湯品小棧 (已結業)

愛吃菇菌愛喝湯的我，自從在相熟友人中得知這間小店後，早想幫襯這間以菇菌湯為賣點的小店了，雖然從打算去幫襯到終於在日前第一次光顧，都已經過了不短的時候，最近，終於還是試到了。這的確是家小店，小小的店舖大概只能容得下十來人，當日在店內招呼客人的，就只有店子老闆兩母子而已。不過這店子的食物，可真是既有特色，也好味。這小棧以「湯品」為名，主打的當然是湯水，而且不是常見的湯水，而是以菇菌為材料的各式燉湯。店中供應的菇菌燉湯，包括牛肝菌（28/盅）、茶樹菇（$30/盅）、瑪卡（$32/盅）、松茸（$34/盅）、黑松露（$49/盅）和是日特別推介（$38/盅）六款，六款當中以牛肝菌最便宜，黑松露就價錢最貴。顧客可在這六款菇菌湯中揀選一款，再加錢配以不同主食（共有米線、健康紅米飯、台灣鹽水意麵和台灣新竹米線四款，前兩款 $4，後兩款 $8）、配菜（大約有十多款可揀，價錢由 $5-$15不等）和多款甚有特色的健康飲品，想豐富點還是簡單點，豐儉由人，客人大可各適其式。雖然一想到它的濃郁香味，便覺得「黑松露燉湯」十分誘人，但第一次到來的我，還是被是日特別推介的「黑虎掌菌燉湯」 吸引，叫來這燉湯套餐，以「黑虎

經常出外用膳，每當遇到天氣轉變，又或是喉乾舌燥的時候，最好不過是來一碗溫醇的湯水！當然老公和我也是十分喜愛嚐湯之人，間中有也會在家熬製中式湯水，滋潤一番！不過有些湯水自己總是弄不來，尤其一些慎於選料的湯水，所以除了自家製作之外，我們也不斷尋找有口碑的湯水食肆！當晚來到非常細少，我想用迷你來形容較為貼切！「湯品小棧」只有四張桌子，若全坐滿十二位食客的話，情況會相當親蜜，不單背擦背，還會膊碰膊，所以到「湯品小棧」購買外賣的客人也不少！抵達時，剛有一張能容納最多三人的桌子空出，於是我倆就坐在這個靜字之下。這小桌子背著牆壁、一邊靠玻璃門，另一邊則是緊貼廚房對出的雪櫃，因此只許三人入坐，每邊的活動空間也是很有限的！雖然地方淺窄，但氣氛安靜，也沒有油煙氣味，感覺良好！「湯品小棧」顧名思義是以湯品作主打，餐牌中備有牛肝菌、松茸、瑪卡和黑松露四款湯水的選擇，餐牌內均就四款不同食材列有詳盡的介紹。另外，每晚皆設一款特別推介的湯品，無論選擇哪一款食材的湯水，湯底均是採用雞隻熬製。除了喝湯，「湯品小棧」亦自製了幾款保健飲品，包括苦蕎雪菊冷泡茶、杏仁山藥飲、靈芝茶，而我們則選了蘋果山楂蜜棗茶和玫瑰花紅棗冷泡茶

雖然住喺大角咀咁多年，但一直以來都好少去富多來附近覓食。睇雜誌見到介紹「湯品小棧」以湯做主打嘅小店，決定過去試一試。我同阿媽大概兩點幾三點去到，已經係下午茶時間，有下午茶優惠，如湯品及配菜會平幾蚊，撈米線會送野飲等等。店面比較細，位子唔多，以香港而家吃人的租金，小店大概都只能夠先以小舖面做起步點。我地點左兩款燉湯（配米線），三款配菜再加一杯飲品。燉湯一：瑪卡燉湯據店家介紹瑪卡係秘魯人蔘，可以抗疲勞（唔知食一次有冇效呢XD?）湯品入面有木耳絲同紅蘿蔔絲，仲有幾塊可疑物體（食落粉粉地），我估係瑪卡掛 湯的味道比較清淡，有少少清甜嘅味道，連埋米線食就清上加清啦。燉湯二：牛肝菌燉湯味道同樣好清，較有菌類嘅香味。配菜一：玫瑰露酒雞翼如果酒味更濃更入味會更好。配菜二：松茸炆排骨排骨較出色，味道好香好入味。配菜三：溏心鹵蛋我最鍾意食溏心蛋 呢家嘅溏心蛋火喉剛剛好，質感唔錯。飲品：核桃米露有好多飲品想試，好似樣樣都好特別好養生咁，最後揀左核桃米露補下個腦點菜冇耐飲品就黎啦，核桃味好香，初初覺得味道好淡。但食完主菜再飲就覺得味道有點甜。總結：清淡嘅燉湯加埋米線的確係淡上加淡，下次再去要試下配紅米飯，

早兩天在經過這裡發現這間特別的健康湯品小店，於事今晚就來試試。七時半來到發現沒人問津，店內只有三數張枱十個位左右，起初有點擔心會不會進了黑店，但之後半小時便全場爆了，虛驚一場。今晚點了瑪卡(秘魯人蔘)泡飯加玫瑰露雞翼，本以為主菜雞翼是另上的，原來是放在湯中一起上的。蔘湯很清甜，沒苦甘味，湯中有一些木耳和甘荀絲，很爽口，飯是紅米飯，的確很健康。原以為泡在湯中的雞翼會很淡味，其實依然很夠味。這是一餐很美味健康抵食的晚飯。

上星期行經大角咀見到呢間小店以藥膳湯品掛帥，價錢亦看似相宜，可惜太夜已關門所以已選定要來一試！放工後約7:30PM去到，全舖有大約10-12個座位，只有我這枱客！但是8PM都陸續多人，坐滿整個店了。-------------Menu很簡單，先選湯（牛肝菌、松茸、瑪卡、黑松露及當日「特別推介」），再選小食（玫瑰露酒雞翼、松茸燜排骨或加$6的花雕醉雞翼）、可配飯、米線或台灣鹽水意麵！另還有黑松露炒蛋、黑松露炒飯等單點食品！--------------我選了黑松露湯、松茸燜排骨及飯（$59）！黑松露湯香氣未算十分特出，湯亦有些微油膩，但是味道濃郁，十分滋補，還附有數顆黑松露！湯中加入我選的松茸燜排骨，排骨肉腍又入味。米飯亦加入紅糙米，非常有咬口及健康！--------------是日甜品是伯爵茶芝士蛋糕，立即點一個吃！芝士蛋糕散發淡淡的伯爵茶香，芝士蛋糕口感滑溜、芝士味不濃列十分適中，不會太甜及滯，連不嗜甜的老公也十分喜愛！------------雖然份量好像不多，但湯很大碗有飽肚感，而且沒有味精十分健康！這個價錢亦十分性價比高！絕對值得推薦！

試左馬卡湯米線，個味好得意，餐牌寫馬卡係秘魯的人參，貪得意上網Seach下，原來馬卡含有勁多種礦物質同植物營養素，對內分泌系統好，咁又幾配合店內食物養生o既主題，食落完全唔味精。朋友叫左個黑松露米線，一上枱香到不得了，試左一啖，估唔到黑松露同米線配埋又幾夾wor大熱天時配埋個冰凍玫瑰花茶，見到都清涼，飲落味道好fresh，buy! 甜品方面，店員推介下試埋番石榴cheese cake，唔會太甜有少少酸，開胃度好高，有清新香味，就算已飽飽地都停唔到口!! 遲d再去試埋牛肝菌米線先，應該會好香~

第二次黎呢間舖度食, 因為o係屋企附近都算方便~試過黑松露同瑪卡湯米線, 前者真係勁香, 後者味道好特別, 店員話似黃色芥末醬味, 食落有少少似, 不過又唔係完全係, 都幾得意~加埋個$4醬食好惹味~~下次都會再食~小食涼拌木耳唔錯, 酸酸地咁, 因為係冷盤, 所以幾岩夏天食~飲品方面就試過玫瑰花茶同埋合桃, 用玻璃樽裝感覺好乾淨, 望住d玫瑰花飲好靚呀 =)甜品就之前食過番石榴cheese cake, 酸酸甜甜, 可能落左檸檬, 所以唔覺滯~今日去見到有個一男一女, 堂食食左兩件黑松露cheese cake, 又外賣左一件~~好似好好食咁, 下次試下先!!總括黎講都係間坐得幾舒服同埋水準不錯既小店~~