊肉串燒同一客牛肉串燒，小食要咗嫩雞塊同燒雞全翼。串燒先來，但羊同牛個顏色一模一樣，都分唔出，而且連味道都一樣囉！其實叫乜串燒都係一樣味。肉其實好少，薄薄嘅肉黐住條竹籤，麻麻地。嫩雞塊就好似麥樂雞，不過薄d同大塊d，但就炸得太油，好多油，要用紙巾印走d油。味道偏咸，都係好一般。燒雞全翼，呢個就好味，唔會燒得太乾，皮夠脆而肉juicy。終於到all in one 大碗米線出場，個碗真係好大，好似古代皇帝嘅洗面盆咁大。米線份量夠2個人食，配料就有牛、豬、雞肉、龍蝦丸、貢丸同爆丸、生菜，紹菜絲、火腿、蟹柳。要咗中酸小辣。牛、豬、雞肉味道同肉質都係一樣，全被同一個化學品招呼過。所有配料質素都好一般，蟹柳最劣，好難食。湯底雖然叫咗中酸小辣，但唔夠酸，應該要加d酸菜。飲品要咗凍ribena，點知佢地d冰遲咗送黎，搞到個店員要自己去托一包

雖然下面0既COMMENT好明顯係打手, 唔會有人信但我都好想講下呢間野到底有幾差一入到去, 睇落好似唔錯, 店面窗門几淨但一坐低, 張枱真係污糟到, 起碼三四轉無人抹過當時係晚上十點幾, 入面都係得5, 6個客, 但見隔離枱上手留低0既空碗, 一直到我地坐左半個鐘左右先有人執左全場應該有3個人做野, 但每次店面只係得一個人走動, 仲要耐唔耐就係另一個人, 另外兩個就留0係廚房可見此店人手毫無組織可言, 可能碗碗經手人都唔同, 有無可能會好食呢? 有0既, 如果真係咁勁個個員工都十八般武藝, 做樓面又得, 煮野又得...講返野食所謂巨碗, 一0黎到真係令人呆左之前食過譚仔0既大米線, 真係有返咁上下大, 兩個人SHARE都無問題但呢度呢碗就大, 可惜入面只係得40%滿仲要料又唔齊, 質數更加唔好講.......食完之後仲要勁口渴當然我無預期係零味精, 但如果成個店由樓面到食物質數, 都係咁低, 我相信佢好快會0係女人街消失無錯佢係平, 但係同譚仔係一樣價錢, 咁點解我要食佢??

話說今日一個人出左旺角，見時間以經夜，又唔知食乜好，就入左女人街逛睇下有咩好食！突然醒起朋友話過呢度有間米線幾唔錯，既然係咁就趁呢個機會試下啦！！老實講女人街咁多野食，之前行過都唔覺有間米線店隱藏左係入邊！入到去咁岩有位，拎起ｍｅｎｕ望一望，發覺佢ｄ　餸都幾特別，有ｄ出面少食到ｇｅ餸．不過老實講都係俾招牌ｇｅ佢碗米線Ａｌｌ　Ｉｎ　Ｏｎｅ　吸引左，一向大食又鐘意乜都試ｇｅ我，梗係要佢啦！～第一次食，叫左少酸同少辣試試先．．．連酸度都有得俾你捒，又係出面少見！然後個巨碗米線來到．．．真係哇左一聲，因為真係好巨碗！我諗佢巨到可以用黎洗面．．．．．．ＸＤＤ　如果細食的人分分鐘２個人ｓｈａｒｅ都夠！食巨碗米線係超滿足的，一次過試ｏ西多種唔同ｇｅ料，而且ｄ食材都幾唔錯！！不過對我黎講就唔太夠酸，下次可以試下再酸ｄ會更開胃更好食！！另外口痕仲叫左兩串串燒！食完真係飽到上心口～另外仲有一個叫Ａｌｌ　ｉｎ　Ｂａｌｌ　的米線，同埋仲有其他特式款，已經諗緊下次要試邊隻味ｌａ．．

朋友推介我嘅一間雲南米線麵店, 吃過後... 我竟然一星期內再去第二次，喜歡其湯底不單辣味有得揀BB 至大辣，最重要甚至連酸味都可因自己個人喜愛而要求，一向都喜愛食麻辣米線及酸辣粉，但只敢偶然一嘗，因為怕其油多不健康，試過＂源煌＂之後... 意外驚喜，其三款湯底（四川麻辣、雲南酸辣、重慶酸辣）都比其他所謂出名米線店少油，更是合我口味 ^^

本身鍾意食米線，見新嘢就去試下。本來想棟下餸，不過見隔離好大碗（巨碗！）原來係all in one都算抵就叫咗。老細仲推介招牌酸辣，我本身怕辣不過呢個都幾好。最正係川香雞柳，幾野味！間嘢D人好Nice,我會再去呀！

放工後, 心郁郁想食酸辣粉。然後同朋友一行3人去旺角搵食。順道去睇戲, 行到女人街果面條行仔。見到有一間新開的米線鋪, 便入去一試。佢有好多食送比你選, 但係我跟另外一位朋友SHARE左一碗ALL IN ONE!黎到真係嚇一跳, 個碗粉真係勁大...唔係淨係個碗大, 係份量都大下。我地叫左小辣, 小酸,紅薯粉。我地仲叫左黃金雞捧,川香雞柳同埋雞排。加埋都係食左百幾蚊。下次要再試下食米線先得。