港式茶餐廳 (已結業)

昨天晚上, 偕同友人, 欲祭五臟;路經此店, 觀其店面, 光猛明亮;天色已晚, 無謂磋跎, 故步入之;誤上賊船, 千古英名, 一夕喪矣.鋪面裝璜雖新, 然而疏於清理, 煙頭紙巾遍地; 雖名為茶餐廳, 但亦位處京畿, 何忍不堪如斯?是夜晚飯, 粗茶淡飯矣, 五臟得之雖少, 心頭卻為氣結.1. 有一小廝, 姑稱"小廝甲", 此廝態度惡劣. 友人點菜未幾, 未待本人開口, 幾已轉身離去, 帳單揉成一團, 茶具擲檯有聲. 2. 欲叫小廝奉上食具, 舉手數次, 不得要領.店內小廝雖多, 然而東溜西跑, 無所事事. 3. 店面位處京畿要塞, 茶酒飯菜, 索金婓然, 人之常情也,然而服務及食物質素不值焉. 4. 我倆氣結, 食不下嚥, 唯有了結帳單, 友人遺下蛋糕乙包, 一小廝道: "哥仔係唔係漏左野?"正當回頭, 小廝甲一手抓著蛋糕. 大力質向吾手, 有如接力跑交棒般, 目露兇光... 為何矣哉?吾曾得罪其高堂乎? 吾曾輕薄其娘親乎? 為小廝者, 工作辛苦, 得卻錙銖, 情可憐憫;然此店眾, 遷怒客官, 客官惘然, 情可以堪?誤上賊船, 深感足戒, 再光顧乎? 恕難從命.基本上, ECHO 網

從外表看, 環境好似唔錯, 坐入去, 望真D, 有好多地方都好污穢不堪, 正是金玉其外, 敗絮其中, 廚房的後生仔好似做part-time 咁, 樓面的人,唉.. 個個都係到扮忙, 見到你舉手, 就馬上過來, 但order了一份餐就行開左, 不會repeat 你所order 的東西就無聲無色走開, 完全沒有笑容, 個個都苦口苦臉, D 食物完全唔得, 又貴, 我以後都唔會再去...

食物水準一般,但可接受;衛生情況勁差,成間野都係d 蚊滋飛飛下,仲要係整極都唔走0個隻,攪到我同我女朋友要快快食完走人,估唔到外表光鮮,內裡係咁污穢...以後都唔會再幫襯!

昨天工作至太晚和老闆到這吃宵夜，有空房郤不給我們坐，後來又有一班人來，看來是認識的，他的的餐茶都不同形狀。食物不錯，很大碟，只是貴了一點而已。

今日叫左個$56法式烤春鐵板套餐，有凱撒沙律、餐湯、烤春、厚牛油多士同埋餐飲。勢估唔到最先拎埋黎既竟然係應該最後至上既餐飲，跟住凱撒沙律、餐湯同埋厚牛油多士就差唔多同一時間拎晒埋黎！嘩！霎時間一桌都係，都唔知食得邊樣先……個餐湯話就話係蜆肉紅豆湯，但拎到埋黎果陣，唔好話蜆肉丫，就連紅豆都無粒呀，真係好搵笨！好在凱撒沙律都幾好味，牛油多士又幾好食，外面脆，裡面軟，呢兩樣係比較可取既食物。烤春終於上桌，但佢地既鐵板側邊有條柱架，柱上面有個，住隻，侍應埋黎解隻落黎同淋汁落塊鐵板度，好似好得意咁，但到食既時候就知唔方便，因為條柱同個阻住晒，成日會碰到…..味道方面，隻有Ｄ鹹，薯蓉整得唔夠黏。到食晒主菜之後，杯餐飲就攤到涷晒….總括黎講，麻麻地，呢個價錢，唔值！

遊行完, 又累又熱, 即刻o係依度充電~ 一行六人, 俾o左間圓形玻璃房我o地坐, 好正~ 但朋友話有"True Man Show"o既感覺~ hahaha! 以茶記計, 依度有4分!!朋友大力推薦豬軟骨撈丁, 本來set就$30, 點知今日無set, 唯有散叫, $29~ 豬軟骨好稔好入味, 但個汁係鹵水汁, 朋友話翠華(CWB燕萍隔離o個間)用o個種少少酸甜o既汁好食d, 有少少似京都骨o既汁~不過凍奶茶唔夠滑~

呢度裝修得幾靚~~同一般荼餐廳有d唔同~~原來唔駛自己走埋去等枱,唔駛自己出去叫野食~佢將快餐店同茶餐廳mix左~搞到變左大鄉里~~~>_<佢d野好好食~個賣相仲好靚tim...不過就貴左d~~個脆麻花好好食~~又好靚~~~有d唔捨得食tim~~

呢度同翠華格局好似,都係選擇多多又貴價少少既茶記,但個人覺得呢度啲位冇翠華咁逼,比較好坐有晚同男友黎左食飯, 佢叫左個唔知咩蟹肉蛋白炒飯同凍華田,我就要左碗墨丸米同凍奶茶. 個炒飯先黎,個樣好似福建炒飯,所以細細碟都盛為$48,男仔可能唔夠食. 我碗米粉聲稱用魚湯,ok啦都幾清,但佢啲米粉唔好味,最好都食唔晒,早知食米線好過.反而墨丸細細粒但好重墨魚味,唔係一團粉,都幾好. 野飲都係一般水準,不過好鬼大杯,飲完飽到上心口. 埋單$97,果然係貴價茶記消費.

聽講話呢度d野好食,咁咪同個friend黎試下囉,點知都只係一般ja,但係d手打魚蛋就幾好味,魚蛋夠味又夠彈牙,亦唔會有腥味~~但係價錢都幾貴,地方都幾大,環境就一般啦,服務態度就唔算好,亦都唔係厷差,不過d手打魚蛋就真係值得一試!!

食過佢0既魚湯豆苗米線,我覺得都几ok,好似廿几蚊碗,但好大碗,個湯都好甜,同几濃.而且d豆苗都几新鮮,唔會煮到黃哂,個米線就份量好多,同几彈牙,我個人覺得都食得過囉~

星期六又要通頂，開工到星期日至走得。六點九在中環區搵食都唔係咁易，上星期食過魚湯米線，路經此處見佢有個歐陸早餐，睇個樣幾豐富，就幫襯了。係巨腸拼奄列同迷你菠蘿包，巨腸真係好巨，有一尺咁長，幾壯觀！菠蘿包雖迷你，但打孖上亦是熱的，同火腿奄列一齊食幾正。連熱咖啡一杯埋單22蚊，唔平但好豐富，食飽返屋企瞓覺都米話唔正！

佢D 雞尾包好好味, 夠熱夠新鮮又軟又多料, <br />不過比一般麵包店貴, 成$4一個, 但我覺得物有所值<br />

果沾豬仔包，雖然買10蚊雞，不過又大個又好食。海鮮烏冬30蚊一碗，勁多料，有青口、班塊、蝦仁、魷魚淨食餸都飽啦。

港式茶餐廳的價錢雖然比一般茶餐廳略貴, 但食物質數真的不錯, 我去過幾次, 所點的食物全部都很有水準。多士是厚身的, 外香內軟非常美味, 一定要試。試過他們的夏門炒米, 酸酸的抄得很醒胃可口。日式又燒湯烏冬, 湯底的雞味很香, 我吃過兩次。咖哩雞飯, 用的是紅洋蔥, 令咖哩汁更香甜, 一試難忘。日式綠茶雪糕紅豆冰則略為甜一點。奶茶一般水準。

在In-X 出來，成班友諗住殺上Soho 再飲過，行過呢度見佢新推出的魚湯系列食品，心血來潮又入來試試。<br />可能見人有我有，而家好多度地方都有魚湯野供應，仲記得第一次是在鴻星吃其魚湯米線，是相當有水準的。這裡的魚湯味精唔多，略咸，麻麻地咁啦。廿零三十蚊都唔係好貴，不過似乎叫碗豬軟骨米線會好食D。