影片
我之前一向都好钟意黎青叶的，因为佢的野真系做得好好，样样𩠌都好味。寻晚行开葵芳，打算去下，点知..一去到已经觉得唔妥，个名变左做"乐园"既？己经唔多想入；但见间舖大致差唔多，D杂志又贴晒系度，以为因咩事改左名姐，就走左入去；叫左蚬蒸蛋同腐乳蒸鸡个汤一上，已觉不妙。虽然都唔系味精汤，但一饮就知系煲完后加左水的，同以前清叶原煲煲出黎的，好唔同。两个𩠌上左，仲衰。以前蚬蒸蛋，个蚬唔系用普通花蚬，用一只靓D的，个味鲜好多。而家？D蚬唔够鲜，蛋又蒸得老，勉强叫做入得口....个腐乳蒸鸡仲衰。鸡完全冇鸡味, 腐乳味都冇，只系一阵怪味，好难食....我地最觉得过份的，系佢真系刻意仲贴返以前D报道出黎，扮晒系赞自己的报道！ 摆明系呃人姐！你整得唔好食咪唔好食啦，唔好咁呃人，话你有以前既质素呀MA！我以后都唔好再去啦！
继续阅读
今日星期五同女友去试 个场冇乜人本来专程谂住试佢个猪仔肶侍应竟然话间restaurant 转o左手个cook 未掌握到点整所以冇得叫 极失望唯有叫第二d 野食口水鸡----普通辣辣地既白切鸡杂菜煲---粉丝都几多 味道ok京都骨---见楼下个post推介 咪试下 但很失望 只系猪扒切开既肉当京都骨 又干又深色素 最尾当然系食唔晒系度摆同另开两间出名既沙拉骨比 简直系冇得比请都唔会再去 因为附近大把好选择
继续阅读
刚刚去完旅行回来几天，回到我们去开的清叶饭堂，谁想到已面目全非。一入到去的感觉好唔同，坐下再仔细看看四周，发现足球奖杯及奖牌不见了，台上没有纸巾供应，伙计当中只余下一个熟识的面孔。本来想点墙上杂志剪报介绍的蚬蒸水蛋，但旧伙计话所有刊登出来的菜式已经没有了，是因为厨房转咗人。最后，我们点了香煎牛仔骨、金银蛋苋菜及涷奶茶一杯。唯一无变的是坐底送例汤及白饭。店名已改为“乐园茶餐厅”！例汤：黄瓜花生味精汤，只有黄瓜皮及几粒花生。香煎牛仔骨：味道ok，但太多肥膏。一般茶餐厅水准。金银蛋苋菜：皮蛋超咸，苋菜超老。完全不合格。涷奶茶：男友话好饮，奶与茶比例刚好。我们要转饭堂了．．．
继续阅读
虽则我饮食标准定得颇高，但是一到家庭聚会或者食普通街边舖仔，我一定唔会点评论；怎么说也是适当场合做适当事情．点知今次有些少惊喜．随便点了五道菜，都是比较清淡的．炸子鸡想不到做得几好，除鸡胸肉外都几嫩滑，鸡味不够有点无奈，香港餐厅大部份都己经用冰鲜货．清汤腩胡椒下得多，萝卜甚甜，坑腩不错是十分腍，可是牛这部份的好处在弹牙，这个汤味道甚好，就可惜平白浪费了坑腩，若用上猪肚或羊肚效果应该更好．金银蛋苋菜十分到位；苋菜当造，这个菜差极有个谱．鱼滑浸白菜仔不是时令，鱼滑口感差了少少，却又是不失平和的一道菜．仲有道菜忘记是甚么．总括而言，是合我胃口的一顿饭．另赞伙记热心，上菜收碟都比不少大餐厅做得妥当．
继续阅读
附近一带的都扫匀，就连一度觉得服务差的，也来一试。闲日的晚上，八点多入座率六成，伙计招呼应该是正常水准，斟茶加水落单招呼周到，只是讲野无尾音习惯不改。锅仔清汤牛坑腩、西柠鸡、五味猪仔髀，都是一些港式小炒，三味中只有西柠鸡可以吃多两件，鸡件腌得够味亦被化学招呼过，炸后淋上水汪汪的萤光汁，吃完无特别回忆。五味猪仔髀，加上大量胡椒、炸蒜粒同不知名调味味料，很惹味，只可惜炸得干巴巴，佐酒亦嫌杉胃，不理却大啖髀大啖啤吃个不奕乐乎，足五只都不过四十几，几抵食。不理腩瘾起，近日吃过几间清汤腩，连小炒的清汤牛坑腩亦要试，用石油汽炉加热，几件坑腩几件瘦腩，坑腩位置炆得够松化，不错，配味精清汤稍嫌可惜，改作腩捞更好！平平地一餐，谈不上出色，叫做吃得过。
继续阅读