影片
以上资料只供参考，请与餐厅确认详情
麻辣鸡煲收依个价($138/只)真系超值，辣度适中唔over，自已加啲豆卜、枝竹、海参、菜及乌冬，两至三人食够晒，唔错的选择，可以再食。另外手撕鸡都系一个不二之选，再加埋猪耳及其他配菜，返屋企煮个饭又一餐，下次要试客家盐鸡，睇下水准如何🤔平时晏昼都有客家盐鸡饭盒，$26都算抵，但未试过，唔适合评论，不过有时间都会试，最后提示，麻辣鸡煲要预订，最好早一至两日，晚上食，就建议傍晚取，但疫情下出街受限，只能中午取，放凉后雪入雪柜1-4度，翻热后都不错。
继续阅读
今日天气咁热，一谂起要走入高温厨房，咩心情都冇，好唔想煮饭！所以今日经过牛池湾邨街市，见到有间新开张嘅「添寳手撕鸡」店，走去试下买返屋企做晚餐，好好食😋😋😋，D鸡肉好滑，加埋青瓜真系一绝👍👍，返到屋企只是加饭或汤面，已经食到清凉感觉。下次再试下佢哋嘅「客家咸鸡」，仲有佢哋有好抵食嘅午饭套餐，可配饭或捞面，只是$35，再加送饮品，如果想加小食，只不过加8蚊，好过自己煮，我见都好多人买，所以一定会再去帮衬😊😊😊
继续阅读