溏串小町 (已結業)

今日約咗好朋友食飯 夜晚冇堂食不過都無阻礙到我哋食好嘢嘅心 lunch時間嚟到大埔嘅呢間溏串小町 餐廳入面裝修用咗好多木同小擺設 營造到好似置身日本居酒屋咁 超有氣氛藍鰭黑鮪刺身特盛丼 有兩片赤身 一片中拖羅及大拖羅 最好味梗係大拖羅啦 非常油潤 魚香十足 而且可以話係入口即溶質素好高和風角切魚生丼 滿滿嘅角切魚生鋪滿成個碗 直頭連飯都見唔到 超級豐富包括有肥美嘅三文魚 鯛魚 油甘魚 玉子八爪魚等等 仲有隻巨型甜蝦午餐仲已經包埋麵豉湯同埋超大份嘅味付螺肉 好抵食午市追加咗三文魚刺身 油甘魚刺身 雖然係加錢追加但質素同散嗌無分別 片片都好厚 夠曬新鮮油香十足炸芝士年糕 粒粒外型金黃色 炸得外脆內軟 芝士仲係流心狀態 年糕煙煙靭靭 絕配

大埔其實冇乜好多日本嘢食，所以就選擇唔多，排除咗連鎖店之後，通常都係得返一啲喺後街嘅小店。..我今次嚟到呢到食，火車站過嚟要行8分鐘左右，但午餐嘅價錢真係好實惠。我叫咗一個咖喱豬扒丼飯定食，都只係$48，包左前菜沙律、麵豉湯同埋咖喱豬扒飯。咖喱豬扒飯嘅咖喱汁好香濃，但唔會好辣，我特別鍾意佢嘅豬扒，佢都算係厚切，外皮唔算係特別脆，呢度可能要再多加努力。麵豉湯同埋前菜沙律都係中規中矩，不過不失。之後就黎到佢嘅額外配料，佢呢度如果叫午餐嘅話，可以加唔同嘅價錢選配唔同嘅食品。.我加咗$28 ，食佢嘅三文魚刺身，起初我冇抱太大期望，但係嚟到嘅時候，我覺得完全係水準以上，三文魚係厚切，肉質都唔錯，唔會腥。油脂分布雖然唔算係話特別出色，但勝在三文魚冇渣冇筋，呢度已經好值得稱讚。....茶碗蒸，$12，我味覺判斷茶碗蒸個底部係用咗雞湯整，佢亦都有嘗試落唔同嘅小食做配料，呢點值得稱讚，但唯一想提嘅係，佢嘅配料有時好大塊，唔配食茶碗蒸果種滑溜溜嘅懶人感，建議可以整返細少少，或者索性考慮其他配料。....佢嘅螺肉沙律， $22 ，超級大碗，我覺得性價比真係好高。....最後叫咗杯呢度嘅有氣果酒， $38 ，

晚市時段，入座率都唔到5成...（慘....）叫左個set,再散叫啲串燒佢個套餐性價比都算高鰻魚飯好肥美牛肉窩好足料肉類串燒味略淡燒菠蘿同燒粟米好好食，因為本身食材已經好得👍良心小店，希望大家多多支持

🇭🇰Hong Kong📍Address: Tousen Japanese Restaurant, Tai PoAverage expense pp: HKD$200+呢間居酒屋，裝修幾特別，牆上貼滿左海報，有一種去左日本既感覺。我地叫左2個lunch set定食同埋一個鰻魚飯，仲有一串牛舌（好似食好多野咁，但係我之後會做運動架嘛）我個人好推介個鰻魚飯，因為件鰻魚真係好大塊，肥美得黎又唔會太膩，個鰻魚汁仲要冇偏甜岩岩好，同埋我好中意食上面啲樱花蝦😍另外叫左個小町優選刺身定食，入面有拖羅、帶子、甜蝦、海膽、真鯛等等，刺身都算頗新鮮，而且份量幾慷慨，切得幾大塊，尤其是帶子同甜蝦，味道真係幾鮮甜，唔會覺得腥。我哋仲有叫個壽喜燒定食，肥牛份量幾多，中意食日本甜醬油既人會中意呢個味道。呢排冇得去日本咪去食下日本野當自己去左😫我想去旅行𝑱𝒂𝒑𝒂𝒏𝒆𝒔𝒆 𝑬𝒆𝒍 𝑫𝒐𝒏 ($68）I personally recommend eel rice, because the eel was really good. It was fat but delicious, at least not greasy

住大埔同事推介溏串小町，佢話價錢合理、食材新鮮。餐廳裝修懷舊和式風格，掛滿旗仔，有書櫃放滿漫畫。我們點左小町刺身定食$148套餐，有三文魚、油甘魚、劍魚腩、吞拿魚、鯛魚、帶子、北寄貝、八爪魚🐙赤貝肉、馬刀貝、海膽魷魚。牡丹蝦。自家制玉子。每款一件刺身都很新鮮、味鮮甜真是大滿足。👍👍👍配飯、中華沙律、麵豉湯。真抵食。小町特選壽司定食$128套餐有三文魚腩、油甘魚、海膽、八爪魚、花之戀、帶子、赤貝肉、赤海蝦、三文魚籽、蟹肉蟹膏、香蔥吞拿魚蓉等⋯各1件，全部新鮮又鮮甜。壽司大大件，刺身厚切，加左壽司醋味的飯很美味，配麵豉湯和中華沙律。日式吉列豬扒烏冬$48套餐，豬扒大大塊炸得香脆可口，烏冬煙煙韌韌，很好吃😋配沙律🥗和麵豉湯。柚子蘋果梳打$20波子汽水$20總結：食材新鮮味鮮甜又大碟，值得回頭再吃。地址：大埔翠和里5號麗和閣地下D1號舖

-瘦編今次要介紹北區人一間隱世日本餐廳「溏串小町」，位置比較近太和，係一條橫街小巷入面，睇門面已經好有日本風，入到去直頭覺得自己去左日本啲居酒屋。餐廳主打刺身、串燒、壽司等日式料理，同時都有日式主食，例如湯烏冬、鰻魚飯等。🇯🇵-今次瘦編係午市時間去食，午市menu都有超多選擇，快食簡單一個丼又有，豪食一個定食又有。瘦編難得放假黎度，當然要豪食啦，揀左小町優選刺身定食，刺身有齊中拖羅、三文魚、油甘魚、劍魚腩、真鯛、帶子、北寄貝、八爪魚、赤貝肉、象拔蚌、海膽、魷魚、牡丹蝦各一件配自家玉子，望到依個陣容都只係$148，仲要有埋前菜、麵豉湯，諗起都想即刻去食多次！咁豪華嘅份量，所以上菜速度會慢少少，證明師博係新鮮準備，即叫即切。全部刺身都係厚切上碟，最正係海膽，食落去無腥味，個陣鮮味就知道食材好新鮮。🍣-另外朋友叫左藍鰭黑鮪魚刺身特盛丼，黑鮪魚即係金槍魚，而藍鰭黑鮪魚係最高級品種，肉質密佈雪花般的油脂，口感如雪糕般入口即融，居然只係$168，又係平民價錢，豪華享受！餐廳服務都好好，前菜都係好用心醃製，北區人真係唔好錯過！🤩-味道評分▶️🌕🌕🌕🌕🌑 (4)抵食評分▶️🌕🌕🌕🌕🌗 (4.5)回購評分▶️

去左大埔搵食～聽朋友話翠和里呢邊好多餐廳，見到呢間個溏串小町既hero 串燒定食吸引喎～環境見到地方都闊，又有bb椅提供，我就入去試下啦～裝修係懷舊日本風，呢間係日式餐廳，仲有書櫃提供漫畫。餐廳員工幾友善喎～佢見到有小朋友，主動問我要唔要兒童餐（餐牌無架～），仲我要唔要bb椅～講返個兒童餐，有炸雞、腸仔、茶蒸碗、果汁、心心啫喱、烏冬同飯糰。真係包羅萬有喎，造型飯糰仲好可愛呀～兒童餐黎講都算多分量。我當然order返hero串燒定食～有6串，3款素菜（燒翠玉瓜、燒冬菇同燒菠蘿）＋3款肉類（燒蝦、燒五花肉同燒雞翼）。個串燒五花肉好食，又有口感，一咬就分開到竹籤同五花肉，同燒雞翼一樣都係咁入味，雞翼仲開邊，好容易就食到啦～日本餐我覺得最重要就係個個米飯，個飯口感岩岩好。個定食仲有個麵豉湯同沙律跟埋架～

大埔多嘢食就不嬲㗎啦第一次嚟呢一間居酒屋 見網上評價都唔錯 就試吓啦 有個成日返日本鄉下嘅朋友一齊同行 嚟到門面見到白色燈籠 哎呀 日本嗰啲居酒屋唔係大部份都係紅色嘅咩 我又見怪不怪喎 我反而覺得個招牌效果似係茶餐廳 好啦講完個門面啦一入門口有個男職員招呼已經預留左座位啦 職員態度都好好呀好熱情介紹 呢個係值得讚嘅👍🏼因為呢個係經理😂除咗有廣島蠔之外仲有宮崎蠔 講到後者較為優質又即管試吓 朋友話都幾鹹喎嗰 六隻蠔有送清酒同一串牛柳個質素前後好壞參半 我第一口係OK嘅到我朋友個件好鞋喎 再之後我食係喎都幾鞋喎🤔牛舌好Juicy 讚既👍🏼壽司來講都好新鮮好食嘅👍🏼其他冇特別講就都OK嘅😄整體用餐都過咗一個愉快嘅晚上😋

大埔有間居酒屋。裝潢好日本style 架😍。嗌咗個*小町優選刺身定食*。😱刺身包括中拖羅。三文魚。油甘魚。劍魚腩。真鯛。帶子。北寄貝。八爪魚。赤貝肉。象拔蚌。海膽魷魚。牡丹蝦。玉子。每款一件真❤️滿足。款款刺身新鮮無比。最愛中拖羅。入口即化🤤。媽咪嗌咗*和風蟹逅特盛丼*。包括鱈蟹鉗。松葉蟹腳。蟹肉。蟹膏。炸軟殼蟹。蟹籽。玉子。蟹棒。全部都係🦀。🦀控like爆。d餸多到碗飯都睇唔到🤣。軟骨餃子😛炸到脆卜卜。食落有口感。芝士雞翼～啖啖🧀啖啖滋味。

約左個客係太和附近交收，等等下見到咁岩有錶位，順便係附近食埋個lunch 先返屋企。我地今次去左溏串小町食lunch。餐廳裝潢設計好有日式居酒屋feel，牆壁上貼滿了日本海報，連廁所都有海報，去到邊都感受到日本氣氛。Lunch 餐牌有刺身定食、壽司定食、日式丼、料理定食、和風丼飯、烏冬，仲可以追加刺身和小食，價錢合理。追加甜蝦刺身（$28/3隻）蝦肉晶瑩剔透，鮮甜爽口，鮮味十足小町特選壽司定食（$128）有花之戀、藍鰭黑鮪魚赤身、劍魚腩、真鯛、帶子、八爪魚、赤貝肉、赤海蝦、香蔥油甘魚、海膽、三文魚子、蟹肉蟹膏、各1件，飯和醋比例剛剛好，壽司大大件，而且刺身厚切，鮮甜美味，定食仲有麵豉湯和中華沙律。兒童餐（$68）兒童餐有一碗烏冬，兩舊飯糰、香腸、炸雞、啫哩、燉蛋、蘋果汁，兩舊飯糰整得好可愛，以個份量食完好飽。柚子蘋果梳打（$20）

係冇訂位情況下入去食飯店舖唔算大座位與座位之間比較迫我叫左二人餐可以有一個壽喜燒鍋四串串燒一個主食=飯另外再加了沖繩啤酒兩杯沖繩啤酒做緊買二送一啤酒機入面啤酒唔夠凍續第三杯用番同一隻杯唔係太衛生落咗單十分鐘都冇來左個主食飯「鰻魚飯」鰻魚同飯都係凍醬汁比較偏鹹之後來個壽喜燒似係吉x家牛肉火鍋得幾條菜-蛋-菇-豆腐同牛肉都係比較偏鹹之後來四串串燒都係唔係熱牛舌好so肉質唔太好蝦亦比較梅雞肉串燒就比較鹹雞翼算叫做食得落口希望佢會改善一下食物質素真係有待改善

無得去旅行有時特別掛住日本🇯🇵我地通常都會用多左既budget黎食餐好安慰下自己😆今日我地兩個去左大埔小巷內既一間日式料理店入到去餐廳🍴裝潢非常日式以大量木系餐具同埋日式海報，走日本居酒屋風店內仲有一個木架放左日本漫畫俾食客賞閱😆選擇都唔少，仲有我細個最鐘意既多啦A夢睇午食餐牌選擇亦都非常多，眼花瞭亂我地叫左一個壽司🍣定食同一個刺身丼，另外追加左兩樣小食😚食物尤其刺身丼都係即叫即整，所以要啲時間我地襯呢段空檔睇左陣漫畫，睇左陣，前菜就上枱🤤茶碗蒸茶碗蒸上枱熱辣辣，新鮮蒸出黎望落非常吸引😍入口蒸蛋非常嫩滑，伴隨濃濃蛋香同埋濃郁雞湯既味道配埋冬菇濃香程度再上一層樓而且口感細緻，我地好快就食晒😆蟹籽沙律我食日本野必點之一既經典前菜呢到既蟹籽沙律🥗幾特別首先值得一提係蟹籽粒粒分明，而且好光亮，睇得出好新鮮沙律除左青瓜絲仲有洋蔥🧅意外地帶出左洋蔥既鮮甜另外仲有啲海草，食落爽口，令整體口感更有層次👍🏻火炙🔥十本壽司定食火炙壽司控既我一見到就決定點黎食😆上枱賣相非常吸引，仲有陣陣火炙後油脂既香氣，令人流晒口水🤤穴子同鰻魚壽司都入口香糯，微微焦香更提升魚肉既鮮甜👍🏻玉子加左芝麻醬比想像中夾，香濃醬汁配

呢到環境幾好, 有好多精緻日本色彩既裝飾,一班人黎食都都唔錯!特性牛柳 ~~5粒星燒得好好味, 好嫩口, 唔硬!有埋香草lemon , 自家制既spicy salt 夾埋食都幾好味.墨魚串~4 粒星少少爽口, 口感幾好, 唔硬又唔燶,但要hot 先好味黑毛豬肉餅~~4粒星好味, 鐘意炸野可以食迷你滿海膽飯~~4粒星多過一種既海膽, d 三文魚籽好甜, 正.角切魚生飯~~5粒星魚生飯大大碗, 而且魚生份量少,所以都高CP 值.臀肉提子卷~~3粒星幾有趣既配塔, 中間粒提子中和左豬肉既"溜"感.

難得同老婆一齊放假, 帶埋囡囡過黎大埔散心, 順便參觀鐵路博物館。我地一家三口接近下午一點先到大埔, 連早餐都未食, 上OPENRICE搵一搵有咩食,好耐未試過食日式午餐, 最終搵到「溏串小町」, 一於試下。門面裝潢都幾有風格, 放置左好多餐牌同食物圖案。店舖裡面充滿居住屋風格, 周圍都掛上唔同既旗仔, 環境闊落企理。餐廳以QR CODE點菜。自己叫左午餐D有前菜, 麵鼓湯, 蟹肉沙津, 刺身4點, 昆布豉油湯底烏冬以及甜品。油金魚刺身比較厚而肥美, 而且新鮮。烏冬湯底略少少咸可以接受, 烏冬入口好滑, 無乜麵粉。食左個剌身都未夠, 再點海膽帶子剌身。海膽同帶子入口都非常新鮮, 而且好鮮甜。最後再點左唐陽炸雞同脆炸雜菜薯餅, 配埋沙津醬。雞肉好嫩又易咬口, 雜菜薯餅外皮好脆, 健康又好味。

太和小巷的串燒店，雖然是位於小巷，但因為嗰度有好多質素不錯的餐廳，所以不算難搵，沒有一般串燒店的煙味，十分乾淨，一坐低，店員即告知可以掃QR code在手機上落單，無肉不歡嘅我即刻想點餐牌上的串燒拼盤，而老婆亦被其中嘅燒菠蘿吸引。跟住我地仲點了三文魚刺身同骨腩，估唔到除了串燒，其他小食嘅味道都不錯，足以令我呢個三文魚怪Encore XD等了不長嘅時間就有嘢食，牛柳串好大串，仲好好味，牛柳粒之間紅椒、綠椒同洋蔥都燒得好香，必吃！特別推介是豚肉提子卷，真的有一粒一粒提子包在豚肉中，意想不到的夾喎！