清真牛肉館 (龍崗道) (已結業)

食完個壽司午餐細佬仲未見飽 , 我地兩個就即興去埋九龍城食個勁出名既牛肉飽啦 , 不過都幾難先搵到 , 仲差d入錯左前面個間北京清真牛肉食品館 , 唔知既話真係會覺得係見人地做得咁成功先改個咁似既名黎誤導人架 , 好彩有位叔叔提醒我地行前仲有一間先冇入錯鋪頭食 , 開左鋪先一個鐘頭左右呢度已經有好多人排隊等食囉。 清真牛肉包(兩件) ~ 包如其名 , 咬落去真係會爆汁 , 層外皮唔厚而且又煎得岩岩好 , 加上口感有少少煙韌現會埋入面d好有肉汁既牛肉餡簡直係一流 , 不枉我地專登黎到試食呀 , 細佬都食到讚口不停。 咖哩角(5件) ~ 岩岩炸出黎所以見到面有d油 , 但係5件三角形都幾大件 , 入面亦放滿足料既咖哩餡 , 唔似得出面食個d冇餡又難食既咖哩角 , 細佬一個口鯨吞左幾件。呢度每人最低消費要$20 , 所以兩個人去點都一定要叫兩樣野以上黎食 , 唔好諗住淨係試牛肉包就算呀 , 其他人點個d咖哩都好似好好味道咁 , 同台既人邊食邊讚 , 可惜我地實在食唔落。

晚飯前, 先黎呢度食一個飯前小食, 就係呢度出名的牛肉餅到手時熱辣辣, 要涼少少先至食, 一咬, d 汁就留出黎, 差d整污濁件衫最正就真係夠新, 多汁, 夠味

上星期同個fan去o左九龍城食飯,最後簡o左依間,點o左牛肉餅,小籠飽,牛肉水餃,同清真炒飯,一上就係牛肉餅,以為冇乜特別,咬一口,d汁多到差d爆出來,超多汁,太可怕啦,點整ga,o廿好食o既,我同我個fan最後都一人叫多個!小籠飽就一般啦,牛肉水餃分量好多但只係23蚊,真係好低,個清真炒飯又係好好食,一定要試,碟飯都ok大碟,兩個人食都ok,加一人一支豆漿先收百七,d小二都算有禮貌啦,雖則環境唔係太乾淨,但係以九龍城o既標準來講算ok啦!真係值得推介ga!

九月十四日(星期日)九龍城…我們已經講了數月要”開發”的地方…今日趁中秋佳節,要來一趟…而第一站我們選了位於龍崗道的清真牛肉館最出名莫過於牛肉餅,是出面較少見的食品,一放入口,冷不提防,內裡的醬汁即時噴出來,真是又熱又多汁呢!而牛肉的咸味適中,感覺幾新鮮,餅皮薄而鬆化咖哩羊腩,羊肉剛剛好,不太硬又不太林,而且羊羯味亦適中,口感相當鬆化,咖喱汁帶辣,好香濃牛肉豆腐卜粉絲煲,相對較清的一款,牛肉頗鬆較,而粉絲可能係我地叫了small size 的關係,份量較少,很快就吃光,不過粉絲著實不錯,幾爽口…而湯頗清甜…不過見到隔離個女仔吃咖哩羊肉粉絲煲,好似幾吸收…下次有機會再試三碟一共100元有找,吃得又滋味又飽飽的,好滿足的一餐!這裡的style有點兒令人想起AMC(即澳洲牛奶公司),又是不斷有人在門外排隊,但turnover很快,而且一枱會有很多”圍”人,各吃著不同的美食…還有這裡的上菜速度亦都很有效率…不過這裡的待應”姐姐”沒有逼著我們走…大家如果有興趣一試,記得book位,雖然去到都可能要等位,但卻可以好似我地咁合法地插隊…還有,在同一條街,有一間叫”北京”清真牛肉館,連招牌都一模一樣…

與“牛餅”的邂逅，本來半年以前就該發生了。無奈小漏漏太糊涂，竟然錯過了你。今次難得再訪龍城，就算不餓都要食件“牛餅”是不是？肉餡香口細膩，肉汁濃郁流淌，夾雜著淡淡蔥香；不過，咸得有點過頭。那餅雖然幾油，可是熱辣辣又薄脆，都可以不計較了。頂住通脹的壓力，外賣依舊是$20兩件，價錢平平又食得心滿意足，在香港還有幾多這樣的美食呢？

每次路過都一定會買番兩個牛肉餅食..熱辣辣又多汁...非常之好食...雖然$22係略為貴左少少..不過咁o既質素都係值得俾o個$22蚊出去o既..~~

食完早餐接近十一點，好像患得患失似的，突然想起有一間牛肉餅評價不錯，每次經過都因為非常多人而吃不到，於是走去碰碰運氣，看看開舖了沒有。一去到，見到有幾個人在門外等外賣，不是吧，我看這店是十一時開始營業的，我十一時多一點去到已有人等外賣？我想，又吃不到了。當我經過門口想走時，發現入面只有幾人，門外的不是因為太多人而叫外賣的，想也不想便衝入去叫了兩個牛肉餅外賣。等候時，問問老板娘(應該是......)什麼時候會少些人，因為每次經過都非常多人，她說在剛開舖(即我現在的時間)和晚上約六時會比較少人，但只限星期一至四(有興趣的食家如想試但又不想排長龍的話就在上述兩個時間試試吧)。因為我買來是想和人一起吃的，於是問老板娘用什麼方加熱會好些，她說番熱味道一定打折扣，但較好的方法是用爐煎熱，她晚上在家中也是這樣吃的，她又建議我堂吃一個，然後再拿給友人吃，讓友人先吃一個比較不好吃的，下次再吃一個堂吃，一定點味無窮，她非常有信心的說。既然這樣，我就要試一試堂吃版的牛肉餅。她叫侍應阿姐立刻開位倒茶給我，很好的服務。說回牛肉餅，急不及待想咬之際，老板娘叫我小心，因為很juicy、很熱的。那我就小心翼翼的吃，從

星期六晚，我地只係2個人，但都要响街度等左成45分鐘先有得入去。好似全店人都會叫牛肉餅，我地咪跟住叫囉。果然係好好味！感覺就好似小龍包既方法：用生煎包既薄皮加上厚厚既牛肉，咬落去會有好多肉汁。其他既清真抄面就一般，d汁都幾辣..... 可能係我鍾意食乾身既面多d啦。而個肉絲粉皮就幾好，粉好爽身， 都好夠麻醬。有樣野要讚：就係响咁旺既鋪，d 阿姐一d都唔寸，而且仲好有心機同你傾計，無論係叫位同招呼客人既姐姐，都好好人，阿老闆真走運！

o係九龍城又點可以唔o黎試呢間出晒名 gei 牛肉館。以前爸爸o係我細個 gei 時候已經帶過我o黎 ga la~~~ 2 號未試過，咁梗係要試一試 la~~~ 我們只叫了 2 個牛肉餅拎走，wa~~~ 食落 d 肉汁係咁流出o黎，熱辣辣，外皮厚度適中，牛肉同肉汁鮮甜，好好食~~~ 下次o黎九龍城要 encore~~~最後一站了... 因為我地都係食唔多o野 gei 人... 今次只可以試到 3 間 jar... 下次再努力...

聽人講好好食, 今日特登帶老婆去試. 點知....下午12:30, 店內已冇咩位, 所以坐得特別迫. 心諗, 只要食物好食就算. 但點知....1) 牛肉餅: 太油, 牛肉唔香, 同普通免治牛肉冇咩分別. 講真, 老麥個至尊漢堡仲好食!2) 牛腩飯: 牛腩太瘦, 唔入味, d 汁唔好味, 唔合格~3) 蝦仁炒蛋客飯: 太油, 冇蛋味, 唔香, 唔合格~整體來說, 呢間野又係一次過......

我前日同老公去食非常出名既清真牛肉館, 其實我真係唔想去食, 因為永世都係咁多人, 每次揸車經過都非常多人, 但唔知點解我老公好鬼鍾意去囉! 有排等!!!我終於等左30分鐘先入到去食!我地叫左3樣野:-(1) 牛肉餅 --> 好新鮮, 好熱, 味道OK, 好多汁, 但非常多油, 可以接受!(2) 牛肉水餃 --> OK 啦! 一般! (3) 咖哩羊腩面 --> d 咖哩可以話無驚喜, 但羊腩好淋, d面一般!d人話清真牛肉館好好食, 可能我唔係咁鍾意清真菜啦, 我真係唔覺得需要為左佢而排咁耐隊囉

六時到達餐廳門外, 門外貼了很多明星相片, 但價錢也給塗改了, 見到兩張吉枱, 仔仔要遲 10 分鐘, 我們 3 人要求先坐下會立即點菜, 但侍應說對不起, 不可以!!!如斯服務態度, 食品不會好到那裏!!! 想說服各人去另一間, 因為由粉嶺遠道而來, 他們也不甘心, 姑且一試, 我們 4 人被安排坐在一張泊牆的六人圓桌, 連同其他客人共坐 7 人, 可以想像是何等擠迫, 匆匆點菜, 只想快些食完離開.牛肉餅 : 賣相好像煎得很香脆, 但味道過咸, 不脆也不香, 先前看完電視介紹, 帶定食物盒預備外賣回家, 現在不用了.牛肉餃子 : 個子小小, 餃皮及肉餡也很腍, 較適合老人及小孩吃.雞肉餃子 : 餃皮超厚, 肉餡無味.香麻雞 : 一碟 $55, 只有一隻雞亦及數件雞胸, 皮不脆肉不鮮, 水準以下.咖喱羊腩 : 羊腩夠腍, 惜咖喱欠香味, 薯仔夠腍夠入味, 給吃光了.咖喱牛腩飯 : 牛腩很嚡, 各人試一件也不吃了.葱油餅 : 不好吃, 水準以下.我們也很大食, 本來想好了要吃十多 款食物, 因為坐得不舒服, 枱面也不夠放食物, 吃得很狠狽, 不能盡興所以......覺得此餐廳為利是圖

星期六，6時到達，人龍已經十分長，幸好等了不久便能入座，皆因我們只有2人。入座後，一張小圓桌竟要與一個8人家庭同座，真的十分逼夾，坐得不太舒服。我們叫了二人餐，一來算過「好像」比較划算，二來不用想太多，另外還加叫了一客窩貼；食物來了……芝麻雞：B 　冷盤，味道不差，也見不得特別；炒菜：B 　十分小巧，菜一碟也，毫不特別的；咖哩羊腩：B+ 　咖哩味道十分香，味道濃郁得來適中，羊腩炆得十分「淋」，好吃。不過，如果可以熱騰騰的話會更好……牛肉餅：A- 　最好吃的一道，肉汁在餅內蕩漾，一口咬下去，熱騰騰的肉汁多至流出來！很美味！窩貼：B+ 　好吃！脆脆的皮底，熱騰騰的肉餡，不錯不錯！價錢：over $170總結：又一名過於實的店子！又要排隊，又要辛苦的擠在一起吃，價錢也不便宜……　我寧願買牛肉餅外賣算了！反正我覺得只有牛肉餅是最好吃！（$20／2件）

前幾日娘親大人睇完電視介紹，話要去試吓…結果老爹&娘親加埋老婆大人一行四個走咗嚟呢間食店一入去，畀我哋個印象唔係咁好，d服務唔係咁好，個收銀尤其「寸」，不停講話好多客人，要我哋坐迫d，喂，一張六人枱坐到八個人，加上我同我老爹加埋都佔咗三個人位！(無計，山東大漢)，坐咗唔夠一分鐘，有一個人頂唔順轉枱先至好d。叫咗咖哩羊腩&牛腩，牛肉餅，牛肉&雞肉水餃，雞絲涼伴個咖哩幾好，但辣味不足，咖哩羊腩&牛腩就話好平凡(呢兩樣嘢我都唔食)，牛肉餅就唔多好食，牛肉又唔香，個皮又唔脆，唔明點解咁多人推介？牛肉水餃就幾好，皮夠薄，不過雞肉就差d，皮厚同埋雞肉用嚟造水餃味道係唔多「夾」，雞絲涼伴味道不錯，不過雞絲好少，要落足眼力捃清楚。食咗三百大元，覺得咁既質素咁既價錢，有點貴喔…

清真牛肉館既咖哩食左好多年, 一直覺得味道好特別, 有一次等位係門口先睇到, 原來呢D係巴基斯坦咖哩。 辣度唔係次次一樣, 不過都幾辣, 怕辣既朋友可能handle唔到。 呢個係我每次想食咖哩時既首選, 我會特登搭車去食! 招牌牛肉餅... 當然一流啦, 不過多數一個人去, 一碟咖哩牛/羊肉飯, 已經頗飽, 食唔落牛肉餅。 門口收銀老闆娘好好人, 好細心咁解釋個張Halal Slaughtery Certificate, 同埋30年代香港清真寺個張相。