影片
五香牛什幼面（$35）有4片草肚，2旧肺，3旧肠，1件膀，加2片生菜，份量唔算好多，亦切得唔算大件，味道普通，汤底少咸，幼面正常。招牌猪什幼面（$35）有2件猪润，3片猪腰，2件猪肉片，2条猪肚丝，2粒粉肠仔，加两片生菜，份量尚算可以，但切得好细件同碎，味道还算可以，汤底有少少白胡椒同姜味（汤中有几条姜丝），幼面正常。冻柠檬茶（+$5），柠檬得三薄片，茶味欠奉，得个甜字。老实讲，两碗面嘅味道都极之普通（猪什𠮶碗好啲啲），以价钱计都叫做相宜，但可惜应该只此一次。主餐牌就标价$40，门口有张纸话所有特价粉面$35，但又无讲明边啲系特价。Anyway，仲之有平就可以了。只收现金。
继续阅读