影片
河鲜、海鲜，小菜、煲仔饭 … 这家位于旺角新开张的渔家庄都可以满足你的要求，食肆门外设有多个鱼缸，淡水河鲜有顺德大头鱼、缩骨鱼、大草鲩、花锦鳝、珠江白鳝等等，另外亦有不少入口的海鲜，例如澳洲龙虾、南非大孔雀鲍、东星班、大花竹虾、海花螺等。此外，晚市推出每日一款特价菜式，只需$88；还有全日供应的优惠大闸蟹只需$28，及啤酒买2送2等优惠。大闸蟹（$28）大闸蟹原价$98，现在以优惠价$28就可以每人享用一只，全日供应。两只大闸蟹，一公一乸，公的膏软滑绵密，乸的膏则甘香味浓。酥炸鲮鱼球（$108）金黄酥脆的酥炸鲮鱼球，外层沾满脆炸的米粉，𥚃面是爽弹的鲮鱼肉，沾一点蚬蚧酱，咸香的味道令鲮鱼球的味道提升。田鸡黄鳝煲仔饭（$196）两种惹味的食材，田鸡和黄鳝共处一煲，田鸡肉甜又嫩滑，黄鳝爽口鲜甜，饭粒煑至粒粒分明，最后煲底金黄的饭焦当然是无得留低。啫啫鱼卜煲（$180）啫啫鱼卜煲不是很多地方可以吃得到，当煲盖揭起，啫啫的声音伴随热腾腾的蒸气，一条条像螺丝的鱼卜跟西芹散发出阵阵的香气，鱼卜口感烟靭得来又有点爽口，还带有丝丝鱼油的甘香。小食 （$10）StorefrontInteriorMenu
继续阅读
👧🏻同朋友喺行街后揾食，今次就拣咗食中菜！餐厅环境阔落，坐得舒服😌。另外餐厅近期仲有做紧大闸蟹Promotion，几抵食！🌟生煎藕饼一份8件既煎藕饼，用两片莲藕夹住酿鲮鱼肉。煎至金黄，莲藕爽脆厚薄适中，配埋酿鱼肉口感丰富。🌟香薯和牛粒薯仔牛柳粒🥔份量不少，薯仔粒外脆内绵软，牛柳粒腌得入味又够淋，冇咩筋粒，完全没有唔觉得韧。至于调味就几浓烈够惹味，捞饭一流！🌟浓汤鱼腐浸胜瓜胜瓜有先刨皮，又煮得够淋，入口软滑。鱼腐份量颇多，至于汤底都几鲜甜。🌟蒜蓉粉丝蒸大元贝元贝可能蒸得耐左少少🤏，所以Size比预期中细。不过蒜蓉粉丝调味适中，粉丝尽索精华，挽回不少分数。
继续阅读
今日五点几黎到旺角呢间渔家庄，见到好似未有人， 望真啲门口先知原来有落场时间,，要五点半先再开始营业，不过职员好好,，同我地讲可以入去坐下先，衬住未有客,，我顺便影下内部环境，睇落都好干净。之后陆续好多客人入黎，即刻变得好热闹。天麻猪展炖鱼头汤：眼见每枱客都点呢个汤, 可想而知有几受欢迎, 细份都好足料, 单单鸡脚已经有六只, 鱼头汤清澈透明，汤底鲜甜浓郁，融合了天麻和猪展的香气，极具滋补功效。鱼头肉质鲜嫩，入口即化，搭配汤汁的滋味更加突出，我地连汤渣食得一干二净。呢个汤炖煮得恰到好处，真系一道美味又有营养价值的汤品。家乡特色炆鹅：鹅肉鲜嫩多汁, 搭配浓郁的汤汁，散发出浓郁的香气。姜葱蒜芫茜等等香料融合鹅肉的风味，最惊喜系冬菇, 炆到非常之淋, 入口即溶, 成道菜口感丰富。汤汁浓稠，入味均衡，带有微微甜味, 好适合配饭, 值得一试。大闸蟹特价 $28 咋, 点可以唔试下, 不过真系要小心啲蟹钳蟹脚, 一拮到就见血, 大闸蟹size正常, 唔算好大只, 蟹肉肉质鲜甜，蟹黄丰富，口感滑嫩。绝对是令人回味无穷的美味享受。
继续阅读
旺角一向都好多野食，每次要谂食咩都觉得好困难🤣今次经过砵兰街就见到一间门面有好多鱼缸既餐厅，再望入面就觉得好有大牌档Feel！即刻醒起好多年都冇食过，就入左去了～餐厅应该系新开业既关系，环境干净企理，座位都好宽敝坐得好舒适👍🏻落单前先上花生🥜边食住花生边谂叫咩好﹐餐牌选择丰富，系选择困难症下既我地就拣左3款小菜+1碗白饭+2罐可乐。先上菜既系 啫啫芥兰猪爽肉煲 $136，一上菜已经闻到香喷喷，芥兰翠绿新鲜，口感爽脆不苦涩不油腻💯而猪爽肉即是猪颈肉，口感爽脆又弹牙，十分惹味🤤份量平均，唔会话太多菜／太多肉👍🏻香薯和牛粒 $180，和牛粒十分出色，肉质松软嫩滑，一啲都唔鞋，易咬且牛味浓郁兼有镬气😍而薯仔都唔输亏，外脆内松化，索晒啲汁超入味，送饭一流！重庆鸡煲(小辣) $198，用gas炉上边滚边食🤤食到最后都系热辣辣🔥鸡煲份量十足👍🏻而且鸡件肉质嫩滑又多汁，辣味浓郁，但不会过于刺激，令人越食越上瘾😋本身仲谂住2个人会食唔晒3道菜，点知食下食下就全部食晒😋呢间餐厅啲野食好味、服务周到、环境舒适，好适合一大班朋友黎聚会👍🏻而且餐厅都提供多种海鲜！钟意海鲜既朋友记得唔好错过喔！
继续阅读
旺角行过见新开，门口摆咗大大个水箱放晒新鲜生猛海鲜吸睛又有质素保证。餐厅全日免收茶芥另收加一，环境光猛企理，职员态度友善。🔸大闸蟹 $28做紧优惠堂食可以每人用优惠价$28追加一只非常抵食，size唔算话好大只但一样有爆膏，呢个价钱绝对收货。🔸蒜蓉粉丝蒸扇贝（4只）$88星期一至日都会有唔同特价菜式，是日星期五特价$88就食到4只原价$192嘅蒜蓉粉丝蒸扇贝，同样系非常抵食无得唔收货。🔸渔家庄小炒王 $138用咗韮菜、虾干、腰果、鱿鱼、带子片等材料炒丰富又够晒镬气，仲有啲脆卜卜嘅应该系猪油渣加埋一齐食更香口惹味。🔸秘制好味骨 $138用大煲上够晒热辣辣，每条骨都沾上浓浓酱汁好够味，感觉上味道有啲似带胡椒味嘅酸梅骨。🔸香薯和牛粒 $180够镬气，薯仔绵得嚟唔会有成口油感觉。
继续阅读