影片
突然间想食上海嘢, 又谂起杂志介绍过呢度有间叫"周妈妈"嘅上海菜馆. 嚟到先发觉, 原来已经变咗做呢间港沪周妈妈小馆啦. 既然嚟到, 又见餐牌上都有上海嘢食, 就入去一试啦.从个餐牌嚟睇, 大部份都系上海嘢食, 好似d上海菜好专业咁, 但店内墙上就贴咗好多茶餐厅嘢食牌, 搞到两头唔到岸咁, 几"骑呢"!最终叫咗云吞, 上海面和年糕. 无一样整得出色wo, 最feel到就系好茶餐厅出品 - 求其, 得𠮶样. 唔系难食嘅, 只系味道唔可以讲得上好味lor. size都唔算太大碗.唔知系咪啱啱接手, 运作几混乱, 出菜又慢, 服务就尚算可以.
继续阅读
食记 (2)
今日本身谂住去BC 睇戏, 又谂起好耐之前杂志介绍过骏发花园有间<<周妈妈小馆>>, 好有住家饭FEEL, 所以就同男友去试下, 中午时份(一点钟左右), 入到店内, 得两台客, 心谂, 可能系母亲节, D 人都去晒饮茶或者留番夜晚果餐, 所以无乜人出街食, 一坐低, 就有一个"以为"几有礼貌的中年男侍应送上两杯茶, 后来我地点左盐水鸭, 小笼包, 排骨担担面, 拍黄瓜, 上海菜肉云吞, 之后男友见到是日例汤是他心爱的"花生眉豆鸡脚汤", 就问那位"以为"很好礼貌的中年男侍应, "例汤有无得散叫, 散叫几钱", 那位男侍应问 : 要几多碗?两碗? 男友答 : 是. 那男侍应二话不说, 端出两碗例汤给我们但又无响单上加钱, 我们心谂 : 几好㖞, 送俾我地饮, 到后来, 所叫的食物送到, 坦白讲, 盐水鸭一般, 担担面太"淋"而且并不足料, 不如坊间有花生碎之配料, 上海菜肉云吞及拍黄瓜也是一般, 最差是小笼包, 皮厚兼且没有肉汁, 还以为是昨晚卖剩的, 食物一般都算吧, 为何我会说服务奇差呢? 好戏在后头, 话说我和男友最后点了冻豆浆和冻奶茶, 豆浆还可以, 但我所点的冻奶茶竟变了冻咖啡(因为我的肠胃对咖啡有敏感, 饮左会胃痛), 初时我以为系自己搅错, 我叫男友试一试, 他都认为是咖啡, 于是我们便跟那位"以为"几有礼貌的中年男侍应说我们点了冻奶茶但变了冻咖啡, 他二话不说竟拿走我的冻饮然后大大声跟厨房阿姐(只有一块透明玻璃窗隔住)说了以下对话 :男侍应 : 喂, 红色果个壸入面系咩黎? 阿姐 : 茶啰.男侍应续问 : 咁下面果个呢 ?阿姐 : 都系茶啰, 咩事呀? 男侍应 : (大大声)无, 佢话系咖啡黎架㖞....阿姐 : 系咩? 唔会嘛...男侍应 : 系啰呵....呢个时候我真系忍受唔到我就出声同佢讲 : 唔信你可以试下架, 我地两个都试左都觉得系咖啡啰, 一系你地试下....跟住就有一个平头装身型略胖O既男侍应话 : 算啦, 再冲过啦, 可能搅乱左啫然后那个身型略胖O既男侍应走过黎同我地讲 : 唔好意思呀, 可能系搅乱左D 壸, 阵间冲过杯俾你吖, 真系唔好意思...之后我地条气都顺D 讲番唔该, 如果唔系呢个身型略胖O既男侍应连番道歉, 可能我地都会取消杯冻奶茶, 我心里不快系因为我地系客人, 自问都唔系净饮(埋单都成HK$125.00), 亦唔系故意挑剔, 只系你地真系黎错左野, 不单止无道歉, 仲要响客人面前大大声质疑客人, 好似俾说话我地听咁, 而且我真系觉得我无需要同你解释我身体状况点解唔饮得冻咖啡, 总之你地黎错左野就应该换番俾我啦, 我唔明点解我地俾钱黎受埋呢D 气啰, 我想响呢度同果个男侍应讲, 你当住我地面大大声同个阿姐讲: "佢话系咖啡黎㖞", 你想我地有咩反应, 唔通要我同你讲 : 唔好意思呀, 可能系我味觉有问题啦, 都系你地啱, 俾番杯野我啦" 咁呀, 所以我谂呢间野我系一定唔会再去第二次!!!P.S. 上到黎先知原来<<周妈妈小厨>>已结业, 咁唔知而家呢间野仲同周妈妈有无关系架呢? 如果无, 就唔该你地唔好再用人地个名啦, 做到臭晒.....
继续阅读