深仔記

营业中

休息中

我因為鋪面裝修吸引所以選擇呢間。咁當然都因為疫情好多鋪頭冇開小咗好多選擇😹鋪頭門面係傳統車仔檔裝潢，睇到佈置相信都真係有一定歷史，感覺會吾錯🤤雲吞麵🍜 $33超抵食🤙🏽🤙🏽33蚊雲吞麵 應該都冇咩地方搵到麵底相對小 我一個女仔食晒吾會話好飽雲吞有6粒 大大粒食到每一粒2隻蝦🤤鹼水吾重易入口🤙🏽

深仔記而家好似遍地開花，周圍都有。但我始終鍾情呢間老店，食物質素有保証。佢地地方比其他分店坐得舒服，加上有老師傅坐陣，食物質素絕對比其他分店出色。每次黎有幾樣野都會必叫：炸醬麵 - 雖然已經唔再係以前嘅竹昇麵，但麵質仍舊彈牙兼無梘水味淨雲吞 - 比起出面大大粒全蝦雲吞，佢嘅蝦肉同豬肉嘅比例絕對係黃金比例，蝦無雪味又彈牙腐乳通菜 - 腐乳汁溝得濃杰適中，菜生熟程度剛剛口，爽口得黎又青綠蜆介鯪魚球 - 蜆介係出面已買少見少，加上佢嘅鯪魚球係用真正鯪魚肉打成，爽口彈牙，唔會食到成口粉，同蜆介絕對係黃金組合可惜的是樽裝汽水已絕跡

最近愛上這裡 因為四圍消費都很高 所以中國四大發明就變得好受歡迎 我食咗兩次 點了幾款小食 都幾滿足 前幾日還遇到有食客發脾氣 職員都算高EQ 果然係食過夜粥嘅宵夜食店 這間粥麵店除了買小食 還有小菜可以選擇 我最近就試咗薑蔥魚腩 以下係曾經點過嘅食物：🔱鯪魚球係即炸 上菜時大大粒 真係令人很開心 味道就合格 無咩大驚喜 這個十大碗會高質啲🔱薑蔥魚腩魚腩比較多骨 薑蔥都很多 薑都很辣如果唔太鍾意大味 就會考慮清楚🔱淨雲吞都係合格 價錢唔貴 份量夠 🔱腐乳通菜浸得比較淋 老人家都唔會抗拒🔱蝦子撈麵真係好正 佢擺咗好多蝦子喺上面 嗰啲撈麵好比較油 因為佢夠油所以特別香 🔱酸甜雲吞都係合格 不過如果用中式酸甜醬會比泰式酸辣醬更好這間我會再試 因為經常來這邊工作 希望有機會試吓佢哋出名嘅粥和羊腩煲

初初望見個門面， 再加上唔係放飯時間，陰陰暗暗冇人咁，唔敢試 直至到我見有朋友喺度食過話好好食，咁就去試吓，食完一次之後發現真係好好食 我指佢啲雲吞水餃🥟 所以今個星期係第二次同朋友嚟食 仲有豆漿飲開心

香港难得找到便靓正，而且又新鲜好味的餐厅，无意找到，连续吃了几天，鲜味和火候十足，传统老店很多老客户，个个点菜都如数家珍。喜欢带玉器玛瑙的哥仔招呼周到，会推介招牌菜式，很有街坊feel。生滚粥很地道，一个云吞两只虾，金华火腿大地鱼汤鲜味+野味，但个人认为盐少了些。酸青瓜很开胃，感觉比酸萝卜好吃。

晏晝唔知食乜好，見到公司附近有呢間粥麵店，求其試吓啦睇佢餐牌都有好多選擇，粥麵小菜小食咩都有，有好多都想叫黎試吓叫咗碗柱候牛腩河湯底冇鹼水味，牛腩主導好淋好入味，河粉都爽口，好味道!再叫多個紅油抄手，佢係用雲吞，啲蝦爽口彈牙，啲醬麻麻辣辣，好正好惹味！再叫多個麻辣鵝腸，不過呢個就辣味太重，掩蓋晒鵝腸嘅味道，普普通通啦！最後，不得不提個泥猛粥，好味到不得了！啲粥超級鮮甜，啲泥猛煲完粥都仲好鮮甜，食到舔舔脷，Yummy ~~

听朋友说了很多次，电子传媒也介绍过他们。听说他们的云吞面很出名，一直以价廉物美见称。油麻地店位于砵兰街，门面很小，午饭时间还是等了一下。店外有餐牌，款式跟其它粉面店差不多。价钱是最吸引眼球的，云吞面是31元，真心的不贵。店外还贴有媒体的介绍，说是香港十大云吞面店，凭这个宣传已经吸引了不少客人。先来一份酸薑皮蛋，已经很久没吃了。两者一起放咀内，不酸不苦，是很好的开胃小吃。上桌的云吞面不小，五颗大云吞放在面上，里面起码有两至三只虾，能吃出猪肉和虾的鲜味。最欣赏是面条，没有枧水味，面身不腍，不用加浙醋已经非常可口。汤没加味精，十分清甜，我也是喝到一滴不留。以价格和水准而论，属高性价比。

叫咗個雲吞麵，碗細細有5粒雲吞，雲吞入面嘅蝦好新鮮好彈，雲吞同豬肉比例啱啱好，個麵同湯好正宗，同我細時食嘅味道一樣，$31價錢其實十分抵，唯一喺店細細，都幾殘幾舊，同埋枱頭d醬料瓶可唔可以抹吓，唔敢用。其實煮得一手好麵，但係俾其他店內環境情況扣分，幾可惜。

搬鋪後第一次去，做左成日嘢，諗住收工食個宵夜輕鬆吓，嗌左個椒鹽田雞、啤酒，田雞味道普通，份量少，啤酒都算夠凍，但環境就好差，好多蚊飛嚟飛去，望一望牆上，原來成家停晒起度抖涼，絕對唔會去第二次，恐怖經歷！

今日去開油麻地果欄 ，今日突然想食豬手麵, 我記得油麻地有間深仔記， 所以同朋友一齊去食， 原來搬咗另一個地址， 但最後都找到了。我叫豬手麵， 豬手唔夠冧， 大大嚿骨但肉好少， 同埋一碗得兩舊豬手 ， 好似少得滯，麵質冇變過一樣咁好食,($30)朋友叫了淨雲吞， 雲吞皮好薄， 大大隻鮮蝦，朋友分了兩粒給我食 ，鮮蝦食落好新鮮，好食。($29)我加了一杯凍檸茶，加$12，好貴。唔記得問價錢就叫了😁😁😁新上市有羊腩肉， 下次一定要嚟再試，

星期三，通常下班後就是無所事事的日子，主動加班後，到油尖旺區等朋友下班。朋友下班後總是餓，我當然不可能知道該區有甚麼好吃的，一如既往，由他帶路下來到這家小店。小店隱於砵蘭街中，而且開到凌晨四點，所以無論甚麼時間客人也不少。我們點了一個鮮蝦雲吞麵，雲吞皮疊的地方太厚，咬下去有點硬，咬了接近一半也沒吃到料，而且雲吞應該在碗底才對，不應該鋪在麵上。然後多點一碗狀元及第粥，其實就是豬雜粥，有一顆肉丸，兩塊厚切豬潤，跟兩大片豬肚，料大份，加點胡椒粉調味，味道就是普普通通。發現廚房裡工作的全是上了年紀的，想必是自家經營吧。所謂的深夜食堂，之前也說過，不吃食物味道，吃的是人氣跟人情味。

放工後和老公去油麻地吃晚飯，看見這家"十大受歡迎雲吞麵"的小店，決定進去試試。原本以為這家店只賣麵食，原來還有生滾粥和小菜。因為我們發現鄰桌上每碟食物的份量不大，所以我們點了狀元及第粥和魚腩粥，而小菜則點了蒜泥蒸蝦、豉椒炒鵝腸、椒鹽沙鯭和油菜。食物很快送上桌，果然每碟的份量不大。先試一口粥，粥煲得很綿滑。因為所用的材料很新鮮，所以粥裏帶着肉的甜香味。再試試蒜泥蒸蝦，蝦用的是新鮮瑕，爽口彈牙。而蒜泥把蝦的鮮味完全調出來，令蝦的鮮甜味發揮到極致。豉椒炒鵝腸也做得不錯。鵝腸不算肥，每咬一口都聽到爽脆的"索索"聲。味道帶點微辣，如果豉味再多少許會更好。最令人驚喜的是椒鹽沙鯭。沙鯭炸得很透，連魚骨都是脆的。魚肉有點實，但口感很好。椒鹽的味道尤其出色，又香又辣。用來佐酒絕對是不錯的選擇。想不到一家粥麵鋪的小菜也做到如此出色，值得再試!

早就聽聞深仔記麺家的大名！是香港數一數二的雲吞麺世家。估吾到在觀塘平民區也開了門。星期五下午1點左右時間我一個人等了10分鐘才有位...被安排坐在典型的卡位和其他三個食客搭臺.....全程要自己抱住背包。唉！時不時讓入面客人行出及新客人進入見到有鮑汁鳳爪於是點了鮑汁鳳爪麵和一碟芥蘭！飲品亦少不免可能是太多柯打之下服務員來不及馬上在櫃面送到.麵條浸得太久第一口吃下去。麵條已經失去彈性，第二口再喝湯，仍舊嚐得出有大地魚的鮮香，不錯，但不至於比優質。鮑汁炆鳳爪，一來鮑汁唔入味。唔知係咩汁，鳳爪炆得唔淋！硬硬地唔好咬單點的油菜更遜色！芥蘭雖說爽口但很油

十幾年前常去深仔記，坐後行，有蛇食。偶有路過，知道搬了幾次店，但都沒有機會吃。今天興之所至，坐車到油麻地專程光顧深仔記。以前都是吃粥，近年愛上麵食，今天叫了炸醬麵，云吞麵，油菜，豆漿。🍜炸醬實在好一般，麵偏冧，但比一般麵食好食好多，如果煮少十幾秒應該好好多，湯頭勁香勁濃好好味！🌶辣椒醬唔夠香都唔夠辣。云吞好爽皮又滑，油菜寫明用李錦記豪油$13抵食。下次想試個爽滑魚皮$65，牛腩或者及弟粥，麵就無咩大吸引力，因為偏冧。

行過旺角......想搵間唔伏既粉麵舖頭食下午茶......都係要行返近油麻地.....傳統穩陣之選!!!!!!!!下午茶時段行過.....冇咩人...食小食.... 今次揀咗淨水餃....唔算好大粒... 食落同其他鋪頭最大最明顯既分別係...... 堅多蝦!!!!!!!!!非常爽口...如果你都鍾意個種彈牙...真係超推!!!!28蚊....市面上來講都算便..未到3....係比較僻d...其實都唔難搵既....我深信我好快會再來!!