港澳義順牛奶公司

营业中

休息中

上次經過見到一碗碗燉奶已經好想食今次食完晚飯口痕就去食返碗🤤成日覺得佢同澳洲牛奶公司好相似除咗燉奶，仲有各類型嘅鮮奶製品，亦有鹹食三文治同通粉／麵▶️ 馳名雙皮燉奶 ($40)當然要叫返個最經典嘅燉奶款可選凍或熱，個人覺得凍食正啲❄️最鍾意係面層嗰塊皮，好似腐皮咁薄但有質感第一口已經品嚐到牛奶濃郁嘅味道🥛香過飲鮮奶偏甜咗少少🤏🏻不過勝在唔會好假或覺得佢加咗好多糖，反而似牛奶本身天然乳糖味道布甸少少動L，唔可以話非常順滑細膩，可能因為偏水身，但唔會太稀如果鍾意creamy啲、杰身啲嘅布甸，呢個未必好啱你-欣賞佢雙皮奶牛奶味香濃🍼質感未必最好食最滑，但我覺得可以接受依家仲有其他款式味道，本身都有啲興趣試吓香滑咖啡燉奶 (不過驚伏🙈)服務還可以，姐姐做嘢快手啲急啲，態度唔差嘅環境擠迫少少，八點幾九點都仲好多人，全場滿座之餘要等位要同人搭枱都係正常嘅，最多食完即走人💨然而價錢貴咗啲，每年加$1，變到依家嘅$40/碗 (印象中係$36/碗)食完幾開心嘅，尋找返童年回憶味道👅

一班朋友食完搵個地方食糖品，門外泊車方便一行5人叫咗👇$40/起，除咗甜品，仲有三文治等食物馳名雙皮燉奶凍/熱馳名雙皮奶芒果鮮奶紅豆雙皮奶順滑重奶香，仍然keep到水準

已經醒唔起這店，因為感覺似是一間遊客專用的食店，但朋友强烈要求要食燉奶我才記起這店。等了幾分鐘就有位，看來真的貨如輪轉！門口及收銀處有大大張告示講明只收現金和八達通，應該是提醒內地遊客不能用微信支付戓支付寶吧🤣久違的冰糖燉蛋，香滑。朋友終於吃到的燉奶，有香濃的奶味。朋友還笑說要把匙羹放在上面而不下沉才算是好東西！食物的水準無變，唯獨是價錢大變！變得很貴！$32一碗甜品！想必是小紅書之類有很多介紹吧，發現店內大部份的顧客都㫕說普通話，攍到我們反而住在香港卻很少幫襯，感覺有點怪。

等朋友得閒無聊，見好耐冇食雙皮奶入去整返碗招牌雙皮奶先，一個人搵位容易啲，多數係旅客嚟食頭先搜尋先發覺原來已經得返一間分店，其實佢嘅雙皮奶幾好食，自己喺屋企整唔容易，佢哋整得好滑，入口溶化

（1）座位安排入座之前，侍應就要求我們一行三個人坐同一排。當時店內座位只有三、四成滿，門外亦無其他客人排隊。三個人，加上兩個書包，坐姿極其擁擠，進食前已心情全無。服務就不必敘述。（2）食物質素餐點：兩份雙皮奶（冷熱各一），一份咖啡雙皮奶（冷）熱雙皮奶味道尚可，底部較為稀薄。咖啡雙皮奶質地非常稀薄，瓶內可見未完全凝固的咖啡液體。奶味完全被咖啡味掩蓋，是否新鮮製作也無從考究。極其量進食了半份，已不想再食。（3）價錢$40-$41一份，只有小小一碗，質素更不敢苟同，只可說不會再光顧。（4）整體評價食物：普通 到 差價錢：差服務：極差

義順本來係佐敦有分店作為九龍人既我本來可以好方便食到但之前再去既時候先發現九龍分店已經冇做而家得返港島呢間星期六日都唔洗點排隊冬天時間食個熱既燉奶加埋煮到錦爛既紅豆成個配搭真係冇得輸燉奶既香味好夠 有淡淡既奶香又唔會非常甜同行搭枱都有好多遊客黎食相信應該都係遊客間既名店係港島幾十蚊食到一個暖笠笠既甜品都唔算貴架la 我自己會推薦加埋紅豆食落既層次多d 見到其他人徐左叫甜品都會食佢地既炒蛋多士果d 下次再試

天氣咁凍就同同事講好想食薑汁撞奶， 我個好同事特登走去買俾我食， 平時經過見到呢間嘢都好多人， 但係我又唔係覺得佢特別好食其實都幾普通， 你而且薑味都唔太夠😉可能其他嘢會好食啲掛見到好多人食燉蛋同雙皮奶

剛剛在銅鑼灣波斯富街食完烤魚，飽飽地便行一陣銅鑼灣。一路行，一路都系一列嘅食肆，結果我哋見到一間義順牛奶，我哋好耐都冇食燉奶，便要入去食返個甜品。老公柯打咗一個熱薑汁撞奶，賣相都幾靚新鮮滾熱辣，但是薑味唔夠濃郁，奶味太甜。我當然柯打了我最愛嘅木瓜鮮奶，果然寶刀未老，依然咁好飲，無論木瓜和奶，味道濃郁又香滑，甜度適中，正。舖頭唔算大，但都坐滿曬人，冇諗到原來淨返銅鑼灣一間舖頭，九龍區就冇曬，果然生意難撈。

前幾日食完飯想食甜品，諗返起中學時候成日都食雙皮奶，於是揸車去附近食。入到店舖明明都有幾多空位，但係姨姨叫我哋坐喺兩對情侶嘅中間，唔係好明白呢個做法🤔我哋都有提出想坐其他位置，例如店入面有2張比較隱蔽嘅四人枱，但被拒絕。我哋見到之後入嚟嘅客人都被拒絕坐個到。聽店員姨姨喺度傾偈既講法就係個張枱係唔會比其他人坐，除非店舖真係冇位剩，因為萬一有明星嚟食嘅時候就係要坐嗰度😐好彩左邊嘅食客食完好快就走咗，所以我哋先可以坐得鬆動啲🫠服務就冇㗎啦，食物水平同價錢更加係無話可說。雙皮奶奶味唔重，好淡，仲要份量好細份。$40一碗，對我地來講唔會再食下一次。可能因為出名，客人不斷，所以冇服務冇味道，咁呢個價錢食回憶大家可以自行考慮吓抵唔抵啦

就咁 41 蚊先得呢碗咁樣嘅朱古力奶凍，我都整到啦，完全係智商稅。望落咁大碗，頂到盡賣廿幾蚊就差唔多。我原本想哎出面白色一支支嘢，點知只係一支細細地反而賣 29 蚊嘅鮮奶，喺 7 仔賣嗰 d 維記鮮奶仲抵過佢啦，完全係搶錢，早執早著。

小妹近日去完澳門見義順牛奶公司，去開銅鑼灣即時諗去佢🫣雖然呢間餐廳🍴排隊嘅人好多， 但因為大家食野速度好快，所以好快就有座位可以入去食❣️ 呢間餐廳🍴沒有裝璜華麗既佈置，而職員亦沒有好既招呼，但勝在甜品美味😋可選擇凍凍的/熱辣辣的😍冰花燉雞蛋小妹當然要食冰花燉雞蛋🍽️啦～不過天氣很寒冷🥶所以比較喜愛食熱燉蛋🤭 整碗有不同口感及層次，雞蛋超級香濃，入口好順滑，很易一口接一口就將呢碗食哂🤤 一點都唔會想浪費😼呢間餐廳職員態度雖然一般🫣但有新鮮熱辣既茶餐廳美食，亦有港澳馳名既香濃幼滑的燉蛋及燉奶，絕對要再次光臨😎

叫左一個熱的雙皮燉奶，味道非常濃郁，個層皮真係不得了，以味道來講應該都係香港第一味道嚟講，我覺得有9/10暫時未食過其他餐廳嘅燉奶有呢種質素可惜餐廳員工禮貌非常麻麻，感覺好冇耐性唔優做嘅感覺，而且坐嘅環境都唔係特別舒服，100%需要同其他人搭枱，感覺15分鐘就想趕你走，一食完1秒都冇得再坐嘅感覺….不適合想傾偈的人士進來不過如果你單純想追求味道或者外賣，我覺得呢間餐廳絕對可以值得考慮，同朋友或者女朋友就要慎重考慮

義順曾幾何時係香港坐擁好多分店，門口仲會充滿排隊長長既人龍，今次去到唔洗等位直入，鋪頭裝潢十年如一咁陳舊，座位狹窄迫迫夾夾，姐姐態度一如以往咁麻麻，可能係店家希望客人快快食完走，唔好久坐阻住做生意🤫🍼馳名雙皮燉奶同朋友仔嗌左一凍一熱，兩碗都大失水準。先講熱個碗，表面有一層薄薄既奶衣，做到雙皮奶既基本要求。奶味偏淡，甜度非常高，似係用巨量既砂糖蓋過牛奶不足既問題🙈亦唔滑溜偏水狀，食到底更有好多水。至於凍食好嚡口唔軟綿綿，味道亦係一樣太甜，以呢個定價呢個質素真係唔值🥲仲要用即棄膠匙羹，食個陣口感唔好又唔環保！📍港澳義順牛奶公司銅鑼灣駱克道506號地鋪

Steamed Milk (Cold) • Ginger Steamed Milk (Cold) • Chocolate Steamed Milk (Cold Only)Can't never go wrong with the original steamed milk! The milk pudding is smooth, silky, and not too sweet.Could definitely taste the chocolate in the chocolate steamed milk pudding. Lid loves this one and the original.For those who like 豆腐花 (tofu pudding), the ginger steamed milk taste just like this but, without tofu. 😆Overall we enjoyed all 3 variants!

每次喺附近剪完頭髮, 都想輕輕鬆鬆食啲小食(因為整頭髮真係要坐太耐..)呢間餐廳唔經唔覺開左咁耐, 食物餐牌不變,唯一變得最明顯就係個價錢😂燉奶係正常水準, 鮮奶咖啡香滑濃味,奶感厚實, 最鍾意就係個牛油咖央多!!😚烘得剛好!(雖然睇相好似好深色咁😂) 咬落去又香又脆, 但又唔會刮到個口~雖然可能好普通, 感覺好似成個香港茶記都做到咁, 但硬係覺得特別好食😂舖頭嘅姨姨感覺都做慣做熟, 大家都輕輕鬆鬆, 食個下午茶都食得特別自在~就算最近遊客多左都好, 只要唔駛排隊,我應該都會每次剪完頭髮就食呢間餐廳😼