影片
港铁粉岭站 A1 出口, 步行约5分钟
继续阅读
营业时间
星期一至日
09:00 - 20:00
公众假期
09:00 - 20:00
公众假期前夕
09:00 - 20:00
以上资料只供参考，请与餐厅确认详情
招牌菜
本身平时都有帮衬开粉岭祥华邨添宝手撕鸡，今次一如既往买佢半只手撕鸡嚟食再加鸡肾，店员系一位戴眼镜哥哥，我唔知道呢位哥哥呢一日心情系咪好差定系唔知发生咩事啦！整个购买过程，佢都好似唔愿意答我问题，唔紧要，因为真系想食咪买啰！自问我同佢对答嘅态度系良好！佢唔愿意答我嘅问题，我就问多佢一次，咁之后佢都有回答我嘅！好啦，重头戏到俾钱啦！因为祥华邨街市要用八达通俾钱系要有一部机嚟嘟嘅，好啦，佢部机其实接触不良，反应亦都比较慢 (因为之前帮衬一次已知系反应好慢)，今次俾钱亦如是，嘟咗一阵冇反应，就再等啦！最后我先生帮手用佢张八达通俾钱，其实反应都系慢，但唔紧要比到钱就OK，比完钱后，呢位戴眼镜哥哥将成部俾钱机一夜调埋落去墙度！态度摆到明系发烂渣，但因为祥华邨街市系有储分又系要用𠮶部机嚟scan QR code, 所以个哥哥又要行返去𠮶埲墙攞返部机嚟俾我scan，scan完佢又再次掉返去墙到，当然又系发烂渣Mode! 可能呢位哥哥心情真系好差啦，但都唔明白点解要喺客人面前掉低部机！你觉得部机反应慢系咪应该要换过部呢？而唔系响客人面前咁样发烂渣！仲要佢每掉一次部机，其他档口都望过嚟，成个购买过程都极之差。之前系另一位姐姐睇档，个姐姐相对极之好人有礼！我唔知呢个comment会唔会比添宝手撕鸡个老板或者负责人睇到啦，唔该告知𠮶位员工好好管理自己嘅情绪！我冇得罪你，你都唔好喺我面前发烂渣！
继续阅读
今日同朋友行完流水响，见附近有街市就行去睇下有冇好野食，行左阵决定试试手撕鸡，因为入门口就见到，环境衞生都好整洁，小食都好吸引我地睇左阵餐牌，店员推介我地二人餐，因为好肚饿，就决定叫二人套餐加一份小拼盘，重有饮品跟埋，套餐$128加拼盘$55，总共$183蚊，价钱算合理，份量都满满的另外转个弯就有位置坐低慢慢食，好方便，最后两个人真系食唔哂，小食味道唔会太重，喜欢手撕鸡带麻油香味，麻酱捞面可以推介比大家，因为下午茶都$30蚊，又多小食选择。
继续阅读
今天去买70蚊有一个大𩠌4个小𩠌，其实眼见已经款式不多，而且每款更得好少，询问店员，店员话今日提早收工，所以不放太多出嚟，因为曾经响屯门新墟买过数次，觉得好味想买比家人试下，刚巧经过祥华邨店所以胆粗粗都买啦，以为买店员会加返啲入去，点知盘入面有几多就比几多，例如我要猪肠，盘入面有4至5旧，店员就挟4、5旧比妳，我再询问为何咁少，我响屯门新墟买有好多，店员竟回答佢哋已经系比其他店份量多，我话一定唔会，屯门我买过几次，一定多好多，系好多，店员无回应。奉劝大家不是不帮衬，但帮衬祥华店时要谂清楚
继续阅读