添好運點心專門店

营业中

休息中

魚腥味既燒賣我真係第一次食😂168既叉燒又柴又乾，哀過兩餸成堆野得個蘿蔔糕係正常同左經理講，送左個桂花糕，但sorry, 真係無下次大家如果想分手，呢度係唔錯既選擇叫左杯凍鴛鴦，唉，26蚊，我後悔了，唔啡唔奶，水一樣糯米雞料足但食完會腎虧點解正常質素都無，唔係米芝連咩，咁高評分係咩事，大家唔好上當要小心中伏。。如果外國人黎食香港點心，食呢間就真係倒香港米，款式已經唔係多，仲要做到咁，張檯又細，快逃！！

前幾日黑雨落左後，落去奧運添好運同bestie 飲個茶先🫖其實我都隔左好一排冇去添好運食點心一到步先叫個茶，揀左特色熱茶嘅「瑰荔堂煌」，我都係對花香+荔枝類字眼冇抵抗力不過聞落又真係有玫瑰清香，飲落有點果香，而因為佢係紅茶底，所以越沖越偏濃少少，但我鐘意🤡當晚仲叫左：酥皮焗叉燒包。添好運招牌食物，酥皮酥脆如菠蘿包，內餡叉燒肥瘦適中，咬嘅時候都真係要小心，因為咬個下會很燙，但包點熱辣辣先夠好食～甜鹹交織，比傳統蒸叉燒包更添層次口感！洛神花米網紅米蝦腸。洛神花染出粉紅米皮都幾靚，酥脆金網裹著彈牙蝦肉，酸甜果香平衡鮮味，入口先是酥脆繼而鮮嫩，都色香味俱全嘅蜜味叉燒腸（正常發揮）香煎蘿蔔糕（正常發揮）蛋白蝦春卷（正常發揮）鮮蝦燒賣皇（正常發揮）整體而言，除咗食物味道ok，好欣賞這店嘅上菜速度，都真係黎得好快手🤣🤣唔怕餓親

添好運的酥皮叉燒包是廣受歡迎的經典點心，口感與味道堪稱完美。酥皮叉燒包外層酥脆金黃，層次分明，輕咬一口，酥皮瞬間化開，配合內裏豐富的叉燒餡，甜鹹適中，叉燒肉質軟嫩多汁，醬汁濃郁，甜味與鹹味平衡得恰到好處，讓人回味無窮。酥皮的香氣與叉燒餡的味道相輔相成，使這款叉燒包成為添好運的招牌菜式之一。桂花糕外形晶瑩剔透，質地細膩柔軟，入口即化。桂花香氣自然清馨，甜度恰到好處，不會膩口。每一口都帶有淡淡花香，為味覺帶來層次感，配合糯米的Q彈口感，使整體體驗非常舒適。在炎熱天氣中享用真係一絕😙😗👍🏻

以前親戚係澳洲返嚟成日話澳洲呢間飲茶好飲，但係香港我都無試過呢間唔知係咪都好似親戚所講咁好食。叫咗燒賣、蝦餃、叉燒包、煎腸粉同奶皇包。女女最鍾意奶皇包，包皮鬆軟，餡又唔太甜。蝦餃皮薄餡靚，蝦肉爽彈；燒賣都大大粒肉質都好厚實。最驚喜係煎腸粉，香口唔油。地方唔大但枱與枱之間算闊，職員有幫手安排BB車位置👍，感覺幾細心。落單後15分鐘左右全部點心上齊，唔使等太耐，小朋友唔會不耐煩。價錢合理，埋單二百左右兩大一細都夠飽。最緊要係乾淨企理，小朋友食得安心。下次會再帶阿女嚟試埋佢啲甜品。👩‍👧🥟

最鍾意食佢皇牌嘅雪山叉燒包，每次過到嚟必定叫其次就係蝦腸粉，燒賣，點心樣樣都唔錯，同埋食佢嘅肉餅飯裝修咗之後，感覺環境更加舒服，服務也不錯，有時唔想食傳統茶樓就會過去食佢

諗住咁耐冇幫襯 裝修完試下 點知就中伏！1 沖茶熱水唔滾 茶淡而毋味 仲敢收八蚊茶位2 腸粉唔熱 只係室温 仲敢話即叫製3 鹹水角油膩 又炸唔透 直情滴油4 蝦餃簡直係失敗 拙劣之作冇下次！

地區:旺角食店名稱:添好運地址:旺角海底道18號奧海城2期地下G72A-C舖🍜 食物：酥皮焗叉燒包真係無得輸！叉燒腸同燒賣都好好食，蝦餃鮮蝦彈牙。肉餅飯同鳳爪排骨飯都好入味，金銀蛋瘦肉粥比以前大碗左。脆皮炸班蘭炸鮮奶係驚喜之作。🎵 環境：舖頭位置方便，環境乾淨企理，座位都算闊落，坐得幾舒服。雖然人多嗰陣會嘈少少。💰 價錢：5個人今次食咗$395，以點心嚟講算係合理，尤其係質素咁高。⚖️ 性價比：食物質素高，價錢又唔算貴，性價比幾好，絕對係平民米芝蓮嘅水準！💬 總結：整體嚟講食得好滿足，點心款式多又高質，絕對係會再encore嘅餐廳！追加個人小諗法：酥皮焗叉燒包真係必食，每次嚟都一定要點！脆皮炸班蘭炸鮮奶都係驚喜。如果唔想排隊，建議避開繁忙時間嚟～我就12:15有同事囉左位直入

總體的體驗還算 ok 吧。以下是我對幾道菜的評價：燒賣燒賣的味道也不錯，四粒中有三粒多肥豬肉，肉質口感豐富，也讓人一口接一口， 間中要吐肥豬肉出來。 脆皮叉燒包這款叉燒包的脆皮真的讓人驚喜，外皮酥脆，內餡叉燒肉也相當入味，搭配一起吃非常過癮。這道菜絕對是值得推薦的。豬潤腸粉豬潤腸粉的表現還算中規中矩，但如果腸粉能再多一些米香，搭配大舊一點的豬潤，味道會更加出色。現在的口感略顯單調，期待未來的改進。 杏仁糖水杏仁糖水的口感不錯，香甜可口，但如果杏仁的味道能夠再濃烈一些，會更具吸引力。現在的版本 Okay，期待有更好的調整。豬腳豬腳的份量一碟只有三舊，味道算是不錯，但如果煮淋得少一點，配上更多的調味，會更添風味。總結整體而言，這間點心專門店的表現還算可以，某些菜色值得推薦，也有提升的空間。期待未來再訪時能品嘗到更佳的改進！

2025年1月1日想趁一年之始，去食一間很久無食過的食肆——添好運（大角咀），選大角咀是因為它剛完成裝修，想睇吓有沒有驚喜。驚喜卻換成一肚氣。一坐下來，才知原本不用挑也不另收費的茶葉，於是選了「一級鐵觀音」，來到之後，第一泡無味，以為第二泡會改善，卻因水溫不夠高，所以茶葉不出味。後來忍唔住，麻煩侍應更換，新入職的肥哥哥仔好好人，幫我們加夠兩包茶葉，再沖一次，結果飲到最後都係無味。失望😒第一樣叫的是皮蛋瘦肉粥，完全唔熱，又麻煩待應哥哥仔翻熱才勉強食到，但味道不佳。第二樣叫黃沙豬肝腸，豬肝並沒有「沙」，味道尚可，溫度不夠。第三樣雪山叉燒包，大家估到熱度無從前的熱，味道可以。而新餐牌卻沒有了豬肺湯，失望！總體而言，完全失望！不會推薦👎🏻

個日行開旺角，個friend話想食點心，諗住旺角好多選擇但佢話想食添好運，本身自己都唔太好一啲做到好出名連鎖跟住全世界都有分店嘅舖頭，因為都會小伏。。。咁個friend話好食，咁比次機會可能我自己有偏見入到去覺得個環境麻麻地，個場冷氣又唔夠，算，可能啲嘢好好食，咁就叫咁幾樣野鳳爪排骨飯啲排骨用鬆肉粉整到淋曬，無肉味唔使咬都呑到蝦餃就正正常常，唔係特別出色叉燒腸同個鮮蝦腐皮卷都係正常最離譜同失望就係佢個酥皮焗叉燒包，但唔記得影相，仲話招牌菜，我一咬落去入面係唔熱嘅，一啲都唔好食。。其實一早都已經想走㗎啦，因為入邊啲選擇係少得可憐，如果唔係我都唔會叫個排骨飯。。我諗有生之年都唔會再去呢啲受遊客歡迎嘅地方，食所謂嘅點心😔😔😔唯一值得讚嘅就係啲服務員態度非常好👍

食完忍唔住即刻google點解呢間餐廳會咁出名？from google:[ 添好運由麥桂培師傅和梁輝強師傅共同創立。麥師傅曾在享負盛名的香港四季酒店米芝蓮三星餐館龍景軒擔任主管。 2009年，兩位師傅聯手在旺角開設了他們第一家點心餐館，當時只有20個座位，一年後即榮獲米芝蓮評為一星餐廳。 其後，他們開設更多分店，並且每家餐館都獲得了米芝蓮星級榮譽。]分店開到去外國唐人街，外國人首先認識香港點心就係呢一間！！點解伊家佢d點心質素會變成咁？！！！由環境到食物呢間分店完全係幫緊佢整臭緊自己嗰朵！！張凳比我污糟既感覺坐完令我諗起前排高鐵d 凳有乘客坐到真菌感染單新聞🥶仲比我見到餐廳職員將個食物盤浪住喺我張凳嘅椅背度上菜🥶🥶食物非常一般所有有汁食物個汁都非常結放幾分鐘就會'king'左慘烈過屋邨酒樓雪山叉燒包算係最食得落豉油王炒麵有色但無味其他（尤其係鮮竹卷同蛋白春卷）要吞🤮never come again!!!

同事一班人食午餐，最重要係快，有位。。。同事選了大角咀添好運。洗杯碗已非自己恒常做的事地但發現杯內有未清洗好的茶漬，扣分了。服務員尚算細心，加水加公筷，俾紙巾，牙簽，都有禮貌。食物方面：最好咪係酥叉燒飽，熱辣辣，外香內軟，叉燒味剛剛好。蝦餃：蝦肉多，ok牛肉球：沒有特別，食唔到陳皮味蘿蔔糕：ok，蘿蔔味唔覺咸水角：香脆，尚算隻腸粉：正常表現，沒有特色紅油炒手：紅油唔錯桂花糕：清甜好炒麵都好大碟。唔想等位，可以一試

老牌港式點心「添好運」是香港其中一間歷史悠久既點心店，今日品嚐了燒賣、蝦餃、炸雲吞和牛肉腸粉,深深感受到這家餐廳在傳統點心製作上的出色功力。首先是燒賣,外皮恰到好處的焦香,咬下去餡料飽滿多汁,肉餡鮮嫩可口。蝦餃則包裹著飽滿的蝦肉,清甜爽脆,完全道出了海味。而炸雲吞的外皮酥脆鬆軟,內餡飽滿,肉汁豐富,令人難忘。最後,牛肉腸粉的表現同樣亮眼,薄薄的腸粉包裹著鮮嫩多汁的牛肉粒,吃起來口感細緻綿滑、層次豐富。值得一提的是,「添好運」在分量和價格上也非常講究。每一款點心的分量都恰到好處,不會過於寒酸,也不會太過飽滿,很好地平衡了份量與口感。而價格方面,相較於其他港式點心店,這裡的價格也相當實惠,物有所值。總的來說,「添好運」無疑是一家出色的港式點心店。從原料的選用到烹調工藝,無一不體現出店家的用心經營。無論是作為正餐還是小吃,這裡的點心都足以圈粉。我相信只要再接再厲,「添好運」定能成為香港美食文化的代表之一。

買了戲飛和親戚在奧海城睇戲，入場前醫一醫肚，揀了添好運，人多就可以食多幾款點心！茶錢則是按所選茶類分成$6/$8/$12 / 位，豐儉由人。蜜味叉燒腸，皮薄，叉燒餡足，啖啖都食到叉燒！潮州蒸粉果，皮薄晶瑩，餡料飽滿，有齊芫荽、沙葛、肉碎、花生，味道香，口感豐富。南瓜絲芋頭餅，口感比較結實偏硬，減卻香口程度。鮮蝦燒賣皇 ($34)，燒賣大大粒，蝦仁與豬肉餡彈牙。陳皮牛肉球 ($25)，不會太稔，帶點咬口。 香滑馬拉糕夠香又夠鬆軟，濕潤度剛好！酥皮焗叉燒包，熱焫焫出爐，酥皮外層夠香脆，內裡叉燒餡帶蜜味香甜，好吃！炸兩，稍嫌內裡包裹的油炸鬼較為硬身，不夠鬆脆。杞子桂花糕，桂花味清香，味道不會太甜，作為晚飯的結尾都算不錯！吃了那麼多食品，人均消費大約$90，價錢都算合理。

添好運真係久不久我就會去食蝦餃燒賣鳳爪蒸飯真係好好食，尤其酥皮叉燒包雖然點心款式較少，但做好根本都好重要。 而家仲進步咗，有冷泡茶，今日試咗蜜桃烏龍，淡淡桃香唔太濃，好飲。