深燒 (已結業)

同女友去食夜晚,叫两串猪肉包露笋, 鸡软骨, 牛柳粒各一,一个焗杂菌,再加一个照烧鸡柳乌冬 + 吉列猪扒三色捞。首先系焗杂菌无哂, 算。然后系照烧鸡扒乌冬, 唔见皮唔见烧汁, size 同片竹轮差唔多...跟住系四串串烧除咗鸡软骨合格,牛柳太韧 + 露笋系冻嘅...最后系我地食哂所有嘢,个吉列猪扒都未出现,要问佢先话整紧。全单181, 平时出街食除咗 +1,都会比两三蚊贴士,尤其是情人节夜晚,但啲嘢食质素同服务去咁...都费事比贴士,另外, 永不录用。p.s. 你黄我黄都系咁话...…查看更多

寻日同三个朋友一齐去左深烧食晚餐，比较早到，未够七点，就唔洗等位。不过之后食食下都开始多人，晏去就可能要等下位。我哋寻晚嗌左烧茄子，杂菌，明太子酱薯条，鸡翼，羊架，千层肉，木鱼玉子烧，大啡菇，鸡软骨等等，仲有好多好多！都有好几种蔬菜可以嗌，唔会全部都系肉咁腻。烧茄子系原条上，上面铺满蒜容，好惹味，好正！杂菌都好入味，大啡菇上面铺左粟米同芝士，食落好满足！木鱼玉子烧都好好食，成枱人都话要encore! 每样都即叫即烧，要等下，不过都出得好快！价钱都好平！好适合几个朋友落去聚餐，可以叫多啲野试下，整体而言系样样都好食！发掘到好野食好开心，会keep 住去食!!!…查看更多

呢一间深烧系屋企楼下开咗有一段时间但系从来都未帮衬过，其他连锁嘅餐厅已经食到好厌，今晚就决定试一试！竟然系出奇地好味！叫咗个猪软骨拉面，本来都系抱住一般嘅期望去试吓嘅啫。点知汤底有浓厚、猪软骨仲要入口即溶、就连配菜嘅粟米都好鲜甜，从来未食过一间嘅猪软骨𠮶啲骨系林都可以入口即溶嘅，啲肉又唔会鞋飒飒，真系觉得好好味！配埋汽水或者茶都系$48同隔离同楼上嘅连锁餐厅价钱差不多，但系以小店来讲算系好好食！下次要试埋佢嘅乌冬听讲系赞岐乌冬同其他串烧！…查看更多

人大咗，工作有时需要去到天南地北，放工后难免经常赶唔切一啲聚会。而今日咁桥赶唔上家族晚餐，无奈地必须自行解决，所以一个人食饭，我通常都会以够平呢个条件去决定食乜好。呢一间位于朗屏邨嘅小食店，我呢种咁岩无饭食嘅孤独精最适合不过喇。唔好以为所有串烧店下下都要几百蚊埋单，其实要平食，呢到40蚊都可以有找兼饱饱添咖！小店长期都有套餐供应，通常都系两款小食加一碗拉面送汽水，大概40至60蚊；又话40蚊有找？咁就要有策略咁去食喇！餐牌内分别有$18大/$12细拉面选择，我两个尺寸都食过，大嘅份量系细嘅Double，小胃女生可以柯打碗细再加两串小食，够哂饱；然而怕唔够就叫大碗就实无死。如是者，我呢啲颓爆少女当然随意柯打少少就食完个晚餐，于是就一碗细拉面、芝士肠、一口蕃薯再加多罐可乐解解渴，就系咁简单，够平够饱！不过都题外话讲番，个人觉得大细碗拉面嘅份量好似有啲唔稳定，感觉上次细碗嘅面比较多，唔够饱真系唯有叫多串串烧。至于曾经喜欢柯打嘅蒜蓉茄子，最近比较逊色，初期开店时茄子用嘅蒜蓉量系相当豪迈，蒜蓉同牛油平均分布系整条茄子，十分入味！可惜最近调味料一次比一次少，取而代之系增加咗好多味粉，但味道始终不及从前，希望小店会有所改善啦。…查看更多

昨日和3位朋友去咗朗屏村商场【深烧】食野倾偈，个度环境舒服，服务周到，交通又方便，地下就系巴士总站和的士站。等我同大家分享下，个度嘅食物款式多，味道吾错，在食物中揾到惊喜。我地倾下倾下点咗好多野食，有明太子饺子鸡翼，特色蒜茸烧茄子，秘制烧猪颈肉，芝士烧蚝，串烧蟹子沙律，烧秋葵，玉子烧，汁烧烟鸭胸，烧露笋，翠玉瓜，日式拉面，岩盐牛仔骨，蒲烧鳗鱼……值得推介嘅系明太子饺子鸡翼，将鸡翼去骨把明太子饺子让入去鸡翼中味道超正，老板娘推介串烧蟹子沙律，味道清新，爽而不腻，正! 仲有烧茄子，芝士烧蚝，秘制烧猪颈肉，都好好味。吾觉吾觉点咗超多野食，埋单都系$500，好味，抵食!一定要推介俾其他亲朋好友去食。…查看更多