影片
去左呢间马鞍山恒安邨商场3楼鱼米之乡饮茶，服务一般，我觉得因为人手唔够，环境一般可能太旧，食物质素还可以，我钟意呢到嘅肠粉，佢嘅肠粉啲皮都好滑漏好好味，其他野食就都可以，唔系太差，正正常常。
继续阅读
若行经附近，可以来试试！晚市小炒够镬气，来料加工约$80-110款，服务街坊多年，富人情味，晚市平均每人$200，又有镬气又食得自在。屋邨酒家，环境不过不失，装修可以的，冷气足够，枱与枱空间充足，食饭环境算是舒适。门外有小空地，外望一片天空，亦可呼吸新鲜空气，是一大特色！街坊生意，基本上早午晚都有一大堆人，由早午的茶市，到晚上小菜，加上外卖加𩠌，都是呼吸著人间气息。员工服务方面，用人不多，一个侍应照顾6-8枱客，不能要求太多。预街坊小店的水平来试试，都应会令人喜出望外！
继续阅读
真心食物质素不过不失，其实呢样都算，屋村酒家你想点。但最兴今晚临埋单前我老父只系问了一句点解啤酒会贵左，突然个收银仔(后生)发难而带点激动「你食咩𩠌呀 !」「我问你食咩𩠌呀 !」其实系我地睇漏左跟某些菜啤酒系平啲, 点某些菜系会跟返原价，但今晚父亲节我地都系简单问佢一句就即场黎料，话哂都系你个客简单解释返原因唔得!? 记得年半前食过佢伙记都系咁上下态度，黎左个𩠌但个白饭等左好耐未到就问佢伙记，又系黎料话白饭梗系等𩠌上齐先比你啦，其实都上左个𩠌比个白饭我都好合理啫。呢间嘢特别见你得两三丁友食饭，见你好恰，问多两句发发老脾。间野咁多年系条村开咁耐, 大家街坊街里做街坊生意但系半点人情味都无。真系当你乞衣, 执左咁多间有原因。
继续阅读
姨丈生日，我们做后辈的，当然要约埋几个老表，一齐过去马鞍山跟他庆祝一下啰！亚姨一家都是鱼米之乡的忠实Fans(因为他们过来较方便)，甚么节日，都是在这间庆祝，我都嚟过好多次，但第一次打食评。 今晚叫了炖鸡脚汤(鸡脚出油，汤面很油，但好饮的)，椒盐鲜鱿(粉浆唔够薄，唔够脆)，粉丝杂菜煲(ok的)，粟米班块(好味)，莲藕饼(好好食，叫了两碟)，虾伊面(麻麻地，唔吸引)，咕噜肉(我冇试，他们说好)，鱼香茄子(咸鱼味唔够，但𩠌饭唔错)，蒜豉蒸盘龙鳝(白鳝好肥美，超正)，红烧豆腐(味道ok), 总结: 街坊菜馆，不管白天饮茶点心或晚市小菜，整体都算不错，当然，毕竟是街坊聚脚地点，有些街坊与少部份侍应，会有独特本土粗口文化沟通方式，未必个个人都接受，坦白讲，如果唔系想陪吓老人家，我真的不会主动叫来的😂，但老人家开心，甚么都没所谓了。
继续阅读
用隐世酒家形容这间在恒安商场内隐蔽位的酒楼，是最合适的形容词。自问都经常出入呢到，但就真是一直都唔知有渔米之乡，一来位置唔显眼，二来商场外又冇水牌，所以今次都是朋友介绍带来，先知呢到有酒楼呢。店面不大，像一般茶餐厅的大小，整体我估可以坐20枱左右，主要都是做街坊生意，门外都有几枱，是俾吸烟朋友坐的。当晚我们有大有小，坐最近门口的店内位置，所以当门打开左，烟味就直扑我地了，所以当有人冇顺手关门，我地就要自己拉番好只门, 所以有点美中不足。周日晚上佢地都有供应3小菜套餐，$248未计加一及茶钱，包自选3个小菜及一个汤，未包白饭。小菜都大碟，不过今次中左伏既系, 唔知佢个七彩鱼柳，原来都系D甜甜酸酸味既小菜, 搞到我地又叫左咕噜肉，基本上两碟都是一样味的，有点奇怪。另点左个蒜香蒸开边娃娃菜，煮法好新鲜特别，不过成碟夹埋得三棵娃娃菜，就真系太少了。整体都OK，平常晚饭来讲, 一家4口都够食。
继续阅读