影片
是日1点45 才放lunch, 想尝试新两𩠌饭在轩尼诗道, 有好几间两𩠌饭, 第一次帮衬。价值而言中规中矩, 款式较多, 但味道较辣和浓味.是次选了凉瓜饭和牛肉薯仔, 鸡柳, 味道不错; 而且现购买满HKD 40 有印仔储, 储满指定印仔就可以当钱洗. HKD 42 3𩠌
继续阅读
初初开业时帮衬过，当时份量都正常嘅，见好耐冇帮衬，即使平日放lunch时段超多人排队，谂都冇谂就帮衬下佢，点知出咗名，质素就差咗好多👎🏻。职员喺门口已问定要咩𩠌，我点嘅京都猪扒和肉饼都放在收银机附近，相隔长长嘅走廊，我当时冇为意职员夹咗几多入盒，从收银接过个饭盒时都觉得轻飘飘，返到office打开个盒，竟然返半盒𩠌，白饭就正常偏多，白饭仲涉入𩠌底，垫高仅余3小片嘅一口京都猪扒，其中1件应该以粒嚟形容，早知我睇下上一个食评先决定再帮衬😔份量少都算，京都猪扒好大阵漂白水加胶手套嘅味，连酸酸甜甜嘅汁都蓝盖唔过果阵胶味，🤮即刻呕返晒出嚟。好彩嘅系肉饼尚算正常，系有碎骨咁啰，其实肉饼都好难唔好食🤷🏻♀️
继续阅读
由开业至今一直系长期支持者，成班同事都好支持，日日食，一星期食足六日。之但系，呢两个星期开始发现𩠌格愈来愈多饭涉底，一次两次都喺度谂，可能系装饭𠮶时唔小心。但系今个星期情况明显严重咗，今日更加每边𩠌格都有半格饭喺底，今次系食鱼香茄子并炸猪扒，鱼香茄子啲汁落晒啲饭度、猪扒得𠮶三件仔真系好失望、食到火都嚟。另外，有其中一位装饭靓姐都几恶下。上星期听到佢教训排前面叫饭啲哥仔，明明系自己装错𩠌，哥仔提一提仲被反闹阿哥仔叫饭都唔识叫、叫得唔清楚等。大家都系想开饭啫，咁都被佢闹，真系有啲可怜。睇嚟要冷静一排帮衬下其他食店。希望冷静完有改善可以再帮衬。
继续阅读
呢间条人龙成日都长过楚留香$30既两𩠌饭居然可以叫鸡髀食🍗仲要size 都唔细唔怪之得成日排成龙味道又okD𩠌个样又靓仔见得人$30算好高质希望迟下唔好加价啦🥹
继续阅读
湾仔区虽然食肆多，但有时外出用膳多左，反而唔知食咩好。幸好湾仔两𩠌饭选择唔少，西菜日菜东南亚菜最后都食过嘅情况下都可归于原本，而且一盒嘅价钱相当廉宜，三十蚊就可以搞掂。今日就去左湾仔嘅添饭𩠌买两𩠌饭做晚餐。餐厅门口用memo纸贴哂是日有无菜式，比起一般得八个十个𩠌嘅两𩠌饭舖，呢间保守估计都有廿五个𩠌，而且可以喺店外慢慢拣先入去。餐厅环境有啲乱，但光猛干净。如果夜晚帮衬，餐厅会有汤水甜品提供。今日拣左西兰花拼椰菜花，再加辣子鸡。蔬菜类煮得啱啱好，唔会硬亦唔太腍。辣子鸡粉有啲厚身，但无炸到硬哂，辣味同咸味都唔会太过份。三十蚊加上租嘅系商业区街舖，呢个水平嘅食物质素绝对收货啦。
继续阅读