影片
以上资料只供参考，请与餐厅确认详情
放题最岩大胃嘅朋友，我就不嬲都自认大食XD，放题紧系岩晒我啦！！今次系第二次encore嘅一间尖沙咀放题叫渔屋！上次同朋友食，今次系食完好食推介俾家人。先讲刺身，我最爱嘅三文鱼都带子都很新鲜，其实吾系间间都有带子提供的，呢间又吾洗另外加钱就有带子食真正！另外我妈喜欢羊架，因为味道吾苏，而且惹味。其他的小食也满意，今次早到，所以食到限量嘅食物，例如烧三文鱼头，也好好食，但再嗌嘅时候已经冇晒了！建议大家早点去，先食到每日制量嘅美食丫！
继续阅读
团购$129+$75我同女朋友去食,迟到9:30先上到去今个月生日有个芝士蛋糕送不过蛋糕系结左冰个甜虾很大只好好味我食左20只以上希灵鱼散晒,唔新鲜吞拿鱼都系散晒,仲有根最钟意食个天妇罗送上黎全部都系热,好好食不过无罗白茸都差不多200$下次加多少少 食间好D侍应如果好声好气D 会更加好
继续阅读
上年系荃湾食过一次，印象中水准唔错。对尖沙咀呢间都几有期望，但始终有d落差。前排佢地搞团购优惠，人流十分多，虽然系星期五，拣左晏d个轮(8:30-11:30)，8:15左右去到都等左20-30分钟。一坐底，荼都未比，侍应已经讲定乜野乜野冇。第一辆例牌点刺身(有几款都话冇) 同海胆手卷，刺身卖相一般，但新鲜程度都可接受。比较中意既系佢地d挪威三文鱼同甜虾，鲜甜既。其他只系普普通通。海胆手卷就麻麻地，海胆有腥味！第二、三轮点左炸物、串烧同和食。炸物真系唔得！好多油同粉又唔热，似系一早炸定放系到。串烧都还可以，盐烧海虾最可取，大只得黎肉质鲜嫩。神户牛舌个人好几中意但朋友就认为硬得济。到和食，个清酒煮蚬，一来有d沙，二来味道好淡，冇酒味，食落真系似普通水煮蚬。总括黎讲，相比荃湾个间， 呢间整体真系麻麻地，不轮服务定食物质素。相信未必再黎。
继续阅读
突然谂番起呢间野,其实都二月尾果阵食架喇。事关就有个朋友生日, 佢男朋友拣左呢间野, 我地一行8个人, 个牌写住6个人就有一个人免费, 所以当然系生日果位朋友唔洗比啦。其实我觉得呢个做法几好，吸引多Ｄ客人嘛。不过想讲讲，唔知系我唔熟地方定点啦，我揾左呢间野好耐。。。兜黎兜去，终于见到！但我发现，佢地放系地下个牌，并冇写明系渔屋。。。所以我系咁揾入到去，见到都几多人，埸面都几旺。坐左一阵就有人过黎问「你地有冇人今个月生日？」原来，如果果个月生日嘅话，佢地会熄灯播歌，然后送一件仔嘅蛋糕架～都几窝心嘅。。。但系，朋友话，果件蛋糕好难食，我谂.......系因为送嘅，可能差Ｄ挂之后我地叫左好多野食，个鱼生盘，唔知点解佢地要加多个座黎放。。。但系我地坐紧嘅梳化又矮㖞，完全睇唔到Ｄ鱼生，好多余～所以我地叫佢地拎番走个座。Ｄ鱼生都几新鲜，系唔系几中意佢地Ｄ三文鱼有骨...不过都几厚嘅，另外其他都还可以。之后食熟食，见到佢地有日本小番薯，因为呢排Ｄ人好似好中意食，所以我地都叫左好多，但系呢...有Ｄ失望，因为我第一次唔系系呢度食个小番薯嘅，记忆中，佢系好甜好好食，但系。。。呢间Ｄ小番薯冇味，唔甜其实都唔紧要，但佢系冇味 仲有，想讲一讲佢个羊架，相信好多人都会食，因为唔系间间放题都有羊架食。一见到，哗。。。。。。。。。。。。。。。。。点解可以咁肥？好大旧脂肪，好认真，我以为静系我果旧系咁，跟住见到另一个朋友食，佢话食唔落，因为佢话全部都系脂肪咬唔落我地仲惊紧，佢地会唔会收我地食剩野嘅钱仲有仲有！个糖心蛋！千祈唔好比佢呃左！认真嘅，唔洗食，因为佢个糖心，绝对唔糖心～哈哈哈
继续阅读
见团购咁hit就揾左朋友陪我试．$129+$75服务费，佢分时段3小时，我地就8:30去，去到要系个商场到登记之后排队到8:15先比我地排队个d人行楼梯上去，一坐低就话冇北寄贝无咩无咩咁啦，但剔左第2次刺身又有北寄贝，之后佢话无个ｄ都有黎，好神奇好怀疑佢系咪记错左上一段5-8点个d野可能售罄，10点就放低张单问我地有无人生日，有就一件cheese cake会全场熄灯之后同2月份既人庆祝..咁讲食啦..刺身: 三文鱼 ，北寄贝 ，有头甜虾 ，带子 ，螺，玻璃虾普通寿司: 火灸三文鱼(卖相好靓，但油脂唔够唔太香)，火灸芝士虾(冇芝士味)，火灸比目鱼几香 ，火灸墨鱼（可以唔食），辣味三文鱼 ，鸟贝几好 卷物: 海胆冇黎，花之恋ok，其他（樱之恋，虾卷）我唔会再叫小食拼盘: 非一般既中华沙律(好粗未切)，八爪鱼同螺都ok炸物: 蚝（系蚝仔＋d粉唔熟)，带子同街市买既无分别 串烧: 牛舌 ，鸡翼冻+干搞到好硬，鸡软骨 天妇罗: 虾，蟹柳 锅: 牛肉锅 汤底几好，菜好甜(但有d烂)，无豆腐有d失望，牛肉好un..但整系食菜几好味小食: 铁板牛油栗米 :like 食左3板)，金菇牛肉卷 ，牛油带子(好味， 但冇牛油味） ，地狱炒蚬同清酒煮蚬都好食 （地狱炒蚬好多放题唔辣,呢间起码食到少少辣几惹味，清酒蚬比出面放题有清酒味，两者再选择会拣地狱炒蚬)，羊架(ok，冇特别）下次会再去3月12日朋友生日..
继续阅读