添好運點心專門店

营业中

休息中

新年來到『添好運』，相信會好運連連，因此就算要等半個幾鐘先入到去吃嘢，都照等，雖然不是我嘅作風。没有因過年而加價，值得讚賞必吃酥皮焗叉燒包，keep 住個好味道芥末醬脆皮牛坑腩，第一次試，幾特别

一直都知道添好運都好出名,但一直都沒有機會品嚐,反而朋友已經食過無數次,有次傾開,才知道我竟然沒有食過這間,馬上約我一起去飲茶。添好運的點心的味道。杞子糕我自已好喜歡杞子糕,食下去味道清涼,還有一點涼意,加上原粒杞子,也有助明目。芋頭酥看到重點推介,也會品嚐一下,外脆內有芋頭,幾香脆可口,難怪是重點推介。鯪魚球覺得味道略為淡了一點,但食下去不會覺得腥,加上都幾大粒。價錢親民,份量十足,難怪有口碑,而且食物的水準都相當不俗,有機會再會光顧。

米芝蓮一星點心鋪 仲要平既～去食下睇下咩料先！酥皮焗叉燒包 好多人點呢味！佢既包系即叫即整 新鮮滾熱辣 外皮酥脆 包住充滿蜜汁既叉燒 一啖咬落去d汁爆出黎仲有濃濃既叉燒肉香 好好食呀😍馬拉糕 新鮮出爐 鬆軟可口 個人幾喜歡！！食完仲想叫多個😍豉汁鳳爪 鳳爪好入味煮得好淋好易咬口 但味道有少少偏濃！黃沙豬潤腸粉 豬潤好嫩但口味一般！個人麻麻地！桂花糕 好似果凍錦既口感 但無乜味🤔總結黎講 呢個平民價錢食到米芝蓮一星店 真系算系錦喇！

呢間點心鋪出晒名 當年未開分店時食過 後來愈來愈多人食 又拎左米芝連 就更加多人食 郁d就要排半個鐘以上 怕左 今日突然間想食點心 就專程過黎深水埗元祖店試下 有冇走樣黎個腸粉先 個皮唔厚唔痴牙 個肉新鮮 山竹牛肉 元西味有d勁 我唔鐘意食元西都接受到 牛肉好鮮 唔似其他酒樓有陣霉味蝦餃 唔係雪蝦已經好感動 皮都夠薄酥皮叉燒包 呢個係最出名 但係我覺得係有叉燒料既菠蘿包😂😂😂😂😂但係好食既個包入面係足料既桂花糕 正常 冇乜特別 係桂花味比正常重一點價錢性價比高但侍應有點忙 不能太幫到手

平日一點黎到,我等左十五鐘到,冇想像中等咁耐.環境同一般茶樓冇咩分別,位置比較擠迫.一行兩人叫左大概8個點心到,個人認為煎炸食物整得幾好食,整體水準十分之高,不愧為米其林一星,個人推薦蝦餃,腐皮卷同焗叉燒包,埋單大概二百,係一間幾抵食既米其林一星!

帶台灣朋友喺太子周圍行，問佢食過香港點心未。佢竟然話未，咁梗係識做即刻帶佢去深水埗添好運食啦。 佢話台灣都有添好運，不過成日都要排長龍，至少都要排一個鐘。同埋台灣嘅點心，應該冇香港咁好食。 所以真係唔使諗咁多，即刻帶佢去添好運，試下正宗嘅香港點心。我哋好好彩 唔使等好耐就有位。大概都係十五分鐘，唔算好耐。一坐低梗係嗌必食嘅焗菠蘿叉燒包啦，然後仲嗌咗鳳爪，蘿蔔糕同埋蝦腸粉。佢都食到舐舐脷，大讚香港點心好好食。 佢覺得最好食係菠蘿叉燒包，梗係啦，呢個係王牌嚟㗎。連我減肥都唔可以唔食，食少少頂下忍就算喇。呢間真係值得encore完再encore。推薦。

作為從小飲早茶到大的廣東人，這家點心店驚艷到我了！ ！ ！店鋪不大，位置也比較擁擠，快餐店的感覺。萬萬沒想到如此低調的環境竟然出品上乘口感精緻，不輸大酒樓。「酥皮叉燒包」外皮酥脆，剛端上來時裡面的叉燒很燙，但非常香濃，哪怕燙傷嘴皮也忍不住吞下去。「香煎蘿蔔糕」貨真價實的蘿蔔糕，裡面能吃出蘿蔔絲。口感香軟，但味道較單調。

有外國朋友想試添好運 平時好多人排隊 今次一於早啲去攞位!!! 最後都等左成個鐘😭😭😭叫左經典既傳統點心 個人諗為唔算特別好味值得排一個鐘唯一想推介既係 酥皮叉燒包👍🏻餡好多 新鮮熱辣 好正

添好运也是每次到香港的必打卡店，最中意深水埗这家店，每一道点心都很赞，古法糯米雞、布拉腸粉、桂花糕、 晶瑩鮮蝦餃 、酥皮焗叉燒包。这次怎么感觉酥皮焗叉燒包变小了。还好口味没变！

真係幾時過嚟都係好多人，突然間想食點心係中午嘅時間一家三口就嚟到深水埗嘅添好運等位，成個門口都好多人，有遊客有本地人，相信大家都係慕名而來，而我都食過好多次了！每次諗起佢哋嘅叉燒包就好想過嚟食，但係每次諗起要等好耐就打消左！今次中午時分嚟到大約等左半個鐘就有位，成個餐廳都坐滿晒人，好迫，好嘈！不過落單5分鐘左右點心就到了，夠快手！酥皮焗叉燒包，係我食過好正嘅叉燒包！餡料夠多，酥皮香脆，仲係熱辣辣！正滑蛋牛肉飯：份量都幾多，飯我鍾意佢比較林小小，啱晒小朋友食，而且豉油唔係太鹹，牛肉又香又林！黃金豬膶腸：豬潤腸粉嘅配搭都係絕配好味！而且夠滑，平時小朋友唔鍾意食豬膶，但配埋腸粉他們就大膽食！特別為親子為主題設加分（五個👧🏻為滿分）店鋪對親子歡迎程度：👧🏻👧🏻有小朋友最喜愛嘅卡位：親子設施：小朋友餐具：合適小朋友食物：👧🏻👧🏻👧🏻👧🏻衛生情況：👧🏻👧🏻👧🏻

2018年最後的一天，為了希望來年能帶给新希望，選擇了這間店舖名稱添好運點心專門店品嘗食物。幾年前曾光顧將軍澳分店，食客很多， 排隊輪候入座時間亦很長，但今天來到這間深水埗 分店，等候不消五分鐘便可入座。環境雖然給人感覺十分擠迫，但得到熱情的招呼呢。侍應生向我們遞交點菜紙及茶水，食具及擺設也很精緻。添好運點心一向都是很美味的，所以今天再次品嚐，感覺上有少少改變。從點心紙上挑選了 薑蔥牛肉角(20元)酥皮焗叉燒包(20元)韭黃鮮蝦腸(25元)賽螃蟹春卷(24元)陳皮牛肉球(17元)，再點了兩個盅頭飯，分別有鳳爪排骨飯(25元)土魷馬蹄肉餅飯(24元)相信它的聲名全遍天下，只因為發現有很多不同國藉的食客光顧。希望它能繼續營運，帶動經濟繁榮

火到唔寫唔得, 本來坐低坐, 後面都係同我們一樣, 2人坐4人位, 一遞茶過黎就話坐埋邊, 又叫我地坐2人位, 我就火火地講你地滿坐先, 因當時都起碼有20個吉位, 點知落完單, 有1位人士入黎, 條友就特登叩佢坐落我地張枱度, 後面同我地一樣都係 2人坐4人位 , 並且有張2人枱唔叫佢坐, 我就火起, 你特登果喎 , 我拍片證明你哩度有好多吉位唔比人坐, 我從未試過去寫差人地, 哩次第1次, 請大家認住哩條友, 與其他做野既人冇關, 哩間野坐位好迫迫夾夾, 坐得好唔舒服 , 所以我寫出黎比大家知!

一大早跟家人出發到深水埗，目的就是這家米芝蓮點心專門店。我們9時多到達，不用等位。點心款式不算多，打星的是本分店特有。我們3人一共點了9款點心。酥皮焗叉燒包是其中一款我覺得相當不錯的。菠蘿皮面很酥脆，叉燒餡也很多。另外也叫了瘦肉粥，牛肉球，炒麵跟腸粉。賽磅蟹春卷，鮑汁鳳爪跟爆炸醬鮮肉釀油條也是分店獨有。可是春卷有點太咸，鳳爪也很普通。另一款我覺得不錯的是流沙奶皇煎堆。熱騰騰的奶黃跟鬆脆的外皮很配。

星期日難得放假，一大早跟家人來到「添好運」飲茶據稱是米芝蓮一星的餐廳🤔來到的時候大約11點，店外人山人海，等了大約30分鐘才有位食物選擇不多，款式也不算特別香煎芋絲餅與想像中有出入，並非芋絲也沒有芋頭味，又乾又鬆，不推薦螃蟹春卷🦀餡料與普通春卷不同，味道不錯外皮也炸得夠香脆酥皮焗叉燒包聽聞是必吃的，幾乎每張枱都有一碟其賣點是酥皮說實話，酥皮口感不錯，只是叉燒餡太鹹，以致整體扣分鼓油皇炒麵味道不過不失，可是十分油膩鮮蝦燒賣皇賣相味道不新鮮失望美味炆鮮竹卷味道一般，偏油膩，不推薦整體而言，食物質素一般，水準稱不上是米芝蓮🎖環境不太舒適，冷氣超大不會再encore

我諗作為一個香港人無理由唔識添好運,不過聽左咁耐,其實我都係第一次坐低食.之前都係朋友比我試完個叉燒包,我先會係公司附近買叉燒包拎走食.無奈真係太多人等.老公提議不如去試下,平時我最討厭就係飲茶.我都好快答老公對於我呢個反應佢都話好驚喜 . 其實係因為我掛住個叉燒包先想去平日既11點幾去到 都有人等.不過係極少數.我地等左大約2分鐘就有.原來個MENU都幾少野食. 茶錢$3位 , 點心都係十幾廿蚊我當然第一時間要呢個 雪山叉燒包啦. 果然無令我失望.堂食係更加好味!!平時我係唔食叉燒包嫁!我只係食呢度既雪山叉燒包嫁咋!豬潤腸粉,我地2個都未試過食豬潤做料既腸粉,所以就一於試下.個皮係薄同滑既!又唔會薄到一夾就穿不過我就馬馬地呢個豬潤既配搭.蝦餃 無話特別好味,不過就唔會好似出面D酒樓咁蒸到個皮爛哂煎蘿蔔糕,唔多料,夾落去會散開.所以呢個係最一般流沙奶皇煎堆 飽到上心口 老公都話要試. 奶皇係咸咸地果隻,唔係吉士,煎堆炸得幾好,係新鮮既!