溫泉蛋 (已結業)

因為疫情，同埋放假係屋企唔想出街都會叫外賣。今次外賣叫咗一個香辣蒜香白酒花甲炒意粉同埋黑松露雜菌忌廉意粉。首先，個分量係食完之後仲係覺得肚空空唔太飽。黑松露意粉嗰個味道都唔錯，係有一浸芝士味，雖然好多人都鍾意食芝士，但係唔鍾意嘅人就真係好唔鍾意，個名度都冇寫會有芝士，叫完之後都有啲失望。另外，香辣蒜香白酒花甲炒意粉首先就唔香辣啦，蒜香都麻麻哋啦，其實就係擺幾舊蒜頭落去，成個意粉冇乜味好淡，所以鍾意食濃味嘅人呢個都唔係一個好嘅選擇，除非你加啲鹽落去啦。最後，呢間舖頭又唔係話唔好食，不過平平無奇。

真心超讚：朋友讚不住口，一班朋友專登開車黎試菜！！就睇吓你有幾好食…前菜「醒為番茄片」味道調校啱啱好，加上番茄新鮮，清新嘅感覺讚不絕口！「牛油果田園沙律配意大利黑醋汁」沙律菜日日新鮮運動，意大利黑醋汁酸度剛剛好😙啱晒我呢啲揀飲擇食嘅人….「汁煮磯燒帆立貝」一向感覺不討好的帆立貝，抱住就試吓你，出奇地鮮味清甜👍🏻「美國Prime西冷牛扒（約6.5oz）」我唔食牛，但朋友讚不住口，溫馨提示大家：石燒時間要恰到好處唔好過龍🤣至愛「法式香草煎羊架」不會太「羊蘇味」嫩、juicy、食完仲想食，喜歡食Juice嘅羊肉嘅朋友一定要食！😍

有次經過比佢個門口紫色招牌吸引住，因為我哋都好鐘意紫色，就膽粗粗就入去試吓，須然地方細啲，都坐得幾舒服，我哋叫咗個M3和牛一成熟，自己再煎一下剛剛好變6成熟，叫咗個帶子蘆筍飯，抹茶芝士温泉蛋雞扒烏冬，炸蠔同魷魚鬚。兩個女都話好食，要下次再嚟食。

今晚同太座第二次幫襯呢間小店，叫咗羊架同香辣海鮮意粉!羊架一客有三大件，有紫薯蓉配菜，賣相及味道非常有水準!百零蚊好抵食!碟意粉賣68元!賣相同味道都好正!性價比超高!小店服務態度親切!值得向大家推介!👍👍第一次寫食評!但係返屋企先寫!食嗰陣時手機食先!返到屋企PO唔到相!

上星期路過，即管試一試點知有驚喜，價錢合理，水準高，會再去幫襯必食羊架連5多食羊嗰個都話好味，卡邦尼意粉好好味，雞泡魚乾，魷魚穌必食加埋泰啤不得了，揾日試理佢都ge 下午茶都非常吸引😍😍1

今晚路過這間餐廳，看似新張不久，面積雖小但環境整潔，便入内試試。我們點了主食澳洲M3和牛肉眼扒（石板上）、法式香草煎羊架和帶子露筍忌廉意大利飯，小食就點了汁煮磯燒帆立貝。但因小食太香了，還未拍照已閃電式全被吃掉😛😋！跟著的主食係出乎意料的超水準，我要的M3和牛是3成熟，放在石板上吱吱聲地送到面前，慢慢享受嫩滑嘅上盛牛肉是一大享受✌🏼✌🏼。羊架是3大件，記住係三大件，唔係其他餐廳的三小件，配薯菜，羊架超juicy, 除此之外，一般嘅薯菜係用椰菜薯角紅蘿蔔之類，但這𥚃是配紫薯蓉、露筍和意大利翠玉瓜，高了一檔🤩。意大利飯軟硬度適中，creamy,帶子鮮甜👍。鑒於堂食非常滿意，忍唔住買多個外賣燒雞扒溫泉蛋珍珠飯用作明天午餐😜，溫泉蛋是原隻獨立包裝，回家後已忍不住食掉了溫泉蛋🥚😛，好味😋。下次去會試吓其他食物，看看有什麼驚喜😁

見新開就走去試吓，估唔到有驚喜🤩🤩試咗2款石板燒牛扒，美國西冷及澳洲M3和牛，兩款都好正，老闆仲好細心，見小朋友食驚石板太熱，主動問要唔要轉碟上😘仲試咗意粉，小食，牛油果沙律，梗係要試埋招牌菜”溫泉蛋"啦😋，佢地係用日本蛋架，全部都好好食，睇得出廚師哥哥好用心煮，老闆又好有禮貌😄😄，下次要再試埋其他食物😊

疫情關係，少咗出街食，經朋友力推.專登去試下，去到地方好細，得幾張枱.本來都冇大奢望，點知有超級驚喜，已忘記有幾多年未吃過這麼滿意的羊架.連薯菜也不是一般的是但薯條，是紫薯蓉加意青瓜，朋友叫的石版牛扒也是一大驚喜的美味.但最驚喜是一級食物竟然是街坊價錢，這是我第一次寫的食評，因為實在太好食太值得推介了，忍不住寫下給各位推介

好耐冇去過大圍嗰邊，早兩日去完就見到有一間新開嘅餐廳🤔反正去返火車站附近都唔知食乜就不如試試佢😎地方唔算大但係新開就比較企理又乾淨👌🏻叫咗個卡邦尼意粉🍝同埋一個炸雞咖喱飯🍛,個意粉有驚喜！講出唔會太流但又唔會太乾😍仲好香忌廉味😍😍拍得住尖沙咀嘅西餐廳味道🤩咖喱飯個汁睇落有啲清,但味道都唔錯,同埋佢係用珍珠米😋炸雞唔會太乾仲好Juice😋最緊要係價錢合理又好食🤩🤩喺大圍站距離8~10分鐘路程到,又唔算遠😋

今日同朋友聚餐去左呢間叫「溫泉蛋」既餐廳。位於沙田上徑口村52A，由顯徑站行大約3分鐘左右，地理位置優越。店舖係用紫色為主。地方偏小，裏面有3張枱而門口外面就有2張枱。一行入店舖，我地就聞到勁香既牛肉味🤩，搞到我地勁肚餓。然後，我地見到隔離兩台都點左石板燒牛扒，香味撲鼻真係好吸引。跟住我地每人一份勁香既石板燒牛扒、意大利飯😋、小食等。首先，石板燒牛扒😍，我叫左3成熟，一上枱就見到牛扒2邊微微煎香，中間仲係粉嫩既牛肉，真係好香好重既牛肉味。正👍🏻👍🏻👍🏻然後，帶子露筍忌廉意大利飯，意大利飯軟硬適中，濃濃嘅忌廉同飯融為一體，再加上帶子同露筍，好食😋最後，我地仲另外叫左啲小食，但係有啲小食冇影到，因為黎得好快，我地又好肚餓，所以未影就已經清盤😂😂😂總之，真係每一樣都好好食😋，完全唔洗擔心會中伏，下次會再黎試其他菜🥰