清玉

营业中

休息中

作為珍珠奶茶控，每次見到有台式飲品都忍唔住買。今次試呢間清玉。其實佢都做左學生優惠幾耐，之前都有見到，優惠價都幾抵，十五或者二十蚊有一杯大大杯奶茶。.我揀左飲抹香奶綠（微糖，少冰），貪佢清清地，可以食完飯消下濟。買完之後個店員好快手，等左幾分鐘就有得飲。如果買開珍珠奶茶既話，都知其實普通甜度系糖尿病程度既甜。所以我今次微糖既甜度我覺得岩岩好，唔會苦。飲落茉莉花茶都幾香，清清地。我呢杯茉香奶綠其實姐系奶蓋茉莉花茶。平心而論，佢既奶蓋同茶既質素都可以，不過不失。但如果冇優惠價，要成二十幾蚊一杯既話我就唔會買啦。但最大既敗筆系佢冇系杯蓋開個口，而系用飲筒飲，甘樣就冇辦法飲到奶蓋同綠茶溝埋一齊。因為綠茶沈底，所以會飲曬杯綠茶，先飲到d奶蓋，甘就會好甜好膩。如果冇學生優惠既話，我就唔建議大家買啦。

聞說有間特式台式珍珠奶茶店，可選珠或其他配料，豈料下單後才知道不是本店。杯子不透明，是鮮艷的青色，顧客既看不到其內容，拿著杯子更會為其宣傳，完全是公司至上。珍珠奶茶，沒改甜度及冰量。冰粒已不算特多，未算喝到一半已變冰水。但甜度，的確亟待改善，甜得感覺不出那是杯珍珠奶茶，比起自己沖制的即沖奶茶更甜。總結，紅磡這一間新式的珍珠奶茶店，十多元一杯珍珠奶茶，都沒有特別，不值得再來。