源興記 (已結業)

是日午膳时间，前来这里类似东菇亭的餐厅，在这里吃的是香港本土美食！我们一行二人点了牛腩一碟、牛杂一碟，以及芥兰一碟， 所有食物味道一流， 牛腩好林，够味！ 牛味横溢（其实坐在店里也香溢处处，流紧口水）；牛筋更感骨胶原满泻，同样蚊得好林，可见厨房内的牛汁很浓郁！牛杂里有牛肺、牛肚、牛肠等，都系咩都有啲，同样入味，入口好香！ 留意每碟都落足料， 大大份的上菜！ 绝无欺场。加埋冻柠檬茶，赞！食物新鲜， 小店经营更地道！ 推介…查看更多

新搬咗嚟呢一区，系要周围试下啲地道嘢啦，误打误撞之后入咗呢间嘢，排档通常畀人感觉污糟邋遢，但见到佢枱櫈都好干净，筷孓亦都冇黐笠笠，所以可以一试！门口嘅食物相好吸引，第一眼就畀个鹅肠并肥牛面吸引咗喇，入到去再睇睇见到手打墨鱼丸，梗系唔可以放过喇，所以最后叫左手打墨鱼丸面拼鹅肠、我个妹就食牛筋面！首先讲下个墨鱼丸，唔系出面𠮶啲粉球，真系食到有墨鱼丸嘅香味，系弹牙𠮶种，面嘅份量比较少，但口感ok...今日要推介嘅重点系个鹅肠，真系超级好味！ 佢洗得好干净，完全冇腥味，而且白灼嘅时间刚刚好，非常爽口，$12 超值！ 好味嘅程度系我过咗两日忍唔住返去食多次！ 写呢篇食评之前我都喺度谂，会唔会推介完之后个个仆度咁去食我冇得食呢？ 但好嘢系要share下嘅。。。多啲支持小店啦，香港人！…查看更多

星期六工厂区大排档好少人行过，路过时比佢门口既餐牌吸引，胆粗粗一个人入嚟试。食完真系要比1000000 Like 佢，皆因超新鲜超大份量既生肠，竟然连金钱肚捞面 + 紫菜汤，只收$50！禾杆冚珍珠，惊喜到连我咁耐冇写食评都忍唔住手，平时饮开住家汤嘅我，竟然都饮清光，喺葵涌嘅朋友仔真系要来一试。虽然系大排档但系枱櫈都整洁干净，而且俾钱嘅时候仲发觉老板好斯文好有heart，呢啲质素嘅食档一定要支持！我一定会再嚟！…查看更多

本人都系比较懒, 所以好少写食评, 但好野紧系要多人识. 缘份之下, 因系一场雨, 就入左源兴记避雨. 老板话佢地系新开张, 咁我又见有D 饿, 于是我就坐低左, 顺便试下新野. 我叫左佢地既招牌牛腩鱼面, 牛腩好入味, 而且肥瘦适中, 小小既肥膏更加带出牛腩既甘香, 加上特制酸菜, 又会化解番肥膏既油腻, 真系令人一食再食停唔到口. 鱼面系手打, 非常弹牙, 配合埋牛腩既咬口, 真系超正. 可惜老板话鲜鹅肠一早卖晒, 否则我一定会试埋. 老板话佢地既水饺亦十分好食, 系招牌菜, 于是我就再叫多碗净水饺试试. 一咬落去, 真系啖啖油香, 猪肉加白菜好 match, 而且加入少少肥猪肉, 令到水饺更加惹味, 真系一试难忘. 最后我叫左一杯名为 "滑滑地" 既奶茶, 老板话系佢自己研究既茶胆, 所以好特别. 饮落果下, 我即刻同老板讲一定改错名, 都唔系"滑滑地" , 系" 好L滑" 先真, 而且茶味亦十分浓郁... 可惜太饱, 如果唔系, 我一定再叫多一杯黎饮. 大排档虽然格局冇酒店咁靓, 但食物同人情味已经赢足九条街. …查看更多

有点雨粉，乱入这间面档，竟然周六都开店，附近不少店都唔开，实在意外！心大心细食左猪手鱼面，猪手入味又够火喉！老人家都食得！鱼面都几弹牙，好似话系人手打，比一般粗少少呢。惊喜系汤底都好浓猪骨味！朋友再加码食净水饺，好新鲜，麻油香浓，有黑木耳同白菜碎，啱我唔食韭菜既朋友，所以一连鸡左朋友几只虽然系大排档，但open kitchen, 枱同椅子都好干净，仲见到有几个不锈钢既压力煲，感觉卫生，抵赞！下次再试食佢地招牌既牛筋 同 鱼蛋先~…查看更多