影片
港铁黄埔站 A 出口, 步行约2分钟
继续阅读
营业时间
今日营业
10:00 - 21:30
星期一至日
10:00 - 21:30
公众假期
10:00 - 21:30
公众假期前夕
10:00 - 21:30
以上资料只供参考，请与餐厅确认详情
红磡德民街添宝手撕鸡简直呃钱又卫生！本人经常于元朗，马鞍山，屯门等分店购买食物，份量与价钱都好公平，唯独德民街呢间就非常暴利，记得第一次去买男主人话要$40起，无问题！当埋到厨柜拣选时，就感觉到𠮶个玻璃嘅热度非常高令人联想到内里嘅食物会唔会有变化，即时讲咗声对唔住唔买喇就走人。第二次因为应承咗会买青瓜手撕鸡比朋友食而又赶时间所以又到德民街这间添宝手撕鸡买外买，店员话一份要$60，无问题！我要够$80，点知个店员将只有半盒嘅食物装袋交给我，我即时问店员点解咁少嘅，跟我平常在其他分店所买嘅只得一半份量，会唔会听错或者搅错！跟著店员身后的女店主出嚟就话舖租贵无办法，唯有将货就价，唔好意思呀！我本人好想好想知道连锁店唔系都有规格去监管销售？而是坐地起价！！
继续阅读
【九龙城区】【添宝手撕鸡】有一晚坐朋友车去买饭，喺黄埔附近兜咗几个圈都唔知食乜好，由于 21/4 恢复晚市堂食到十点，所以都想趁机写埋多啲只做外卖嘅食肆。咁啱经过呢间添宝海南鸡，虽然知佢好似好多分店，但系我真系一次都未食过。讲话食就要食看似简单，但好似港铁新动力咁讲罢工讲抗争等到发霉都未见影，就知其实坐言起行喺呢个世代都系一件有难度嘅事。不过嚟到添宝，见到佢有块黑板写住「回家齐抗疫」，又真系有优惠提供，讲得出又做得到。就叫佢个抗疫优惠嘅「半只手撕鸡+4款小食」，个「手撕鸡」都有成盒，仲可以拣辣度。本身我系谂住拣唔辣，但系见到卖嘢嘅妹妹望住我嘅眼神，我一于改变主意，要小辣！佢细心咁打开咗一盒畀我睇，都真系打满晒架㖞。而小食方面，我拣咗「鲜脆鸡肾」、「爽脆生肠」、「麻辣熏蹄」同「软腍猪脷」，喺拣嘢嘅期间，店员妹妹都有话我听系乜，仲叫我唔好睇 menu 因为现场睇仲有咩小食就最好。我问吓问吓，又 R 到几句嘢讲嘛。咁样 $108 其实一啲都唔过份，仲可以用消费券，真系高兴。唔止呢两盒，喺妹妹 pack 嘢嘅时候，佢仲送咗一盒「鸡脚」畀我，真好。临走嘅时候望多佢一眼，绿色嘅头发配上青春气色够可爱，我只能还个深邃嘅眼神畀佢。放心，啲手撕鸡唔系甜嘅，麻酱令到佢个味道几厚实，辣度还好，骨头放盒底浪住又好睇又有嘢吮。而啲小食都几浓味，但浓而不咸，还好。只系个猪脷并非软腍，系爽口𠮶种嚟。我觉得呢两盒算对得住个价钱，几好。。。（地址：红磡德民街29号德民大厦地下A2号舖）#1amfoodie #foodie #hkfoodie #thatfoodiething #hkfood #food #1ambackup #1am0647 #foodies #globaleats #tastyfood #delicious #foodpics #followforfollowback #love #eat #1am九龙城区 #1am红馆 #红磡 #黄埔 #添宝手撕鸡 #添宝 #手撕鸡 #半只手撕鸡 #小食 #鲜脆鸡肾 #爽脆生肠 #麻辣熏蹄 #软腍猪脷 #鸡脚
继续阅读
前晚系红磡果间买左佢既手撕鸡捞面，我见佢盒面摆系温度而唔系雪柜都知奶奶地野，食完当晚就发冷抽搐、呕吐、发烧，辛苦到想死，睇医生话我急性肠胃炎，呢次系第一次亦都最后一次帮衬！
继续阅读
附近返工，咁啱经过买咗外卖食。招牌手撕鸡饭$36，可以拣唔同嘅酱汁，小食每款加$9，我加咗佢哋嘅鲜脆鸡肾。佢地既份量都算唔错，总共$45，正常食量绝对食得饱。手撕鸡佢一早捞定，配上大量青瓜😥鸡嘅份量比较少，反而青瓜多，鸡食落冇咩味，一般般，不过$36黎讲，绝对系合理既。要推荐嘅系佢哋个鲜脆鸡肾！好惹味，而且食落系脆口架😆个人好钟意！再配上佢嘅麻辣汁饭，一流！会回购💕不过下次可能未必会再叫手丝鸡，叫小食双拼可能会抵食啲。不过要讲讲既就系服务态度有啲差。。。
继续阅读
其实呢间舖一开张我已经有去帮衬，久唔久Lunch会去买个捞面食，以前有好多种口味捞面，但宜家得返胡麻酱同麻辣酱。① 胡麻酱手撕鸡捞面 $36中式凉面用胡麻酱捞匀，配料有手撕鸡同青瓜丝，但我觉得鸡肉有啲鞋，实在令我有啲失望。所以之后我都系拣凉拌小食，实在吸引好多。② 凉拌小食双拼捞面 $36多款选择，但留意返有啲「皇牌小食」要额外加钱。我暂时试过麻辣猪耳，卤大肠，熏蹄，生肠，牛肚，牛肺，皇牌小食头抽墨鱼等。份量几多，而且好味，个人推介生肠，爽脆口感。麻辣捞面我觉得有少少油，而且唔系好够辣，所以每次如果食麻辣酱我都会叫店员加辣，佢就会落多啲辣椒碎。.午餐会跟一包纸包饮品，不过唔冻既。另外想讲下店员啲态度麻麻地，真系次次帮衬都西面。
继续阅读