溏苑 (已結業)

收到了溏苑的邀請電郵,剛好約了友人出街就順道來吃了來之前已經想好要吃什麼,所以連晚餐都要留肚少吃一點!要了心太軟和芒果腸粉首先吃清淡的芒果腸粉,一碟三條,除開平均十元一條,算很抵因為這個腸粉內卷的全都是芒果,沒有夾雜任何忌廉之類的,值得一讚!而且芒果非常的甜,切的形狀成長條形也很易入口唯一敗筆之處就是不夠凍,但聽老闆娘說他們是即叫即做的,所以可能這個因素而令腸粉溫度升高了在時間上可能要改善一下這個狀況了呢到了主角登場,朱古力二人世界(兩人份),看似不是很多,但其實很漏,最終我們都吃不完這是我吃過中最美麗的心太軟了,從伴碟到生果的擺放都比一般店的來得華麗另外他們還會奉上朱古力粉給我們調味,不過心太軟已經有著濃濃的朱古力味了,所以沒用處雖然整體上都算尚好,但心太軟的重頭戲--流心,他們就未能做到,真是叫人失望了點之後我們也有向老闆娘提及過,他們亦承諾會再鑽研希望下次來的時候會有新驚喜還有就是要吃吃他們的定食,因為賣相很吸引呢

今次我點了金莎榛子心太軟 和 oreo火焰雪山木糠布甸不過金莎心太軟再加上拌碟的果仁碎, 份量好像太多了, 而且因為太多果仁, 感覺朱古力漿不夠流心, 我自己比較喜歡吃沒有金莎的那一個心太軟木糠布甸也不錯, 不過oreo的份量可以多一些更好

很開心收到溏苑的試食邀請信就和友人約好一齊到來試試!食過了嚐點後，逛了一會就收到電話的確認.....夠鐘食甜品了，心情興奮呢!入座後剛剛好坐在留言板的旁看到一些CM，覺得好搞笑....什麼打倒糖百府、要找好似BEN做老公等...最後2人叫了2個甜品分別是芒果腸粉和朱古力二人世界 做得很有心，連調味的用料也有!首先講講芒果腸粉，個腸粉做得不錯，很滑!如果可以凍返小小就更好~芒果肉不酸...而且新鮮!很特別....我喜歡這個!朱古力二人世界超豐富的說，樣子蠻吸引的，食的方法都幾多元化~這是全埸最貴的甜品!!!首先食了雪糕先，不然就蓉光了....一邊食生果點朱古力醬的時候就解開心太軟，照一照相先，如圖的朱古力正在流出，可惜的是可能焗得時間太久另到出面的皮不夠鬆軟~不過食了一半已經很滯，因為本人不是朱古力迷!這次的霸王餐整體還是好好的，服務好、食品質數有水準、店內的環境不錯.....繼續支持!!!!!!!!!!!

同朋友未食飯, 先黎個甜品~叫左一人一個火焰雪山oreo木槺布丁 ($3X)等左十幾分鐘, 黎啦~先講外型, 真係好靚囉, 叫你自己造真係幾難架, 而且好火焰雪山FEEL囉, 有D士多啤梨粒, 很很很是吸引, 而且勁香噴噴~~~第一口~ 嘩........我同個FRIEND都眼望眼.....真係咁好食既?????再食多幾口, 朋友一路食一路叫好食, 特別到OREO同D木槺果層, 好香口, 好有口感, 因為一層一層, 而且好SOFT & CREAMY, 好香, 唔會太漏又唔會覺得唔夠喉, 總之到宜家都仲回味緊~~~ SUPER YUMMY!!!!自從澳門九如坊既木槺布甸蛋糕後,, 未試過咁鍾意架~真係好得, 師傅好掂!!!!!

之前見到朋友的相片食心太軟, 賣相好靚, 一問之下知道原來在旺角. 今天下班就要男友陪我去吃.這裡都有飯晚, 一般都有定食, 拉麵等, 而且價錢也很化算, 男友叫了一個滑蛋牛肉飯定食, 有前菜, 飲品, 還有付送的糖水(今天是綠豆沙), 都只是 $29元~ 抵!滑蛋飯的汁甜了一點, 不過蛋是夠滑的.我叫了一個餃子牛肉烏冬, 這個反而沒有餐, 不過 $30元其實也不算貴烏冬有兩隻炸餃子, 不過上時已放左湯裡, 如果可以另上就更好.不過這些都不是今晚的主角, 今天我來的目的是為了它 - 心太軟真的和相片一樣, 只看賣相都已覺得好味, 但賣相好沒用, 要好吃才可以的.所以當然要看看是不是做到流心效果啦~一切開等待3秒後, 有朱古力醬流出來了, 好像不太多, 原來是因為比較杰身, 所以要多等一會一試之下, 朱古力味夠濃, 再加埋雪糕一冷一熱的吃, 簡真係perfect match很久沒有吃心太軟, 之後在酒店吃的都沒有這個好吃. 今次我吃的是普通心太軟, 有一個是有金莎的, 下次要再去試

今日係年初一又係情人節, 同屋企人食完飯就同gf一齊去慶祝我地第一個既情人節, 原本想去酒店飲野及食甜品, 但我既gf話貴, 記起之前睇過雜誌介紹,話呢間甜品店專做酒店既甜品, 但旺角價錢, 所以係紅磡搭的士去食. 去到好多人排隊, 但好在都係等10幾分鐘, 打開餐牌, 我同gf講一定要叫朱古力火鍋(因為雜誌推介), 再加多一份梳孚里, 個朱古力火鍋真係好正, 我女友勁讚, d朱古力唔係cheap野, 一路同女友傾下, 烚下烚下, 好有feel. 另外個梳孚里即叫即焗, 正過係酒店食自助餐果d. 但唯一唔好ge就係環境唔夠情調, 不過我女友勁冧, 話又抵食, 又好食.原本想upload d相, 但呢度限制1mb樓下, 而家又唔得閒整細d size, 所以留番下次食完再upload

今次係我第一次寫食評，因為實在太失望！　有時反而沒有期望仲好，起碼唔會失望！今晚OT完，我的好同事話同我預祝生日，問我想食咩，我話不如去溏苑，因為我每晚返屋企必經之路，見到這店越黎越多人食，見到Ｄ相好吸引，一路都好想去試。不過D位太迫又唔好坐，但其實好多好食既餐廳都係咁既，有時為左食好野都無計。睇完餐牌，我話一定要叫心太軟，這是我最最最鐘意食既甜品，我個同事就叫左窩夫。滿心期待等我既至愛，一見到其實好開心，因為個樣實在太靓啦，其實有Ｄ唔捨得切開，但心太軟既特別之處就係入面既朱古力流沙，所以一定要快Ｄ食，但一切落去，心知不妙，件餅好硬，切開完全無朱古力槳流出，完全無外脆內暖既感覺，絕對是焗過龍，極度失望　好在今晚唔係我正日生曰，如果唔係，我怕我會後悔成年，點解會揀這間餐廳慶祝。至於我既同事所點既窩夫，其實都無咩特別，30幾蚊一份都係貴。好想搵個籍口再黎，但真係搵唔到理由，因為實在太太太太失望！！！！唯一好處就係Ｄ服務好好，尤其個店長BEN，佢好有禮貌及耐性去聽我既投訴。

Bailey's 布甸....好特別....不過...最特別既地方....就係係個布甸底有野食....係咩....咪就係......泰國最出名既.................黑糯米.....似乎感覺很奇怪!!! 但又出奇地夾....仲之佢D甜品.....比倒人驚喜既感覺...好好味!!!!來自此相簿：酒店級甜品, 但茶餐廳價錢...Super!!!!!!

由於食唔到對面添好運,就黎呢度朝聖啦~之前一直都唔知道原來溏苑係呢度囉~本應見or友話呢度炸大福幾好食,,想order點知搵黎搵去都唔見menu上有,,於是望下有咩吸引我既dessert~睇黎封面都應該係呢度既招牌啦~送黎既時候~全部都放得好有條理..setting分得好好!火焰雪山oreo曲奇木糠布丁唔幾得好似30幾蚊,其實都算貴...不過可以食到2樣野~算啦~食下啦火焰雪山,個蛋白做得唔錯~好light~!唔錯~不過又未至於特別到要再食既~薑汁梳乎里落order時,店員都十分細心.而且說這個要早一點order~即叫即做!非常有heart!我覺得好食既~不過giner味唔係我喜愛的..所以給我母親大人吃了!金莎心太軟+生果呢個好似係全menu最貴既dessert...唔記得6,70蚊~d朱古力醬同hazelnut sauce係分開上既,可以另外點一點不過由於太好味,又唔會凝固,所以我ko哂~心太軟都ok既~不過食哂都幾heavy!入黎之前,店員ben chan係度介紹~我食完都幾滿意既~埋單時搵返ben chen..哈哈真係唔係搵我ben chan嫁喎~哈哈

和fanny兩姊妹走入去這間店, 雖然menu有飯和面, 但我倆都覺得不如試多款甜品好過, 所以一次過點了北海道奶凍, 木槺布丁, 串燒三兄弟和雪地芒芒船. 頭兩樣都來得好快(因為不用即弄吧), 奶凍和布丁都好清, 味道雖不濃亦不過甜; 三兄弟等得有點久, 吃過了奶凍和布丁後遲遲未上, 三兄弟分別是炸芝麻湯圓, 炸麻蓉湯圓和炸香蕉, 第一次食炸湯圓, 皮軟軟地幾好味; 本來我們兩個女人仔都好鐘意食芒果, 但隻芒芒船的芒果卻甜得過了火, 如果唔夾住雪糕去食便不行了. 這店子的甜品也是不錯的, 價錢也ok, 如果不用客人等咁耐便最好啦.

好日都唔去旺角, 行過呢間舖係門口望下望下, 之後有個Waiter出黎話佢地有好多野食, 見佢地都光猛, D野食又好似幾好, 未去試下, 叫左餃子烏冬, 加幾蚊要埋野飲同送沙律, 點知咁簡單既野都要等十幾分鐘, 如果好食都叫值得, 黎到餃子浸係湯入面, 諗晒, 超難食, 不過好左D烏冬都算唔差, 食完未飽再叫多個窩夫, 枉個店員話必食推介, 又等左十幾分鐘先有得食,賣相好正, 但係最慘件窩夫唔熱, 唔脆, 真係唔知佢地所講既即叫即整係點整, 我肯定絕對唔係即焗, 好似翻叮咁 呢度D野食賣相好正, 但味道同質素絕對唔掂, 唔明個老闆開呢間店係Sell賣相, 定係sell野食

小豬兒妹妹說好吃, 也近, 便去試一試.除了甜品之外, 還有很多飯set.第一次去, 還是吃了大家都推介的滑蛋豬扒飯.送salad, 都挺不錯, 有些沙津油酸酸的.但, 小豬兒那碗, 竟有一條活的菜蟲立刻叫waiter先生來, 他換過另一碟.然後我們都看得清清楚楚才放進口中.滑蛋豬扒飯和滑蛋牛肉飯都不少.又滑又多, 沒見很多豉油卻也有剛好的咸味.炸過的豬扒放進飯中剛好腍了些.也不錯. 不會很'鞋'.送紅豆沙一小碗, 也足料, 多豆, 甜甜的, 不錯.熱朱古力, 只算一般.但以$29 成個set, 都幾划算.p.s. 後來因為那條菜蟲, 小豬兒獲贈朱古力雪糕一球

試左個餃子牛肉烏冬, 烏冬口感好過外面街, 餃子也是好食的, 裡面的涵料豐富煎得亦夠香, 可惜泡在湯水中, 大打了拆扣, 不是湯餃啊; 之後來了碟芒果腸粉, 好特別的賣相, 味道也甜面不膩, 滑過真腸粉!?

中午同2個同事去旺角做完野,之後見倒有一間D下午茶幾特別,好少地方下午茶食窩夫.我叫左個雪糕香蕉多士$21，包埋飲品幾抵，雪糕加香蕉食起來好滑但吾會太甜!我2個同事都叫左窩夫都系$24，一個系紅豆綠茶窩夫，另一個叫左個蜂密玉桂香蕉窩夫.同事話個紅豆綠荼好特別，我都試左一啖！甜甜地既紅豆粒加上香滑綠茶雪糕再加上脆脆地既窩夫口感好特別.總括食得多茶餐廳的話,這都係一個新選擇...

食左呢舊重型窩夫, 見佢果樣幾特別, 所以試下, 結果我地三個人食唔晒, 真係好抵, 淨係果樣都好特別, 十分足料, 兩個人都食唔晒. 真係好勁呀!本來想試過心太軟都試唔到,不過見D食評都唔係太差, 下一次試下先.