湊湊火鍋‧茶憩 (希慎廣場)

营业中

休息中

這店在希慎廣場開了很久，今日同外子來試下這裏的台式火窩套餐。店的裝修古舊，燈光昏暗，全店卡位，坐位很舒適。入會贈送台式飲品，選了大紅袍珍珠奶茶，好飲。叫了一個二人套餐，選了牛肉，墨丸 （兔仔形狀），鮑魚，皇帝菜，烏冬。湯底選了鴛鴦窩，台式麻辣加蕃茄湯。台式麻辣湯底辣度正常，味道好。牛肉很鮮嫩，墨丸就一般，有兩隻Size ok新鮮鮑魚。自助Bar有肉燥飯，必取項目，好正好惹味，亦有西瓜、哈蜜瓜，各式醬料。（自費用餐）

我都唔想出post，但係成餐飯感覺都好差。先聲明，唔係第一次食。今次係整體質素下降今次去呢間有以下問題1.背景音樂，重低音，其實老細係咪覺得打個邊爐都好似去disco咁？但重低音節奏令人勁唔舒服。真心難為喺個度做既staff2. 燈光都係令人唔舒服3. 食物質素平均，碟羊係碎上咁。4. 坐半個鐘先一次過上湯同菜5.食完勁瀉明明你地餐廳走高檔路線，間間分店都喺大商場咁濟，但質素同酒樓差唔多。埋單都成九舊水，性價比勁低，呢個價位，其他邊爐都開心過呢道。應該永遠都唔會再嚟。

湊湊火鍋 ‧ 茶憩銅鑼灣店，第三次食，佢個肉燥飯真係好好食每次去都要加個水吧區小食，為咗食肉燥飯同埋最後個菠蘿冰同柑啫喱都好好食，火鍋底都好正😊後來返深圳都見佢有～好低食～佢個桃茶都好好飲

嚟到湊湊火鍋食團年飯，但係又唔知叫乜，好彩佢有一個四人龍年團年餐，啱曬成家人黎食，入面有好多唔同湯底比你揀我地揀左花膠雞湯同埋蕃茄牛膝湯，係個湯底上黎之前，我地出左去夾左d小食，有酸辣魚皮，中華沙律同各款時令水果，其中最值得推薦嘅就係個魚皮，佢係帶咗少少辣，但係好惹味同好開胃但湯底好快都跟住上左，個店員提醒我地花膠湯好易痴底，同埋個湯一滾起就可以飲左先，個花膠湯入面有少少雞肉塊、豬皮、小鮑魚、杏鮑菇同埋冬菇，飲落去好濃稠，都幾好飲個蕃茄湯都好清甜，落左好大舊牛膝同好多蕃茄我地係套餐仲揀左牛上蓋、牛肩胛、黑毛豬、墨魚滑、企鵝丸、荔枝蝦球、鮮鮑魚、帶子、響鈴同冬粉食到差唔多，店員都會先幫我地埋單，同提醒我哋仲有幾耐夠鐘，整體嘅服務態度都算正常，食物質素都幾好，全家人都好滿意

我们是定了晚上7点半去吃的，从9点10分开始就不断提醒我们时间快到了，明明后面没人也疯狂催人走。最后到9点20干脆有两个服务员直接站在我们台边上，就面无表情的看着我们，最后把我们没有吃完的碗也直接被端走了。服务很差要赶人,下次不来铜锣湾这家了，别的凑凑分店都没有这样。食物的素质倒还正常，但是服务真的一般，尤其是在催人走这方面。希望以后凑凑可以不要这样，服务态度意识好一点，不要这么赶别人走，稍微灵活一点。

湊湊夜晚食過幾次，印象不嬲都唔錯，星期五成班同事想開心下，見到湊湊有lunch set就即刻book檯唔知係咪咁岩得咁橋，呢日午市冇乜人唔駛等位，一行四人黎到即刻有位坐底即刻叫左個四人餐先，之後就去自助吧，除左混醬仲有水果、肉燥飯同涼拌前菜任食，泡椒魚皮真係唔錯食左兩碟，不過之前食湊湊唔係好覺，可能間間唔同款套餐既肉類可以揀3款，我地揀晒牛同豬，黎到份量唔多，每人食到1-2片，然後有一個湊湊三寶，丸類都幾好食，跟餐有兩大盤蔬菜，同埋有兩份主食就咁睇個餐就唔係好夠飽，但加埋無限任添既鴨血、水果、肉燥飯同涼拌，最終都食到捧住個肚走有個滿足既開心星期五

去完台灣食麻辣鍋 ，總係心心念念，俾我係香港搵到正宗又好味的台式火鍋一湊湊火鍋•茶憩，係香港愈開愈多分店。台式火鍋的辣味溫和🌶️，藥材湯底配上微辣的香氣，加上少量花椒，唔會好搶喉~配埋煮到入味的鴨血同豆腐，簡直食到停唔到😋。今次同朋友2個人黎到希慎廣場分店，餐廳以暗黑主題裝潢設計，燈光較暗。坐位以2-6人的卡位為主，私隱度高，適合聚餐。我哋叫左鴛鴦鍋，加左碟豬肉、菜、丸類，同一大杯雲朵絲絨奶蓋紅茶，連埋自助吧，同贈送的菠蘿沙冰同柑桔茶果凍，已經食到捧住個肚好滿足🥰。｜鴛鴦鍋｜🌶️台式麻辣鍋 $138湯底麻辣香溫和，無限續加麻辣鴨血豆腐，吸滿湯汁，職員都好闊綽幫忙添加，十分推介🥥清涼椰子雞鍋 $138雞肉配上新嫩椰子肉🥥同粟米🌽，湯底非常清甜、解肥膩｜配菜｜🐷比利時五花肉 $88有少少鞋，未到入口即融🐧企鵝丸（墨魚漿製）$59企鵝造型可愛吸睛，口感實在🌿皇帝菜 $38新鮮清甜｜飲品｜☁️雲朵絲絨大紅袍 $32☁️雲朵絲絨紅茶 $29咸香綿滑的芝士奶蓋配上香濃茶底｜自助吧｜$19/位（預設）提供10多款火鍋醬料、小食（涼拌魚皮、中華沙律）、水果🍉同肉燥飯

在內地吃過這間，珍珠奶茶真的一流，無可媲美，所以今次朋友生日，也想試試香港分店。但就如很多人在Openrice留言所說，明明不是自助餐任食，上菜速度還是極慢，但每碟分量都是很少又很貴，態度也很差，也不是要什麼笑容或殷勤，但都似是唔想serve你，講野粗魯。到最後明明叫了兩碟蔬菜，只上了一碟，等了半小時以上沒到想取消，職員還很不甘心般要查看order時間，問一大輪才知原來生菜售罄了，又唔早講，三個人食左兩千蚊，可一不可再，很差。然後湯底其實很普通，一般酒樓都跟他差不多，不必花這價錢吃。

以鴨血豆腐任添作招牌，可預約，一間主打賣麻辣火鍋嘅食肆，醬料站會提供滷肉飯($19)、亦有自家台式飲品(約$35/杯)。鴛鴦鍋底老四川風味麻辣鍋($138)及紅顏花膠雞鍋($138)美國特選級牛肉雙拼($248/240g)兩款式、每人2-3件薄片、量不多。海鮮湊湊($588)為方便（懶！）都點了拼盤蟹是很小一只，很難有膏有肉的；三文魚並未完全解凍；只有鮑魚和帆立貝可以；其他如蝦、蜆等海鮮普通，CP值不算高。二人先食兩個拼盤，食完都未見飽哈！💸伊比利亞黑豬肉($138/150g)反而不錯，有肉味，配湯底吃的肉片最緊要夠大塊。巴沙魚($58/200g)雪藏質量，反正這裡海鮮不是主打。丸類拼盤每款有三粒：貢丸好食，蝦丸正常、但牛丸不行。⚠⚠⚠綜合以上一律不建議叫拼盤⚠⚠⚠食肉/食丸/食海鮮的都可以散叫！！⚠️注意限時兩小時，90分鐘會開始催結帳✔️任添鴨血豆腐我們期間只添了鴨血一次，「任添」絕對可以令人均價錢低啲同食飽啲，但吃火鍋我個人是慣性想叫多些不同款式的食物。

幾個朋友都話湊湊好味，所以今晚經過就黎試試。Walk in 6:30pm入座時被告知8pm要交枱，有心理準備無問題。叫完野食，個鍋同其他配料都好快上，唔錯，野食都OK好味，但椰子雞鍋既雞就偏乾偏“鞋”；但係野飲就等極都未有，我地坐好近水吧所以見到我枝啤酒已經擺左係水吧等侍應上枱，見到一路都好多野飲擺晒係水吧但無人上，結果差不多等左20分鐘真係頂唔住就叫d侍應幫我地跟跟d野飲，侍應去水吧睇睇，之後拎左一杯俾我地但又漏左我枝啤酒，要再叫佢先去拎 7:30pm就黎到我地對單，即係交枱前30分鐘就要催你埋單咁款，明白我地要準時8pm交枱，但其實15分鐘前叫個客對單同埋單都有足夠時間，有無必要早30分鐘呢？ 俾人催完埋單之後都無心機再食...野飲又黎得慢，單又早早催你埋

湊湊火鍋推出一連串優惠活動，並帶來四重驚喜優惠，感謝粉絲！當中包括：堂食火鍋優惠、限時堂食折扣、享用生椰系列茶飲及生椰系列第二杯半價，作為火鍋鐵絲千萬不要錯過！ 鴛鴦鍋「清涼椰子雞鍋 ＋臺式麻辣鍋 」椰子雞鍋加入椰子水、椰肉等，並選用滑嫩鮮甜的日本雞肉，淡淡的椰子清香，必定是夏日火鍋必選；而臺式麻辣火鍋則以精選雞骨及牛骨用小火慢燉 6 小時，再以紅棗、枸杞等中草藥材熬製 2 小時濃縮而成，而且可以無限添加爽口的鴨血和入味的豆腐！美國特選級牛後胸肉肥肥的油脂，層次很明顯，脂肪豐厚且味道醇厚，肉質結實帶油筋。美國特選級牛小排大理石紋脂肪消晰，肉質鮮美滑嫩、油花分布均勻，口感柔軟且鮮甜。日本無骨雞腿肉拼人參果打邊爐吃無骨配料是最方便，雞腿肉嫩滑多汁啖啖肉，不似雞胸肉般乾柴。深海珊瑚蚌零膽固醇及脂肪，爽口彈牙。小章魚福袋福袋似魚腐，包住足料小章魚，吸收湯底鮮味👍🏻鮮蝦小餛飩皮薄，小餛飩包著彈牙鮮蝦配鮮豬肉。飛魚籽大啡菇有機大啡菇鮮香口感肉質韌實，搭配滿滿飛魚籽墨魚滑。奶油白菜採用水耕種植，免受蟲害的影響，含豐富營養價值的奶油白菜，厚實多汁少渣，帶甜味和奶油香氣。生椰大紅袍配搭茶香濃郁的大紅袍茶

上星期與朋友閒日去這裡，看見生意都算唔錯，但人手好似唔太足夠，上菜速度很慢，但服務尚算可以，可能轉左手提電話落單所以減少左人力呱🤷🏼‍♀️🤷🏼‍♀️但野食很好，麻辣湯我們加了幾次鴨血😊😊😊

很掛住台灣的打邊爐, 所以提議到湊湊火鍋, 卡位之間都有野隔住, 私穩度高, 坐落幾舒服, 點左鴛鴦鍋. 分別係臺式麻辣鍋($138)同埋花膠雞鍋($138), 最正系可以免費追加鴨血豆腐鴨血,  兩款食品都相當入味. 火鍋湯底仲有多款湯底選擇，包括台式麻辣湯、四川麻辣湯、花膠雞湯、番茄牛骨湯、鮮菌湯等. 喜歡麻辣既真系要試一試. 點左美國牛板腱($138), 比利時五花肉($88), 肉質滑嫩鮮味, 仲有 墨魚滑($68)加埋湯底正真心正, 仲有台式飲品選, 大大杯好實惠. 整體湊湊火鍋環境食物質素不錯, 下次多D人黎咁可以叫多D野食. 食咁就可以再叫多款食物. 

同朋友提前食生日飯，去到時見到門口唔算多人，等左10分鐘就有位湯底就胡椒豬肚的湯底，牛肉每一得３塊，份量唔算多，再點左個羊肉片，豬肉片，同加拿大松阪豬，另外叫左個企鵝丸同魚皮。肉類唔錯好新鮮另外叫左冰經典珍珠奶茶 ，奶滑茶香亦唔會好澀，珍珠唔算好大粒，但係有咬口

📍 湊湊火鍋‧茶憩 (希慎廣場) (銅鑼灣)銅鑼灣軒尼詩道500號希慎廣場14樓1401-1402號舖-🍲 紅顏花膠雞鍋 $138 鴛鴦鍋花膠雞的湯非常的濃稠 充滿滿滿的膠原蛋白 喝完嘴唇都會有點黏在一起 🍲 胡椒豬肚雞 $138豬肚雞的鍋底裡面有很多雞肉和豬肚 胡椒的味道很香🐮 美國特選級牛肩胛 $158🐚 竹蟶 $88環境 ⭐️ 4/5食物 ⭐️ 5/5推薦指數⭐️ 4.5/5 #food #foodporn #foodstagram #hkfoodie #hkfood #hkfoodblogger #銅鑼灣美食 Follow： @bird_stomach_oogui