影片
今日路过长沙湾，见肚饿就近近地入左去这间餐厅，下午茶都有好多选择，点了南瓜排骨盅饭丶干炒叉烧河，跟餐加$5红豆冰，干炒叉烧河炒得几好，河粉唔会一旧旧，不过就唔系好有味，可能老抽落得少吧！南瓜排骨盅饭食食下啲饭有咖喱味，奇怪！红豆冰好大杯，虽然红豆唔够大大果种，但是都系好味。服务生服务一般。
继续阅读
今晚忽然想食盅饭, 结果黎到呢间食。其实开张时都试过几次, 但今晚起再冇呢个机会。首先友人叫左个常餐1101 , 系火腿煎蛋配瑞士鸡翼公仔面, 加杯冻柠茶。而我就叫左蜡肠蒸鸡饭。2分钟后我既饭到左, 味道都可以。10分钟后, 友人先黎左杯柠茶, 饮住等其他野食。 本身我都唔觉有咩问题。煎蛋火腿多士一到, 见到火腿系冇煮过, 友人话系冻冰冰既, 亦冇煎既㶶边, 冇热水烫过既收缩, 所以佢都唔敢再食。而煎蛋样似已隔夜炒蛋一样, 蛋面已经冇晒水份, 好似橙皮一样。多士就应该未见有问题。过多七分钟左右, 碟天使面都黎到, 瑞士汁冇味, 鸡翼冇入味, 好似水煮鸡翼咁, 至于天使面林晒, 仲痴住一旧旧咁, 所谓既瑞士汁完全冇味, 我试左一啖好似得老抽, 冇落生抽同冰糖一样。之后我试啖柠茶。 先知道柠檬唔新鲜, 茶冇茶味, 而且冻柠茶一点都唔冻。最后, 我食盅饭先, 真系最后一啖先食到盅有阵鱼腥味。成餐用左50元, 价钱已唔系衡量值唔值, 人地系俾钱黎食饭, 客人为咩要俾50元黎食你呢餐。我写呢篇文系想表达, 如果有心开一间餐厅, 点解唔用心煮好味既野俾客人食。 最后友人还要去左2次厕所及呕吐, 凭良知, 并唔系几十块元煮出呢类质素。
继续阅读
今日下午去了渔湾村买外卖,入去收银处叫了一个烧味饭,奇怪个收银无反应, 原来个收银系到睇紧电视,等了一会她先反问我要什么,我再次同佢讲要烧味饭,之后佢竟然将张单掉在枱上要我自己攞,找钱又系,真系一肚气,我都有比钱买的,还要受气,平时佢的态度都已经好差,今天真的令我很气愤,所以我要向深水埗区的街坊知道此餐廰的服务态度是怎样的
继续阅读
上次同7~8个朋友想去渔湾村食LUNCH...一入去都冇位,... 唯有系门口等下啦!!! 一直都冇人招呼我地...好似当我地隐形咁..等左好耐都冇人理我地... 我地行入去睇下有冇位...仲俾个男伙记话住阻佢... 感觉上佢地系唔识做生意~最终顶唔顺佢地既态度..去左第2间度食!
继续阅读
我承认我是贪小便宜的人，最初我是被门外海报上的13元西多士所吸引进去的。可是落单时阿姐又说今天暂停，其实我已留意海报上有一行细字写上星期六、日及公众假期暂停，但今天是星期五啊，这样子倒不如取消这个优惠啦。既然没有西多士的优惠，只好看看餐牌上有些什么，最后我选了猪扒饱。特色猪扒饱猪扒饱都等了一会才来，上枱时已切开为两件，内里除了猪扒外尚有蕃茄和生菜丝，为猪扒饱增添了清爽的感觉。面饱有烘焙过所以是暖暖的，而猪扒的味道就一般，但伴著沙律酱来吃也是不错的。平心而论猪扒饱的水准可以，可是总是有被骗进来的感觉，贪小便宜真是容易出事...
继续阅读