清真牛肉館 (龍崗道) (已結業)

淨係得牛肉餅好味，餅內真係有好肉汁，牛肉唔’鞋’ｘｏ醬牛脷得個油字，牛脷切得太薄，無口感至於牛肚絲拉皮，牛肚絲無味，成碟麻醬味太重蔥爆羊肉更加唔掂，羊肉又咸又無羊味，又係油冧冧，一ｄ鑊氣都無，認真唔得。

同男友去九龍城本身想去街市食泰國野見到清真牛肉館(因為想試好耐但唔知位置係邊咁岩見到就入左去試下了) 地方好細係快食快走果d 一張抬大約坐8個人到已坐了幾家人(需要搭抬) 2人點了牛肉餅, 咖喱牛腩飯雞絲麻醬冷面雲吞牛肉餅: 入面多汁牛肉亦都夠味外面煎得香口不錯 (但男友覺得麻麻地)咖喱牛腩飯:普通已而但牛腩總算腍食到尾見到d汁有豆板醬d料真係令人失望和勝利小廚的咖喱牛腩比還差很遠很遠雞絲麻醬冷面: 雞絲青瓜絲整齊的鋪多冷面上淋上麻醬賣相不錯見面底有d似魚露的汁食面底撈起來食的時候汁料夠麻醬既味道亦不錯但可以係魚露的關係既整碗冷面都帶d酸味令到整婉冷面失色了雲吞: 一黎我第一句就話咁多油既整碗湯都被一層油蓋住雲吞餡料不足都係普通整體黎講唔會再有下次仲有一路食一路好口渴飲好多野都仲係口渴早知食番泰國野好過

老老實實, 去過一次, 但就唔太愉快~講真, 佢野食係好食o既, 尤其牛肉餅同咖哩羊...不過好可惜, 或者太多客, 無型間, 佢地已經有一唔憂做的心態...服務態度好差, 由叫位, 到"分配"坐位...(唉, 而家食野都要佢"分配" 坐位, 果4吋位唔夠都叫你2位坐落去..我真係唔覺佢係帶位囉..."呢2位坐呢度" "咁呢2位就....坐果度啦....夠坐架啦...我地平時都係咁...)究竟係佢唔分莊閒定係我要求太高?! 或者...如果我要求的是服務態度, 我唔應該去呢度吧...

今日同男朋友仲有佢個fd 去左尼到食野!之前係open rice到見到個牛肉餅..就勁想食啦...所以今日趁行開附近就去食啦.去到叫個$20 2個ga牛肉餅.同1碟$23 有10隻ga紅油炒手食..牛肉餅真係好正..不槐咁多人推介!!好juicy好好味..d汁1咬落去就滲出尼..好香碟紅油炒手都好attractive !d汁甜甜地好好食..d餃子都唔錯.. 都係牛肉尼ga..如果無食錯-v-'總括就覺得真係好好味...最重要價錢平..真係抵佢咁出名!推介!!

平日龍城的清真牛肉館,食客不絕,一位難求,如果在下午茶時段去,又不同講法.睡到四時一刻,面都未洗就徒步到此,店內食客不多,無須逼餐死.吃得自在.其獨步江湖的牛肉餅,今次吃仍保持水準,餅皮厚薄適中,煎得香脆不過濃,一咬之下,內裏豐滿的肉汁隨之一湧而上.香甜且熱辣辣,再吃其餡,依舊肉味濃郁.實在滿足.看餐牌上的英文,原來這個牛肉餅的英文名,叫"Veal Goulash".Goulash不是匈牙利牛肉湯的名稱嘛?不過,這個餅餡的肉汁,同正統Goulash又有點異曲同工之妙.今次要牛腩,咖喱牛腩跟飯.說其是Paki風味,當然不是阿龍那些改良版,這個咖喱不算很辣,牛腩做得夠稔熟,肉質鬆化入味.不錯.羊肉春卷即炸,要到最後才上,沒有什麼特別.即炸之春卷,又不會太差,係吃不出春卷內的餡料是羊肉.因為很模糊.話須這間是清真牛肉店,一樣也有其他外省菜供應,對我而言,來到當然是吃以上幾味.仲使多講?

2個人可以叫以下: 咖哩羊腩飯牛肉餅–碟有2件的. 芝麻雞一碟可樂x 2我就很喜歡咖哩羊腩因好有羊咪呀…不過..可能會有d人怕太蘇….但我就是喜歡它有這樣味道…if not..就唔食羊la….每次食佢地個牛肉餅都令人滿意既…. 水準一直咁好呀…

終於都能一試這兒的牛肉餅了!!! 上兩次都是另一邊的牛肉館...果然是皮薄餡靚~~湯汁很好喝呀!!!! 餅皮也煎得很夠脆!!! 好食!!!另外羊肉春卷都幾好, 炸得香脆可口的!! 羊肉也夠羶味~~我覺得還是不點喼汁的好~ ^^雞肉湯餃OK啦, 個湯相信係牛肉湯!! 好飲!! 不過餃子皮頗厚的, 老爸話呢個係北方餃子的特色. 不過老爸話餃子皮好木獨喎...下次試埋佢d咖喱都好~~ ^^

就好似去朝聖咁,入到去大家都坐喺度面對面,你眼望我眼,無野講...因為一張大圓枱,坐三四枱唔同既客,又點會傾計傾得舒服??不過食店最緊要係食野,唔係傾計,佢地既牛肉餅味道都唔錯,我食一啖,d肉汁標出嚟嗰吓的確幾好!咖哩味道比較單調,牛腩唔靭,並實個牛肉餅係絕對值一個笑臉,但環境同服務都比較差,所以有點覺得此店不是一個晚飯的好地方!所以個笑臉擺喺主題度,一樣啫!

我諗有成年無食過，次次行過都好多人排隊所以無去食，今日下午有時間去到唔多人所以叫返兩件外賣，貴o左d兩件要21蚊，但係呢間野好似無學其他做到出o左名就以為自己唔休做既食市咁，侍應同收銀服務態度都好好，牛肉餅仲係皮薄(相對其他地方)餡又多，最緊要仲係好多汁，真係正

以前，成日見多人排都唔想食．但食過一次之後，發現真係好好食．一路食，見唔少人黎買外賣．試過１０點已經賣晒牛肉餅．　個牛肉餅係熱辣辣，一咬ｄ汁流晒出黎．仲有佢地ｄ咖哩都好食，配飯一流．不過坐得唔太舒服，好多時都要撘枱．不過服務就撘夠.

夜晚去九龍城食晚飯，又未試過依間野，就入左去食喇!!阿姐反應快，服務有禮貌。環境都算幾迫，因為好多人喇，d食評講到佢\咁好食左最馳名既牛肉餅喇，d汁真係一路食一路\"標\"出黎!!好似食小\"龍\"包個陣咁。多汁好食。快d去試下喇。之後仲叫左個水煮牛肉麵，都幾好食丫。食得出依間野d野食係特別，真係地道，只此一間。不過，如果係食素既朋友，黎到依間野真係無咩好食喇。因為入面好多都以牛同羊為主既菜式。仲有，好多菜色都係辣既，見好多都食到熱熱地然後叫凍飲。冬天食都唔錯=)

三個人來到，未坐低已經一人叫一客牛肉餅。因為坦白講，對這裡的其他菜色也沒甚興趣，唯獨是這個牛肉餅，又真的是無出其右。即叫即煎，也要等出好一陣子才有得吃。熱辣辣，煎餡餅當然是有點油的，也不介意。一口咬下，燙熱的肉汁澎湃地湧出，非常對辨。味道不錯，濃濃的牛肉汁很鮮美，肉餡也嫩滑鬆軟，不會實實的；酥餅皮不算很脆，卻保留了應有的口感，做得相當出色。而當然是不穿餡的，如不是，也不可以說是「無出其右」了。一客兩件，如果第一件不懂吃又流得一碟是牛肉汁的話，還有第二件可以給食客「補飛」。阿姐的服務也是十分好，唔該前多謝後的，值得一讚。只廿蚊，就吃得到別處做不到的好水準，你說是多划算。未吃過的當然要來試，我也會再來，不過當然是吃牛肉餅，而不是蕃茄炒蛋/麻婆豆腐/XO醬牛舌...

西安之行回來後，一直未有忘記清真回民小吃的味道。(不少新彊回民和穋斯林都到了西安開店)一直想試試在港的一眾清真餐館，不過伙伴皮膚有點不舒服，所以不會試羊﹑咖哩，只好叫了牛肉餅。牛肉餅即叫即煎，所以要等十分鐘。牛肉餅賣相吸引，未食已經很香，一咬下去，真不得了，皮薄而脆，香濃肉汁便湧出來，弄得手也髒了，但阻止不了繼續食的意欲。牛肉不但香，而且有口感，大概是混入了些菜脯的結果，不一會兒便把牛肉餅解決掉。下次想試便要好像今天下午去最好，因為晚上店外的人群就好像某些壽司店門外般群情洶湧。

是夜寒風凜冽，等位等了約二十分鐘...老規矩，依舊挑戰極限，一張圓桌放得下多少張圓桌就擠進多少個人...以下是點菜時的一段對話:"要不要牛肉餅，要就落單，要等很久的...""好，麻煩兩個。一客鍋貼....""鍋貼?要等起碼一小時喎！你等到嗎？""等...一定等...""哦！咁你預左埋單時要取消order啦！""吓......"待客之道...就是如此？事緣我們都不吃豬肉，要吃牛肉鍋貼，只有此處，每次叫都是說師傅沒時間做，這我們可以接受，但不如取消這項目算了！不要令客人失望嘛！光顧了十多年，味道不變，最愛砂鍋雲吞雞，乳白色的湯又香又濃又滑，津白又軟又甜，雲吞皮簿餡鮮，充滿肉汁；可惜牛肉餅有一個破了，最著名的一口汁都流了出來，大打折扣。酸辣湯湯料刀工鮮明，一絲絲豆腐木耳雲耳牛肚絲蛋絲，口感豐富。不過味道再好，都總不能每次人擠人，老是被後面的食客"鬆踭"，隔壁食客蘸牛三味的醬汁時濺在我們的酸辣湯內，侍應老是恐嚇牛肉餅要等很久，要快決定。每次一肚子氣離開也不是辦法，我想我會有一段日子不敢再光顧，直到我忘掉這些經歷吧！

見上左榜,又試試!清真牛肉館呢個名其實之前已經聽過,不過就未食過,見大家都講牛肉餅同咖哩牛腩好好食,咁我都係主要食呢兩樣,加埋窩湯!牛肉餅幾得意,味道又真係唔錯,一個人食兩個就啱啱好,咖哩牛腩咖哩個味ok啦,但係d牛腩比較硬,比較難嚥,所以只係普通..可能太多人,但係得一個樓面,又要搭枱,下次未必嚟了!