港灣茶餐廳

营业中

休息中

朋友們買完電腦, 約我在此食tea. 四人order 4個tea set.我自己食西多士, 炸得唔夠透, 杯茶亦一般, 但超大杯. 另有一個菠蘿包share, 內有椰絲! 而且烘返熱, 脆卜卜, 好正!最唔話得算係個view. 雖然有新冀擋著, 但與隔離酒店lobby lounge景色分別實在不大, 但價錢只係四分一!

價錢貴，　不太抵食過公司通粉, 唔算太差, 但見同事碟牛肉撈公仔麵真係細碟得可憐.. 第2次食0左個牛肉粥, 一0的都唔掂, 無牛肉而且仲好多味精, 真係飲番幾多水都唔掂.. 次次公仔麵轉出前一丁都唔覺得佢有轉到.. 仲要加2蚊..最好笑係問一個waiter 有無鵝, 佢0既回答係, “鵝就即係鴨, 鴨就即係鵝”如果要數佢有-0羊好食, 都幾難!

They are trying to make money from the exhibitors & guests, 4 of us paid $300 for a lunch.

因工作關係要到會展,就度開餐,要左沙嗲牛肉麵同紅豆冰呢d普通茶餐廳野,可能人多,上桌就比一般茶餐廳慢。睇報章介紹,話係高級茶餐廳,與眾不同,點知環境又嘈又唔係舒適過人,侍應態度也不見得好好,幾一般茶餐廳態度,食物更加唔可以話有特色,但係價錢又唔係一般茶餐廳價喎!所以講真,真係有d失望!呢間店同周圍環境唔係好配合...如果明知佢係一般茶餐廳,我唔會彈,佢已過關,但係之前報紙雜誌宣傳講得太好,老套d 講句,有期望,所以有失望!

行漫畫展前來這裏食飯，見到價錢以為份量會很大，但是‧‧‧凍檸茶、凍奶茶太多冰，份量超少。餐肉、腸公仔麵，份量少不特止，麵又太淋，餐肉和腸都煎不夠時間。肉醬公子麵，味道可以，但份量太少，個男仔朋友三、四啖便吃完了。咖喱牛腩飯，只有辣味沒有咖喱味，牛腩不夠淋，一樣份量很少。豬扒湯通粉，通粉不好吃，個湯太淡，豬扒只有一片細細片的，不抵食。蓮子紅豆冰，蓮子紅豆都很少而且不好吃，硬實實的，花奶味很淡，冰很多。全場最不抵食的是──乾抄牛肉，不單等了很久，而且超級細碟，令價錢顯得超級不合理，而且只有一、兩件牛肉，抄得亦很油膩，味道雖不致難食但亦不太好。服務方面亦不太好，要叫很多次才有人應，乾抄牛河、紅豆冰又要催很多次才有。單就環境來說，是個適合坐低談天的好地方，衛生亦是上佳。

行完書展好肚餓...又懶唔想行咁遠所以黎左呢間食個晚餐....可能太夜(十點幾) ...冇乜胃口....所以只係食左個沙爹牛肉通粉...D牛肉望落幾吸引.....味道都OK...但係D 通粉就唔掂....淡茂茂.....食左一半已經唔想食....呢間野唯一可取之處就係地方闊落....檯與檯之間勁多空間....而且待應們都算有禮.....之但係....如果唔係D乜展物展....我又冇幾何黎呢度呢????

以前去會展睇展覽或聽CONCERT都唔知去邊度食嘢醫肚這間茶餐廳是不錯的選擇價錢及食物味道尚可起碼唔使次次走到老遠去食嘢大家如果經過開不妨去試下

以前呢個位係一間有海景的咖啡座，亦做過價格相宜的早午晚自助餐，想不到而家竟搖身一變成了一間茶餐廳！坦白講茶餐廳還是留在街頭巷尾好D，入侵酒店範圍好似唔係咁適合。上星期在會展幫個客做display，來這裡試了一次。裝修得花喱花碌，令人有點眼花撩亂，不知是何方高手的設計，同四周環境是有點格格不入。食物又真係茶餐廳水準、茶餐廳價錢，要了牛腩麵同熱奶茶，份量不太多，味道算係咁，不能同傳統茶檔相比又不是太差，至少有翠華的水準。侍應態度不錯，幾好招呼。但可能新張不久，要時間熟習一下運作。埋單四十幾，以地點來說算唔太貴，話到尾都係酒店同會展的範圍，地方企理又乾淨D。