清原

营业中

休息中

圖片只供參考既食店因為做左應援店，生意好好，等位都等左30 分鐘，落單後，又等左20分鐘先有得食，其實d 食材都係組合啫，真係要咁耐咩？都算啦，我叫左碗$47既黑金燒仙草，當我見到一碗黑色好似苦茶既東西時，我呆左3秒，心諗：咩嚟架，我只好戰戰兢兢拎埋位，大家都一齊問：咩嚟架，我用匙羹搞下，d料少得過份，幾粒芋圓，少少豆咁，最多應該係薏仁，燒仙草就只有一小口囉，成碗都係糖水，唯有可以讚佢：唔太甜啦！做應援店嚟消費d 粉絲，真係好過份囉，我同朋友都話一定一定一定唔會幫襯下一次。

餐廳距離時代廣場只係一條馬路，大家離開銅鑼灣行街買嘢，行到攰嘅時候可以過嚟食吓甜品。我去嘅時候餐廳做緊姜濤嘅生日應援活動，大家過嚟食嘅時候可能都會撞啱唔同明星嘅應援活動。食得特別幸福！芋見幸福$62 嚟到呢間專門食芋頭嘅專門店就一定要叫佢哋嘅Number one熱賣產品！配料非常豐富，有紅豆、芋圓、芋頭球、珍珠、西米露。招牌仙草冰3號$54 配料方面，有紅豆、芋頭、芋頭球、珍珠。而每一款仙草冰都會有芋頭球，食落去口感好紮實食得出餐廳由芋頭製作出嚟，唔係溝粉。每一個配料嘅份量都加得好足，性價比好高。紫薯麻糬串串$27第一次食麻糬串串，仲要有埋cream cheese喺面，面頭上面嘅紫薯粉睇落去賣相好靚好吸引。麻糬煙煙韌韌咁樣食落去好滿足。餐廳都幾大間，所以去到食完飯食甜品嘅時間點都唔算好難搵位。移動式嘅枱面更加方便大班朋友一齊食甜品。

呢個假期「姜濤經濟圈」好澎湃😂去咗間獨家飯拍甜品專門店，好好感受一番😆特別嗌咗佢哋三個唔同嘅應援甜品「芋（互）見幸福 」、「茫茫人海芒果雪花冰」、「薑汁湯圓豆」。知道呢度嘅芋圓特別出色「芋（互）見幸福」 喺呢度嘅名物，芋圓煙煙韌韌都幾好味！補身之選「姜汁湯圓豆花」！鍾意熱嘅甜品可以揀呢個！🤪「茫茫人海芒果雪花冰」 每個雪花冰都要用10分鐘製造，相對嚟講就等得耐好多啦！想食嘅人要俾多少少耐心！（⚠️真係等得耐，俾晒心理準備大家先😬）呢度仲有特別嘅打卡corner、獨家飯拍、限定甜品，而「姜濤限定款」冰沙，就要24/4先開始啦！✊🏼✦ 芋（互）見幸福 $62✦ 薑汁湯圓豆花 $48✦ 茫茫人海芒果雪花冰 $148

清原(香港) 地址: 香港銅鑼灣白沙道4號地舖次次去台灣我都必食仙草芋圓，夏天一碗透心涼，冬天就可以熱食。呢排又濕又熱，就係忍唔住去食凍野呢間超出名架，台灣連鎖店，今日點了$53 招牌3號碗大堆頭架雙芋冰嫩仙草凍，有齊人氣芋圓，紅豆，芋泥球！芋泥球富芋香，芋圓qq大粒$27 麻薯串，糯米粉搓成的丸子，4個味中試了紫薯，表面有紫薯泥再點了杯手搖飲，$30 四季青茶，無糖醇茶可以平衡口中甜度豆花湯水也設熱吃也比較養生見天熱雪花冰多人必點，人多可以share 打卡一流。仲有姜b 限定甜品呀，姜糖必到#dessert #sweetsoup #芋圓

早食晚飯，又想食甜品，主要想食芋圓，上網搵到一間清原，台灣過江龍，芋頭甜品店，好吸引即想試下。假日7點幾，食飯時間之下好少人，再夜點可能會多人。餐牌，以芋頭甜品出名就試下。招牌3號，$49。有仙草冰、紅豆、芋圓、芋頭球及珍珠，材料十足，賣相不俗，仙草味道甘甜，芋圓賣相幾好，但唔夠軟糯，芋頭球口感綿密，香芋頭味，紅豆及珍珠正常水準。仙草冰呢款食物味道正常，唔知其他甜品會唔會更好食。銅鑼灣白沙道4號地舖

銅鑼灣新開台灣連鎖品牌芋頭甜品鋪，主打各式燒仙草、有冰、小芋圓茶飲甜品選擇非常多，價錢親民，服務態度都好好，芋頭芋圓控真係要試下招牌仙草冰 - 招牌3號 （$49）人氣之選之一，可以一碗試齊曬招牌配料賣相好吸引，配料十足，有珍珠、芋圓、芋泥球、紅豆、仙草凍，仲附送一個台灣特色既奶油球甜度恰到好處，珍珠、芋圓口感煙韌彈牙，再試埋芋泥，入口質感綿滑，濃郁既芋香同其他配料好夾到咁上下落埋奶油，個人覺得加左奶油仲香滑仲好食紫薯麻糬串串 （$27）麻糬串串有椰子、焦糖、士多啤梨同紫薯4個口味，今次就試左紫薯先呢個串串好有新鮮感同驚喜，外面有一層濃厚香滑既芝士奶油，加埋紫薯粉，咬落去同煙韌既麻糬絕配

在銅鑼灣吃完晚飯，想食甜品，便進了這間台灣甜品店試試，叫了這三款甜品1.芋見幸福 (Taro Joy)- **配料**: 紅豆、芋圓、芋頭球、珍珠、西米露- **特點**: 這款甜品以芋頭為主題，搭配多種配料，提供豐富的口感和層次。它的香甜味道和綿密質地使其成為受歡迎的選擇。2.招牌3號 (House No.3)- **配料**: 紅豆、芋圓、芋頭球、珍珠- **特點**: 這款甜品以仙草凍為基底，搭配芋頭球和紅豆，提供清涼的口感。它的多樣配料讓人感受到不同的風味和口感。3.紫薯串串- **配料**: 紫薯、芋圓、豆花- **特點**: 紫薯的自然甜味與豆花的柔滑相結合，帶來獨特的口感。這款甜品通常以串串形式呈現，方便食用。這些甜品充分展現了台灣甜品的創意和風味，並且各自有獨特的口感和搭配。

經常經過這間台灣甜品舖，今日凍凍地就入嚟試吓！入面嘅位置都幾多 而且環境乾淨 可以坐之間嘅距離都好夠 坐得好舒服 牆身仲有佢哋好多招牌嘅產品相 Menu既選擇都好多見到menu 花多眼亂 選擇困難症發作就嗌左佢最推介嘅產品 top4芋見幸福 同 招牌3號  配料有紅豆 芋圓 芋泥球 等等芋頭好淋 入口又綿又有芋香 芋圓 煙煙韌韌 好有咬口紅豆 量多又軟綿夠沙而且佢地既奶可以另上 可以自己加減口味 飲品就係 芋見泥珍好 同 紫芋波波沙飲品唔會太甜 而且芋泥 芋波都好足料波波沙個沙冰底亦整得好好唔會太冰 一舊舊要等佢溶 麻糬串串揀左 椰子和紫薯味紫薯顏色串串配搭好靚，口感煙煙韌韌鍾意食麻糬一定要試吓今日同小朋友黎食 小朋友都食都舔舔脷而且呢度嘅芋圓同埋麻糬真係好出色煙煙韌韌 調味又啱啱好

芋見幸福（紅豆•芋圓•芋頭球•珍珠•西米露）芋頭球煮得夠淋，入口綿密有芋香，紅豆甜度適中，形珠同芋圓煙韌有咬口，尤其芋圓好有芋頭香味，果然係招牌甜品黑金燒仙草（芋圓•綠豆•薏仁•珍珠）仙草味濃帶微微甘香，口感滑溜，綠豆同薏仁煲得夠淋，清熱解暑，芋圓依舊係亮點，煙韌有嚼頭，整體味道比較傳統抹茶紅豆雪花冰（珍珠•玉米片•紅豆•抹茶雪花冰）抹茶雪花冰茶味夠濃，帶少許甘苦，平衡到紅豆嘅甜，另一重點嘅雪花冰冰質夠綿，入口即化！冰中內有乾坤，有玉米片、紅豆同珍珠，好有咬口麻薯串串（紫薯味）麻薯煙韌，咬落軟糯，鋪面嘅紫薯香甜唔膩，食完好滿足，煙韌控必試！

今日放假出銅鑼灣經過見到有間門面紫色嘅舖頭望真啲原來係台式甜品店！主打沙冰、芋球、仙草、芋圓等等仲有4款口味嘅 《麻薯片串 $27》 我揀咗紫薯味～～ 麻薯好軟糯，on top有奶油同紫薯蓉。另外仲嗌咗3碗熱+1碗凍嘅糖水芋圓有芋味，亦腍中有彈性，滿足嘅；仙草都夠多，滑嫩；整體小甜唔會膩～ 雙芋頭冰嫩仙草凍 $58 （熱）芋圓、紅豆、芋頭球（附送奶油球）黑金燒仙草 $47 （熱）芋圓、綠豆、薏仁、珍珠（附送硬花生）芋見幸福熱戀中 $62 （熱）芋圓、紅豆、芋頭球、珍珠、西米露甜水子露豆花 $52 （凍）西米、紫芋、豆花

超好食！超好食！超好食！真係好好食嘅，我要講三次！原本約左朋友係銅鑼灣shopping，行到咁上下，比依間甜品店出邊嘅貓貓裝飾、promotion吸引，就同兩個朋友入去坐低諗住傾吓偈，休息下嘩！一見到有勁多Jeff相 ！超開心！仲見到有一塊牌上面有留言，依家餐廳係由明星開嘅？🥰不過我冇問到，都唔係好肯定😅一食佢嘅招牌冰沙，嘩！仲好食過鮮芋仙！唔係碎冰，又唔係綿綿冰，係啲好碎好碎嘅沙冰，超有心思！仲要個配搭唔係太甜，感覺上唔會食肥自己😋見到有promotion，師奶仔嘅我哋梗係like下個社交平台啦，送咗嘅麻糬串都好好食！我兩個朋友就揀咗食豆腐花，話驚太凍唔夠食冰沙喎！不過，佢哋都一齊試吓，然後就話：好味！我都有試過佢哋啲豆腐花，感覺都好特別，唔太甜！不過，我個人比較鍾意有更重豆味嘅豆腐花，如果佢啲豆腐花令更香豆味，我諗我會超鍾意個豆腐花！最後，我哋仲每人買咗一杯手搖飲品，一路行一路飲。不過，唔記得同佢哋另外兩個影相，淨係我自己影咗自己個杯。最後，我仲買咗甜品俾老公食😆

身為一個甜品控，最近俾我發現咗一間隱世甜品店，佢哋嘅甜品款式多到眼花繚亂，而且樣樣都咁精緻，真係睇到都流口水！今次就同大家分享下我試過嘅幾款人氣甜品，保證睇完你會即刻想去試！🫶🏻麻糬串串（士多啤梨味）🫶🏻：呢個麻糬串串絕對係打卡首選！一粒粒粉紅色嘅麻糬串成一串，睇落去好似一串迷你版嘅士多啤梨，超級可愛！麻糬口感煙煙韌韌，咬落去仲有淡淡嘅士多啤梨香，甜度適中，唔會覺得膩。最正嘅係，佢哋嘅麻糬係即叫即做，所以食落去仲係暖笠笠，口感更加軟糯！ 🫶🏻芋見幸福：如果你係芋頭控，咁呢款「芋見幸福」就絕對唔可以錯過！一碗入面有齊西米、珍珠、紅豆、芋頭蓉同芋丸，真係一次過滿足你N個願望！芋頭蓉打得非常幼滑，芋香味濃郁，西米同珍珠煮得啱啱好，煙煙韌韌，紅豆煮到起沙，甜度適中。最驚喜嘅係佢哋嘅芋丸，內裡軟糯，仲食到粒粒芋頭粒，口感非常豐富！ 🫶🏻芒果棉花冰：食返碗芒果棉花冰，真係透心涼！佢哋嘅棉花冰打得非常幼滑，入口即化，芒果味香濃，仲有粒粒新鮮芒果肉，酸甜多汁，令人食到停唔到口！最正嘅係，佢哋嘅棉花冰唔會太甜，食完都唔會覺得口渴，絕對係消暑嘅最佳選擇！ 呢間甜品店嘅甜品款式多樣，而且樣樣都咁精緻，絕對係

琴日銅鑼灣行街，行行吓落大雨！見到有間食芋圓綿綿冰嘅甜品舖即刻入去睇吓。間舖頭有好多種類嘅嘢食，全部都好吸引。我哋叫咗Tiramisu蛋糕冰，啲冰好綿，Tiramisu超級夠味好有驚喜，中心有啲朱古力，同埋底層有手指餅吸晒啲咖啡味好好食😋再叫咗個紫薯串串試吓啦，嘩大大嚿麻糬超煙靭超好食，加埋個面嘅紫薯同埋仲有啲奶蓋嘅味道，好中我哋口味，勁想食多串🥴傾偈傾到好口乾，想飲杯嘢飲，就叫咗芋見泥珍好，一飲即刻好驚豔🤪因為入面係超足料嘅芋圓，珍珠，紅豆，仲有西米露！口感非常豐富，每啖都食得好幸福。另外環境都唔錯，可以睇到街邊風景，又可以慢慢坐傾吓偈，真係下午茶嘅好去處😍去開銅鑼灣都會encore😌

［📍銅鑼灣｜清原］喺銅鑼灣食完飯，諗住喺附近搵間甜品食吓，經過希慎附近，見到呢間食香芋甜品既好似好吸引，就入去試下。今次嗌咗雙芋冰嫩仙草凍，呢碗仙草凍有好多唔同嘅材料，紅豆、芋圓、芋泥乜都齊。特別要讚吓佢哋嘅芋圓同芋泥。芋圓質地夠晒煙靭，咬多兩咬食得出有芋頭嘅香味；佢哋嘅芋泥亦非常真材實料，除咗甜度啱啱好之外，仲特登保留咗芋頭粒係入邊，增加口感。另外仲嗌咗杯楊枝甘露，非常消暑。本身諗住楊枝甘露做飲品會有啲膩，但呢杯完全唔會，入面有好多西柚粒同芒果粒，飲落好清新。見到新品麻薯串串，好奇嗌左串椰子麻薯串串黎試吓，製作好認真。呢串椰子麻糬串串面頭鋪滿椰絲，配埋椰子脆片，旁邊仲有啲椰子味既cream，食落非常之香嘅椰子味，麻糬質地好夠煙靭，好有驚喜。🧊雙芋冰嫩仙草凍 $53🥭楊枝甘露 $48🥥椰子麻薯串串 $27

台灣人氣芋圓嚟到香港，鍾意Q彈煙韌口感台式甜品嘅我一定要嚟試一試招牌仙草冰3號 - 集齊紅豆、芋圓、芋頭球同珍珠，台灣經典味道，口感勁豐富，芋頭球極香濃綿密，仙草滑溜，天氣少少回暖食仙草冰又清涼又解渴芋見幸福熱暖中 - 西米露底甜湯，暖笠笠好滋潤，椰汁香味突出，同樣有齊紅豆、芋圓、芋頭球同珍珠，飲落好有咬口，夠晒足料焦糖串串 - 焦糖口味麻薯串，煙韌Q彈，同焦糖脆脆勁夾，啖啖都人多到滿滿嘅脆脆珍珠奶茶、仙草冰奶茶 - 台灣經典口味，奶茶可以揀唔同嘅茶底，我今次揀咗烏龍茶，茶底香濃，珍珠粒粒分明勁好咬，仙草冰奶茶就豆奶底，幾特別，好好飲堂食都多人，今次外賣拎返屋企慢慢嘆店面乾淨、光猛同闊落，佈置同音樂俾一一種泰國嘅休閒感，感覺好特別好relax，甜品同飲品嘅選擇好多，仲有好多唔同嘅期間限定品，豆腐花、雪花冰、鮮奶飲品、特色飲品、蔗糖系列等等，款款都好吸引，樣樣都想試，保證嚟親都有新鮮感，值得幫襯