清真牛肉館 (龍崗道) (已結業)

十蚊一個牛肉餅,貴左一蚊再加外賣盒一蚊外賣兩個牛肉餅,總共廿一蚊阿姐話要等三個字,ok,0向門口等一邊等,一邊睇佢地貼0向玻璃0既報導睇哂,0岩0岩好牛肉餅到手天氣轉涼,著唔夠衫有D凍於是同女友即場食,保保溫先已經好小心咁食,但係都俾佢唔知邊度噴出黎0既汁辣一辣條(月利)雖然被辣,但仍然好開心唔算咸,但牛肉味都豐富!我拎住紙巾,女友拎住膠盒裝住食我地都已經盡量先將D牛肉汁吸落口先慢慢再食個包但食完之後我張紙巾濕左一大半,女友個盒都有D牛肉汁0向度牛肉汁真係多到瀉~非常好食0既牛肉餅!

此店的牛肉餅真的非常出色, 皮脆汁多, 非常回味。但除此之外, 其他食物都真係非常一般, 不值一試。因為名氣, 晚市坐無虛席, 八人枱迫十二人, 侍應夠哂串, 感覺極差建議外賣牛肉餅就算

上星期要去九龍城食,所以想到此店再試, 但上到Open Rice, 嘩咁多negative 的Message, 真係有d 驚, 但小妹真係好少去九龍城食, 多年前過都好好味, 所以膽粗粗同2個朋友再試!門口一樣多人等, 裏面一樣迫(背貼背), 我點咗咖喱牛腩飯, 2個牛肉餅, 仲有牛肚, 冇事喎, 咖喱牛腩一樣夠香夠"林", 牛肉餅一樣皮香油少,入面又多汁, 牛肚粉皮一樣掂!我其中一個friend, 她奶奶是九龍城地膽, 原來此店是冇分店,但在同一條街的街頭(大約相隔8 至10間舖的位置), 開了一間叫「北京牛XX」, 無論招牌的字體設計,餐牌內容同"清真牛肉館"有九成相似, 但聽聞d食物....所以下次大家要小心d, 唔好俾人漁目混珠啦!

本以為這裡的牛肉咁出名, 一定係好好食, 咪同男朋友來試下, 一去到有好多人响門口等, 好彩我們只等咗陣, 但坐得都幾逼, 完全無空間食物方面, 兩個人要咗牛肉餅, 咖哩牛腩飯. 牛肉餅係皮薄, 但無乜口感, 個皮吸唔到個清牛肉汁, 個餡係肉餅唔係肉碎, 令個餅有點失色咖哩牛腩飯個咖哩好乾, 牛腩又硬, 係個咖哩味幾好總括來講, 有點名過其實

對上一次幫襯係一年前0既事,唔單止加左價,個餅個size細左,無乜汁,無牛肉味,淨係得番個皮叫做煎得仲脆~~~再幫襯?no la...

食物無以前好, 服務態度差, 尤其係負責分位的阿姐太多人, 坐得很迫, 食到好似趕鴨仔咁, 完全無mood食下次就算間舖無人都唔幫襯

尋晚(13-10-07 Sat)食完晚飯後,我和女性朋友CK同另外三個朋友分道揚鏢,各自各精彩.CK冇咩機會o黎九龍城,佢其實想試呢間,但我今年已o黎過兩次,而且女性朋友V都同我食過,於是唔o黎呢o度食飯,但我建議佢外賣牛肉餅,於是o黎買兩件,收銀話要等20分鐘,啊,好啊,我o地就周圍逛逛先,但都睇一睇錶,約7:55pm…….8:20pm逛完返o黎,我拎住張單入去問收銀,佢好惡咁答未得啊.嘩!駛唔駛咁惡啊?好,我o地等,到8:30pm都未有,CK就入去問,佢依然係咁惡咁回答,CK就以其人之道還治其人之身話:成半個鐘lu喎,個亞姐至尷尬少少問係咩係咩?話漏o左單,但此時至有外賣出o黎.我同CK就o係其門外食,CK第一次食,話好失望,皮唔係佢預期煙煙韌韌o既餅皮,餡又幾鹹吓,又冇牛肉味.而我今次係第三次食,第一次有驚喜,好多肉汁.第二次食已覺得退步o左,冇咩肉汁之餘肉亦有啲乾.今次就覺得好似細件o左肉汁多返啲,皮仍好薄,但真係偏鹹亦冇乜牛肉味,我都食唔晒就掉o左.CK話連招牌菜都唔得,且裡面咁迫,下次有機會再o黎九龍城都唔會試呢間,即使好想試佢o既咖喱牛肉.

第一次去九龍城,第一次試牛肉餅一直聽人說好吃,難得去到九龍城,所以就去等下自己試過後覺得.....好一般....餅好硬...牛肉又沒什麼味...

第一次去, 滿懷期待位, 預了不舒服, 但也不是這樣窄0麻?只能坐一點點, 食完想走也要人起身讓位食物, 除了出名的牛肉餅外, 質素一般早知道就外賣牛肉餅算了結論: 推介牛肉餅, 其他水準之下

於本月25日與女友一去食晚餐，我叫咖哩牛脯、牛肉餅及油餅。咖哩內有香濃香料味、牛脯淋而肉香!牛肉餅亦帶有香料味，肉汁香濃!

昨天中秋假期, 又同老婆, 仔三人去清真牛肉館試試, 去到等三分鐘就有位, 但一張細竟然坐成十人, 真係超低能, 勁搞笑. 言歸正傳, 講番食物先. 叫1. 牛肉餅2. 蔥油餅3. 口加喱牛腩牛肉餅好多汁, 但我覺得唔係好夠牛味.蔥油餅好食, 尤其點埋口加喱汁, 我覺得好食過牛肉餅.口加喱牛腩好食, 牛腩好淋, 不太辣.總括來講, 食物OK, 但地方太迫同太有壓迫感, 如要坐得舒服, 呢度唔係你的最佳選擇.

每次經過, 都見好多人等位, 故都係外買牛肉餅食. 今天見唔係好多人, 咁就等吓位. 約等了10分鐘, 就有位.入到去, 嘩! 好犀利呀! 一張圓枱, 竟然可以坐10個人, 人貼人. 一坐低, 亞姐就走過來問食mud.即時先叫左咖喱牛腩飯及柞菜牛肉粉線湯. 諗住再睇吓 menu, 有咩食再叫.点知, 因為我同朋友2個人剛坐在路口位, 每個人行過都撞到我哋背脊或椅子, 而亞姐扲住一碟碟餸/湯在我后經過, 撞倒我, 佢都有反應,唉. 激死. 好彩D餸及湯冇淋到我哋, 咖喱牛腩飯及粉線湯一嚟到, 我哋即刻以最快速度, 食完就走. 冇再叫其他嘢食. 由坐底到走10分鐘搞掂. 但我哋比人撞到己經有十幾二十次. 講返食物先:- 咖喱牛腩飯: 飯好多, 差不多有2碗份量. 而牛腩都幾多汁. 味道幾好. - 柞菜牛肉粉線湯: 湯底冇味, 牛肉淥得太耐, 好硬. 唔掂. 總括, 以後都唔會坐底食, 淨係外賣牛肉餅算數.

今次同女朋友黎到連阿蘇都叫好的食店來品賞美食。不過差d入左間北京清真牛肉館(b貨)，好彩睇左地址知係街頭。八點幾去到，等左15分鐘到就有枱，都比我預期快。但真係好迫(一張枱坐9人)。我同女朋友坐左一會就叫左醬牛肚，2個牛肉餅及一窩砂窩津白，仲加一罐檸檬健兒可樂(因為無普通味)。一黎就上左個牛肉餅，見人地個件好乾身，但自己個個就濕濕地，買相就唔係太得。本以為好熱laklak，點知一入口，唔可以用熱來形容，只可以用個暖字，肉汁就有好多但唔夠牛肉味。有一點失望。之後再上一碟牛肚，味道好好，特別係個醬汁，點少少都好好味，下次一定會再食。至於個津白，好大窩，我女朋友就覺得太清，d津白無味，但湯就好好味，佢就要加少少牛肚個d醬就覺得好好多。而我個人就覺得不過不失，唔會講好好食，但可以接受。下次可以再來試咖哩同蔥油餅。總結都算唔錯食得過，而且服務都ok。希望下次個牛肉餅可以靚仔返少少！！最後要提一提大家食牛肉餅時，小心d汁噴到旁邊d人。

上星期六去左食，加左價廿蚊兩個，仲要細件左同冇咁多肉汁，另叫左餃子，佢既肉汁仲多過件餅，已經變得唔抵食喇

同朋友仔睇完戲, 搵地方食飯, 咁岩講起九龍城, 就黎左清真牛肉館嚕!7點左右黎到, 所以唔洗點等位, 叫左個4人餐再加4個牛肉餅, 埋單每人90蚊!牛肉餅: 友人話退步左, 我覺得好咸, 有少少失望水煮牛肉: 牛肉好"林", 又夠入味, 推介!咖哩羊腩: 雖然呢度主打唔係咖哩, 但個咖哩都好有水準! 抵讚!班阿姐執檯既速度好快, 令到檯面睇起上黎乾淨d, 抵讚! 不過唔建議叫餐...散叫會好d!