深宵食堂 (已結業)

夜晚來了這裏和朋友吃串燒, 有時候, 我覺得兩個女仔去吃串燒, 也是一種浪漫。這間餐廳的串燒整體質素高, 而且開到好夜, 所以有時可以在深夜時段來吃宵夜~ 餐廳環境氣氛也不錯, 這是一個吃宵夜的好地方。每款串燒味道都很惹味, 還帶點黑椒味或調味料的味道。前菜 - 凍奴豆腐上面倒上了日式芝麻醬, 有好幾片豆腐, 很嫩滑, 充滿豆香, 食落很開胃, 當前菜不錯~汁燒帆立貝鮮甜, 質感彈牙。鹽燒雞軟骨串很惹味, 我幾喜歡吃雞軟骨, 因為非常有咬口, 用來送啤酒一流~炸物也不錯, 很香脆可口。BB露筍外面以豚肉薄片包住, 豚肉帶點脂肪, 肥肥的。 蘆筍配豚肉, 這個配搭不錯。自家製豬軟骨手打湯烏冬 - 份量不是太大, 所以不會太飽肚, 可以叫幾碟串燒和小食, 然後再叫一個主菜來分享。吃個烏冬, 清清地。吃完串燒再吃烏冬, 感覺沒有那麼熱氣。

一直都想黎, 但就係成日都唔記得左件事。今日同朋友行經銅鑼灣, 又唔趕時間, 不如去食個便飯。企係門口睇左一陣菜單,雖然無discount, 其實都唔係好貴, 都算過得去。餐廳面積唔算大, 但座位都算寬 ,唔會坐到好逼不過都係食過便飯就無謂咁執著。款式都幾多可以揀, 我揀左個深宵帶子燒, 另外叫左個烤羊扒其實我幾鐘意種配搭,因為食帶子燒會唔夠飽 但一個人食又食唔曬,所以2個人岩岩好呢個羊扒就剛剛好, 滿足了食欲。秋刀魚都燒得幾香, 又唔鞋, D 汁撈埋成條魚變得好好食,攪到我連炸紫薯都好大啖咁食曬, 肥死。露旬燒唔算太膩,但味道好香總括而言, 呢個晚餐都算性價比幾高。不錯。

返工有小小不如意， 就諗住同朋友吹水飲酒同食串燒。位於銅鑼灣的食街的樓上餐廳，見到呢間openrice 推薦的平價居酒屋。見到menu 一堆分好晒，一口氣叫了一堆野食。首先朋友是牛肉愛好者，一口氣叫了一堆串燒，一口和牛串，汁燒金菇肥牛卷，生燒牛脷芯，蒜片一口牛粒，麻辣牛脷手打湯烏冬。特別好味的是牛脷，加了小小鹽，香口又入味，最尾忍不住再叫了一串。烏冬微辣，湯底也不錯。我就比較喜歡海鮮，叫了汁燒白膳，吉列廣島蠔4隻 ,芥末八爪魚。全部份量都好足，好味。再叫了一些平時常見的item, 掋食又實惠，鹽燒雞腎，豚肉露荀卷，好好味，豚肉包到實正，有微燒焦感覺。性價比高。肥牛包金菇都有異曲同工之妙，都係實正，外面微焦，入面仲有很多水份。玉子燒勁大份，入面好多芝士，上到來熱呼呼，好好味。最後，叫了芝麻雞翼3隻， 外脆內有水份。芝士蟹肉玉子燒好大份，入面芝士好足料，上枱仲要不停有煙冒出，真到好大份，最最最後，牛油炒雜菌好味。菇好爽口。食完野東西有少少鹹，叫了冰燒菠薯及蜂蜜袖子茶去少少味精。食完真的是抱著肚仔走

與朋友相約在銅鑼灣，到了深宵食堂吃晚飯。我們8點來到，幸好還有位置。我們點了一口和牛串。和牛串肉質鮮嫩，而且很有咬口，份量也很多。我們又點了汁燒金菇肥牛卷和豚肉露荀卷。肥牛緊緊的包著金菇，豚肉包著露荀，一口咬下去十分滋味。我們又點了芝士蟹肉玉子燒 。玉子燒十分大份，而且上面用醬汁寫了「深宵」兩個字，賣相十分特別。玉子燒中間的芝士十分濃郁。我們又點了生燒牛脷芯。牛脷燒的十分出色，調味也調的很好。我和朋友也忍不住再encore。因為想吃烏冬，我們點了一碗麻辣牛脷手打湯烏冬。手打烏冬十分彈牙，而且湯底也有點辣，十分開胃。我們再點了冰燒菠蘿。燒菠蘿十分juicy，而且一串有4塊。飲品方面，我點了一杯蜂蜜袖子茶。袖子茶的袖子很濃，最適合吃飽後解一解。不得不讚這間餐廳上菜上得很快。今天真的很滿足，下次一定會再來試試其他。

今日同友人去銅鑼灣找吃的，發現一間樓上日本古色古香的居酒屋，上到店舖門口 就已經被香噴噴的串燒味道深深吸引住。餐廳職員禮貌周到，並且非常熱心介紹，讓我們兩個懵懵懂懂上門找美食的女生深感安心，而家嘗試了很多100分的菜式。餐廳環境別緻，令人感到舒適，擺設都極具日本文化的特色。先來兩杯飲品，巨峰提子梳打，切勿走冰！ 冰甜的感覺十分解渴及令人身心暢快。食串燒前先來個沙律，是一個令人出其不意的沙律，完全意想不到蟹肉沙律的蟹肉量可以多到滿溢。雞泡魚乾，燒得非常入味，而且不會過硬，絕對是為其他菜式打響頭炮。金菇肥牛卷及牛舌都燒得火候剛好，咬上去肉汁非常多，又彈牙。喜歡菜式的調料。芝麻雞翅，意想不到的份量，大大隻雞翼配以芝麻熏製，不但外脆更內肉汁洋溢。炙燒帆立貝粒粒都非常大，極高性價比。

今日收工都已經幾夜，好彩呢間深宵食堂開得夠夜，我倆先有好野食！吉列廣島蠔4隻$42炸皮夠薄，夠鬆脆！蠔肉都算大隻，炸得啱啱好，仲嫩既。豚肉蘆筍卷$38男友叫既，本身唔係太大期望，點知一食，發現呢個好好味！蘆筍夠幼嫩，豚肉燒到香脆，加上燒汁，成個好夾，好正！最後再叫多左客！！如果多幾舊就好啦一口和牛串2串$78呢個和牛唔係燒到全熟，燒得啱啱好，和牛肉質多淋，燒完之後牛味更出秋葵4條$24加上七味粉一齊燒，食落唔會好單調冬菇4粒$24呢個燒完都好juicy !鹽燒雞軟骨串2串$32好脆卜卜，正，好香燒雞油味生燒牛脷串1串$38牛脷屬厚切，味道不錯香草紐西蘭羊架2件$82超鐘意呢個，羊架燒到好香，羊肉夠嫩，加上醬汁真係好夾！！食串燒，飲啤酒，正！每日都可以咁就好啦！

深宵食堂 應該算喺我近年大個咗少有會追嘅漫畫 再追埋電視劇 由於我對呢套劇嘅沈迷 所以知道咗香港有人開咗間深宵食堂後 就一直都好想去食 但就因為各種一直拖下拖下 拖到而家先去食😂某程度上 我喺為咗呢個飯而嚟 所以我對佢期望好大 不過其實心裡知道 味道可能會好普通因為貓飯嘅做法都喺不外乎喺用柴魚片同醬油 但喺呢度食落喺1+1>2 兩者咁普通嘅野夾埋所産生嘅化學作用竟然喺咁大 食落啖啖是有柴魚片同醬油mix 埋嘅香氣 唔會太咸 總算一嚐咗我呢個心願👅-一口牛 ($78/2串), 一睇就知造型取勝 但味道又點呢🤔 食落真喺一啖一舊牛 幾易咬 同埋好入味 不過如果連下面舊薯仔都食得 我會仲surprised😂-汁燒金菇肥牛卷 ($38/6pieces). 呢到絕對喺好為女仔設想 一啖一口 個汁好惹味金菇同肥牛更加喺無敵嘅組合😏-雞軟骨 ($32/2串), 燒得幾香脆 同埋調味幾好 食落脆口 送酒一流-芝士蝦球 ($38/6粒)呢個好食 一咬落去就有芝士拉絲 好玩又好食-冰燒菠蘿 ($48)好香甜蜜糖味 同行朋友就不停喺隔離嗌好過癮 因為好似食緊啫喱咁-呢到嘅燒物質素中上 整體配啤酒都唔

下班後跟同事晚飯，他提議到耀華街百樂中心的「深宵食堂」吃串燒，同事常常外出吃飯，經他介紹的都有一定水準。這裡環境跟日本的居酒屋相似，不少情侶或朋友到來聚會。燒物、主食、小食、甜點等多種選擇，大家可各自揀選喜歡的食物分享。一口和牛串（2串）：五成熟燒得剛好，多汁軟熟，配以黑椒調味，牛味濃郁。汁燒白鱔最是我們喜愛，外皮脆脆的，肉質鮮美，真想再來一碟，但又想試試其他的，唯有忍住不encore。香草紐西蘭羊架（2件），這個也要稱讚一下，羊架去骨並薄切，香草味濃，配以餐廳特別調教的芥茉醬，有不一樣的感覺。吉列廣島豪熱騰騰的，性價比高。蜜燒八爪魚（脆皮腸）一看便知是界花的蜜糖腸，頗有心思。冰燒菠蘿：想不到串燒後的菠蘿如此甜美。再配以巨峰提子梳打和啤酒，真多謝同事介紹了這頓滿足的晚餐。

深宵時間最好和朋友一起坐低聚一聚談談心，所以就來到深宵食堂盡情食！芝麻雞翼，外脆肉汁滋味，而且一份份量都足夠。幼嫩嘅露筍相當爽甜，不會很乾身。蔬菜款式都有很多選擇，燒冬菇。燒雞泡魚乾，配啤酒，真是一大享受。一小件大阪燒，很足料。吉列炸蠔，脆皮不是很厚，蠔相當肥美多汁。壓軸登場：玉子燒，內裡還有芝士。蒜蓉蝦，肉質爽甜，而且很大隻。這晚吃得非常滿足，店員也很熱情，亦主動幫我們拍照，很有地道日本居酒屋風味。

今晚和一班朋友補祝生日，朋友想吃串燒，就一想到深宵食堂，營業時間到半夜，很適合我們一班夜貓子。我們各種各樣的燒物都點了很多，而且上菜時間很快，幾乎一台滿滿的食物，極之暢快。食串燒怎會少得一杯啤酒呢！這串燒鰻，我認為是必食之選，鮮味多汁，之後朋友都加單了。我們都是很喜歡吃海鮮的，所以點了帆立貝，燒烤後不會很乾身，而且很鮮味，燒汁也配得很好。燒物不只是肉和海鮮的，還有蔬菜可選。這個豚肉露筍很香肉汁，露筍很爽口，都是必食之選。

假如大家有follow這家店的Facebook ，不難發現它每每有迎合最新時事的特色菜色，有趣活動或優惠。但請不要以為店主的心思都只花在文字上，它的菜色亦絕不含糊，美味可口。今次是朋友生日，所以點了酒精飲料，是日本常見但香港的日式食肆較少提供的highball 。酒味較濃，非常適合與朋友邊享用串燒烤物邊慢酌。串燒都做得出色，是花心思做過醃製的。特別令人驚喜的是蟹糕伴多士，輕烤過的蟹糕豐厚綿密，厚厚一層塗在多士上，真的是吃得停不了口的菜色，非常邪惡🤣🤣🤣。

玉子燒好滑 所有燒物都好好食 環境一流 服務質素很好 價錢合理但食物質素很好 性價比很高 推薦燒雞 外脆內嫩 鹽燒雞翼都好入味 芥末8爪魚很好味 是深宵不錯的選擇👍🏻👍🏻👍🏻

深宵食堂-工作後的放鬆好地點香港節奏急促，工作繁忙，每天也非常緊張，今天又忙碌到九點十點。銅鑼灣中的一間食店，一出電梯門廊，樸素的日式布簾，門上寫上「深宵食堂」四字，令人想起日本的電影呢；一進店內，典型日式居酒屋木元素為主的設計，配以梳化座位，加上日式的掛畫、佈置，最重要是手寫的時令菜名，感覺舒坦得很，可以暫時忘記工作的煩惱。炸芝士蝦球、吉列廣島蠔熱溶的芝士，芝士還帶著拉絲，配上爽口彈牙蝦球，一咬開時熱氣溢出，正！吉列蠔，日式小食本人必食名單，一如高水準，色香味都合我心意。日式一口雞性價比之選，六件金黃色的炸雞，雖說是一口，實際非常大「一口」，薄薄的炸粉，雞肉夠嫩滑、肉汁又夠。雞胸軟骨丸非常有咬口的丸類，沒有外皮脆脆的炸粉，卻吃得出脆脆一粒粒的口感，事關在於雞胸軟骨，配上蜜糖芥末後惹味特別得很。豚肉露筍卷Bb露筍爽脆、嫩口，配上豚肉卷著後，油脂滲進露筍中，豚肉結實，兩者配合度高。生燒牛脷芯串燒必食，香單用黑椒和粗鹽燒烤而成，牛脷不會過厚或過薄，有咬口之外，肉汁多一點也不會燒得過於乾身、硬身。煙肉荔枝卷新穎的配搭，咸食的煙肉配上甜食的荔枝，剛燒好熱騰騰的煙肉、冰凍的荔枝，煙肉的油分和較重

第一次黎呢到食串燒，都幾有日式小店既感覺，座位唔多，環境寧靜，同朋友一路食下串燒傾下計，感覺唔錯。芝士蟹肉玉子燒($78)，我一向都好鍾意食蛋，自然都係玉子燒既fans！呢到既玉子燒新鮮即製熱辣辣又大份，而且蛋既質地仲保持嫩滑。除左加左芝士之外，比較少有地加埋蟹肉，食落味道更豐富。煙肉蠔卷($38)，呢個配搭其實我都係第一次試，煙肉包住蠔黎燒，燒過既煙肉既油香味加蠔肉既鮮味，又幾有化學作用！香草紐西蘭羊架($82)，羊架既份量比我想像中多，食落有羊味但唔會太羶，燒得啱啱好仲有肉汁，切好晒可以啖啖肉咁食，正。

因為一套日本電視劇冒名而來，而且沒有試過在香港坐下來吃串燒，感覺有點像日本的居酒屋。這碟最出名的玉子燒果然名不虛傳，裡面夾有很多蟹肉碎，層層有不同口感。牛肉粒熟度剛剛好，肉質嫩滑，入口剛好。燒汁令牛肉更惹味，旁邊的沙律菜有助解膩。墨魚餅的味道加上大阪燒的醬汁變得十分惹味，提升了整個層次！加上面頭既木魚，感覺十分地道。雞翼肉質嫩口，加上出色的調味，令人食過翻尋味！蠔的新鮮，還有外脆內軟，再加上醬汁配搭，吃的時候，蠔會流出鮮味汁液！金菇肥牛卷雖然看似簡單，但其實他把肥牛與金菇分量比例都調教得剛剛好，一口咬下去時還吃得出金菇既鮮味，與肥牛香。貓飯是肉鬆與木魚配合下，令人不能停下來，感覺新奇，從未吃過如此配搭，非常適合邊吃串燒，邊配上貓飯，因為有配料的關係，不會像只吃白米飯般寡。