湘川滬 (+WOO嘉湖二期)

营业中

休息中

自去年湘川滬進駐嘉湖銀座後, 可算是多個搵食熱點。 多數都是挑選下午茶時段光顧, 二時開始, 但差不多時候已有人在等位。 直至三時, 人潮仍然不絕, 皆因選擇夠多而且不昂貴, 小菜、冷盤和粉麵飯一律半價, 另外又有多款上海小點和中式點心。 小籠包$19/四隻: 吃上海菜必點的, 可惜皮較厚而且不夠韌度, 肉汁亦不豐富, 肉餡還可以, 水準一般, 不會再翻叫。 雞絲粉皮$19: 粉皮爽滑, 不會疊埋一舊, 與麻醬和青瓜絲拌勻來食, 夠哂香口, 只是麻醬太杰身太漿口, 容易漏。 叉燒酥: 酥皮夠鬆化, 一層層的, 還是微暖, 叉燒餡份量剛好, 無太多肥肉。 流沙奶皇包: 見到流沙二字雙眼就會發光, 很期待流出來那刻, 奶皇餡不算太流但勝在有咸蛋黃味, 不像一般奶皇包只是吉士, 可惜包身不夠鬆軟, 一咬就痴牙。 糖醋魚塊$29: 配料和煮法十足十生炒骨一樣, 甜酸汁加上雜椒、洋葱和菠蘿, 魚塊炸得十分脆口, 粉上得薄, 內裡的魚肉仍然很嫩, 不會乾身, 夠入味。 上海炒年糕$24: 年糕厚薄度剛好, 口感煙韌很彈, 配料和上海粗炒分別不大, 都是椰菜、冬菇和肉絲, 炒得夠香又不會過咸, 吃罷

係銀座唔知有乜好食,之前想係呢間野飲茶,見排哂隊等位,最終冇去到.果晚去食晚飯,好多位,服務好好,一家4口食左470元,叫左個花膠四寶羹,松子桂花魚,口水雞,元揥(唔記得點寫個字)係豬手黎的呢個菜有分大細的,細已好夠食好大件的,幾好味的,唔太濃味,仲有個叫全家福既菜,有菜,干元貝,冬姑,螺片...抵食幾十元個菜,又足料

中午看到燕窩廣告,全線樓上燕窩買三送一,老公和我立刻駕車到天水圍嘉湖銀座店鋪購買;購畢時發現店舖對面就是昨日於荃灣曾幫襯過的同集團食肆,正好肚打鼓,隨即坐下來醫肚子紅油抄手~~大大粒的餛飩,醮上酸甜蒜香辣醬料,風味佳!夫妻肺片~~麻、辣、鹹、酸兼而有之,舌尖一碰即發麻,就愛這感覺,好吃得很南翔小籠包~~雖同集團,但葵芳那裡的小籠包皮薄餡鮮,這兒的皮厚肉餡不夠嫩,上湯燙得舌頭也會跳舞,比起葵芳的略為遜色了!

之前約o左兩位住o係天水圍o既朋友食飯, 入到天水圍已經七點幾~我o地決定食呢間因為其中一個朋友話見平時幾多人, 應該唔錯~我o地order o左"口水雞"+"醬汁牛肉"+"酸辣湯"+"小籠包"+"椒麻海龍筋"食物都萛唔錯, 但係其實都係一般上海菜質素。

辦完事後又是吃飯的時候了! 我們一行十人很早已坐下，叫了一個$1088的八人餐。由於是次我不是點的那個，而我又沒看過餐牌，這次只能簡單描述一下。前菜有五小碟，好像有海蜇、小黃瓜、肺片、烤麩等。我只吃了烤麩，浸了醬料的烤麩味道較濃，但未見出色。套餐原本應該有燕窩羹的，但我們改了要砂鍋餛飩雞。餛飩很好吃，大家都讚好；湯也不馬虎，雞味濃郁，整體來說是可以的。其他菜色我依稀記得有以下幾款：北京烤鴨只是普通，不算太油，連最愛吃北京片皮鴨的我也只是吃了一個。最好的地方就是薄餅可以添加。清炒蝦仁不過不失，可以更新鮮更彈牙。炒豆味道很濃，如果吃飯的話是不錯的，不過油了點。其實還有海參，不過我不吃的。小籠包是吃到最後才蒸的，不過我們等了許久，原來是蒸得不好，要再蒸。因為只得八個，做後輩的應讓給前輩吃的嘛。雖然我沒吃，但看來也不太好。印象最深刻就是那個魚塊。魚是非常的滑，雖然上面有很多不知名配料，但它每次轉到我面前我都有要再吃的衝動，因為實在是太太太太好吃了!!甜品是高力豆沙，又是只得八個，所以沒吃。我們另外叫了些銀絲卷。我吃了蒸的，普普通通，可以不要。總括來說，是出乎意料的好，大家也吃得很飽，還剩下些食

今日一行四人，大概八點鐘坐低，叫左沙窩雲吞雞、小籠包、上海粗炒、排骨菜飯、豆腐毛豆蝦。小籠包皮厚不合格、粗炒普通、排骨菜飯菜少同乾排骨炸得多油、雲吞雞同豆腐兩個"食送"一齊上，豆腐尚可夠清、個雞啲雞肉都夠淋入味，個湯熱辣辣濃左少少都ok、等多一陣諗住添多碗湯，"畢"左落碗聞一聞點解有陣味，果陣係"押"味，我問其他人聞唔聞到，佢地話味"食送"一上已經有，佢地而為係個豆腐同啲豆既味，因為一齊上檯，陣味好難頂點食，叫個侍應過泥聞吓佢話係雪雞味，啲味直程係豬肚洗唔乾淨啲味，我問咁點俾客食，佢幫我取消左。但係陣味好似揮之不去係味雷，呢間嘢價錢又貴質素咁差想唔關門都幾難。

4個人去食, 叫了3度菜(1) 梅魚 <- 都可以入口 , (2) 片皮鴨 <-- 等了成20分鐘, 心想是即燒, 不知道是凍左的, 叫佢換過, 佢樣都變左, 之後個碟, 又是無味... 不知所謂 (3) 津白 (菜) <-- 得個2-3條菜, 和4-5片肉 , 好細碟 , 同淡左 d 結果 失望而回 , 一次無下次

是晚點了三個菜:1) 雞絲粉皮 - 還可以, 但花生醬過於濃稠, 好糊口2) 小籠包 - 皮厚, 汁淡, 肉無鮮味3) 松子黃花魚 - 魚細, 汁酸又勁油, 全無魚鮮或松子香, 吃了兩口竟感油膩到想嘔, 無誇張, 還要賣$120(加一計)這間食肆究竟在做甚麼??

其實個晚食飯餐,我已經唔記得叫左咩,只係記得有些前菜,有煲野,湯似水,仲有碟唔知咩麵,咩料都無,衰過食茶餐廳。但係有一樣野一定要上黎提一提。就係個北京填鴨。唔知大家知唔知到,正常情況下,師傅應該會出黎"片"個填鴨比大家食。但係係天水圍呢間湘川滬,將個填鴨拎左出黎之後,就拎返入去比師傅"片"。點知片出黎既填鴨,肉又少過d皮,成隻鴨都唔知去左邊。而且仲有一個好嚴重既問題,就係佢唔會問你要埋要剩低隻填鴨。咁平時食開北京填鴨,都會同侍應講聲,唔該幫我砍好隻鴨,然後拎走。咁我地就係食個時同佢講啦,去到埋單個時,隻鴨仲未比我地,又再叫侍應處理下,最後要再叫多一次,隻鴨先比我地拎左。唔睇都算,一睇就火,成隻鴨完完整整都無幫我地砍過,而且求其用個袋裝著。臨走望望其他人,都無人好似我地咁拎走,你諗下,隻鴨咁既價錢,但係比我地食就少到無人有,而且仲唔問下顧下要唔要拎走埋剩低個d。而家都唔知佢整其他有鴨既菜,節省左其他。完全估唔到間野有3間分店,但係天水圍呢間,服務一般,食物的質素完全唔值個個價錢,仲要咁呃人錢!如果大家仲要去,仲有食北京填鴨既話,記著要叫幫我砍整齊隻鴨,用個盒裝著,唔好比佢咁食左成百幾蚊。

I've been there twice and everytime their services always make me feel angry and disappointed. All waiters are lazy, you put up our hands for a long time to call waiter is a must, coz they will try to not seeing you, they give me the impression is "do less as they can", so they will try to avoid your eyesight and your up holdings hands too!!!!!!Last time, i've order "dou sha wor ban", i've wait for nearly 1 hr, in between i've chase 2-3 times, but nobody help me, at last i called the manager,

之前聽媽咪講，話食過呢間幾好味@@"咁就拉埋阿姨一齊去試下la~叫左幾個上海菜:1.雞絲粉皮 d花生好粗囉，我覺得上海婆婆好食d~ 唔知點解有芥末醬俾我地點???2.小籠包x2 d皮一夾就穿，果然夠薄!!! 有d未夾已經見到d湯流緊出黎3.鍋貼 味道ok，無咩意見。4.上海炒粗麵 呢個比較有穫氣，同茶餐廳果d差不多~ 不過感覺好似無咁多油=v="5.上海炒年糕 呢個比較好味~不過如果同婆婆比較就...6.擔擔麵 辣到傻...第一次食咁辣ge擔擔麵 仲要係小辣果隻，佢係會辣喉嚨架... 但係條脷其實又唔係好feel到佢果種辣~好奇怪=0=" 鐘意食辣ge...可能會好enjoy佢的辣-v-" 因為我阿爸直情飲埋佢個湯底...傻的7.酒釀丸子 其實一直都想試一試這個甜品，但一直都無機會試... 今次終於試到喇@v@ 唔知點解有陣好濃的蜂蜜味，I'M LOVING IT8.豆沙窩餅 好失望...唔好食不過佢d服務態度幾好的同埋宜家下午茶時段，有d野有50%off discount~所以某d都幾抵食的~如果以原價 + 這個質素

同朋友陳小姐去銀座睇完戲,於是黎左未試過ge湘川滬開飯喇~等左10幾張籌終於有得入去同人搭枱食lunch喇!!兩人睇左一會餐牌就點左:招牌担担麵:身一道上枱的食物,同陳小姐一樣,我地ge同一意見係:為何得個辣字!? 雖然都知道担担麵係屬於辣ge食物,但湘川滬ge担担麵真係辣得過份!!海鮮湯年糕:一上枱我地兩個都有d呆左一呆,好大碗料好多,但味道就一般,我淨係食到3樣野,包括年糕,冬菇以及一種好似海參但口感唔多似ge物體奶皇包:好鍾意呢個點心,3個$19蚊個包一咬落去d"奶皇"已經流出黎,係流沙奶皇包呀!!仲要係上左枱俾冷氣吹左一陳先食,但依然好熱,好好味!! 但佢同一般茶樓ge奶皇包唔一樣,佢偏重咸蛋黃味同少左一般茶樓ge奶皇嗰種淺黃色及奶黃味唔喜咸蛋黃味同膽固醇偏高者都唔建議食糖醋魚塊:第一次食呢樣野,湘川滬俾到驚喜我!!!魚塊真正達到外脆內軟ge境界,甜甜酸酸的味道十分吸引!!係我同陳小姐ge直愛!!!現時午市仲有6折,大家可以去試試呀~~

我住天水圍o既, 呢度都冇乜好野吃, 有新野開, 咁係要去試下啦.我好耐之前去過新世紀廣場的湘川滬都ok 架...所以咪去試下天水圍呢間囉.抱住興奮的心情去試吃, 帶左失落的心情而走.那天, 只點了三樣送, 冇樣掂. 失望! 失望! 失望!

一行5人, 晚上8點50分來到知客好細心地同我地講, 遲多一陣入座, 可享宵夜半價優惠ok喎, 就等多一陣啦坐低, 原來唔係全部都有半價, 係有一張綠色的紙, 上面寫的菜式有半價老實講, 都有好幾十款的, 唔會得個三幾樣係度呃人醉雞, 唔錯, 雞肉幾滑, 又唔會太多酒味, 但雞皮幾厚, 肥膏多左少少烤麩, 呢個我喜歡, 好食煎餃子, 賣相唔錯, 但我無食到, 唔俾意見酸辣湯, 呢個唔得, 得個酸字, 唔好食什錦煲, 唔知原名係乜啦, 有些咸肉, 菜, 豆腐甘啦, 清清地, 幾好食甜酸排骨, 麻麻地, 無乜肉味咕嚕魚柳, ok, 酸酸地幾醒胃另叫了三枝啤酒和高力豆沙 (高力豆沙整定的, 麻麻地好味)連埋茶芥和加一, $410, 價錢ok啦, 平均每人 $82但以宵夜來講, 都唔算好抵食囉, 因為好多食物已經係半價的了招呼就唔錯, 起碼侍應們都好好笑容

一家人去食飯，點左以下食物：1. 擔擔麵：好普通的擔擔麵，個碗好大，阿媽話個碗大得離奇2. 雞絲粉皮：正常，唔算好好食3. 雪菜毛豆百頁：毛豆不是新鮮貨，還好味道中規中矩4. 小籠包：真係好小籠，一人一粒，沒有驚喜5. 上海粗炒：味道有點怪，我食到燒汁味6. 炒年糕：年糕不會難吃，只是汁/ 獻太薄，成碟都沒有味道7. 炒蝦仁：雪藏蝦，肉質有點霉，吃兩粒就停手8. 烤麩：正常味道真是很一般，只因位處天水圍，所以暫時有得做。往後新鮮感沒有了，不知道可否撐住。