深井陳記燒鵝海鮮酒家

营业中

休息中

第一次堂食深井燒鵝！！🤣記得幾年前食過外賣一次。馳名深井陳記燒鵝(半隻)$290好大碟！！係四人份量，我哋發覺總之叫例牌啦，細碟啲😂食到好飽🙈燒鵝好多肉！肥嘟嘟咁🤣肉質夠嫩，冇咩油膩感👌🏻兩個醬都好好味！🤤.薑蔥生蠔煲 $138好多蔥呀🤤好香口，生蠔肥美！不過可以再惹味啲🤣芥末沙拉骨 $68抵食！排骨大大舊，芥末幾好味，不過有啲難咬開🤣啫啫通菜煲 $72勁多菜！！😂食極都仲有！呢個都算平！下次會再同屋企人嚟食。

今日去深井探朋友 去得深井當然要試下馳名既燒鵝 深井陳記已經開到港九新界都有一間 但要食當然要食最正宗既陳記啦 唔講唔知深井入面原來都有兩間陳記 朋友話依間帶我食個間係陳記老店 最先有依間 宜家改做琦哥號 另一間係總鋪 我就唔太識分啦 總之跟實朋友去食🤪依間老字號分開兩邊 一邊係室內 一邊係戶外 戶外其實幾有氣氛 但因為天氣太熱啦 加上有毛毛雨 我地就坐室內室內地方不太大 沒有浮誇既裝潢 樸實既一磚一瓦 用上舊式吊扇 更顯老店既舊味道 坐低無耐 店員奉上小菜 係蕎頭同准鹽花生 蕎頭係上一代人到酒樓必會吃到的頭盤 宜家甚少地方食到 略酸又帶甜甜的 好開胃 嘴饞既朋友就好鐘意食花生🥜食得陳記當然要帶佢地呢度既招牌 燒鵝🥰 我地得兩個人所以就嗌咗例牌 咪以為例牌細細份 其實都好大碟 侍應仲特登俾咗份有埋燒鵝髀既比我地❤ 燒鵝外皮夠哂脆卜卜 油香係上面呈現超有光澤 一咬落去 除咗有好濃既鵝肉味之外 仲有滑嫩既口感 部份既肉油脂較多 食完之後成口都係鵝油香🤣 每一件既燒鵝肉配上酸梅醬 我覺得簡直係精華所在☺識得食既我地嗌埋小菜當然要嗌個湯 咁先係最完美既一餐 點左一個粟米海皇羹🌽 味道就正常 唔

25/5/2019 星期六，好好彩，天氣唔似預告話落雨，我哋可以去深井食燒鵝！好耐無嚟深井喇，快快坐低，叫隻燒鵝先。好快，香噴噴的燒鵝上枱，大家急不及待，起筷，燒鵝皮脆，又夠肉汁，大快朵頤！不得不提 豉油皇炒麵，夠鑊氣，下次都要encore!原本好想飲樽裝可樂，以為佢哋一定有啦，點知只有罐裝汽水，真的有點失望！希望老闆考慮一下，入D樽裝汽水，咁就正晒喇。

跟朋友去黃金海岸游水同陽光玩遊戲後，去左深井食燒鵝晚飯，咁多間朋友揀左陳記燒鵝，夠就腳喎。兩個人分別叫了燒鵝半隻，290元。小弟唔喺成日食燒鵝，所以，難以跟其他店比較，就單單講眼前呢碟。講真，都幾高質素，外皮深紅富光澤，一咬酥脆有油香，肉味濃而嫩滑，夠晒肉汁，又無話醃得太鹹，酸梅醬感覺似餐廳自家制，比其他餐廳從供應商買入的多了份新鮮梅味。再爬啖白飯送下，正丫~~我地仲叫咗碟椒鹽鮮尤~ 炸得好香脆~ 一D都唔油咁~ 點少少椒鹽非常惹味~ 繼燒鵝之外必食精選~總結: 美味~ 扺食~ 值得推介~

都說深井燒鵝一樓、出名的好，可惜這次並未我們想像中這般好，純粹名氣效應，皮不夠脆，肉不夠鮮美，很讓人失望，我們一行六人，等了近45分鐘，得來的卻是這般味道，還是元朗的味道好。

今日嚟到深井搵屋企人食晚飯，屋企人建議天氣凍不如去食羊腩煲，陳記羊腩煲都唔錯 ， 我以為陳記淨係得燒鵝好食,我地三大一細叫做五個菜。七點嘅時候都唔多人，但係都八點鐘左右人就已經坐滿鋪頭五分四嘅位置。蒜蓉粉絲蒸扇貝 鋪係面嘅芫茜蒜蓉粉絲份量好足，牛油味好香好香但重略嫌多油， 帶子肉大大粒好飽滿椒鹽九肚魚九肚魚炸到皮脆內軟，配埋炸蒜頭同埋鹽酸醋一齊食十分之開胃，可惜份量就比較少， 唔係好夠喉蝦米粉絲雜菜煲材料充足係鋪滿整個沙煲生炒臘味糯米飯 呢個糯米飯個份量夠足，應該大概有六碗左右，佢入面嘅臘腸，潤腸，臘肉，蝦米都好足料， 每粒嘅臘味飯都上色均勻，只不過都係略嫌多左有少少油，但係整體嚟講係有80分嘅古法支竹羊腩煲主角出場呀 ，我哋去就係為咗品嘗呢個羊腩煲，一上枱果然家人推介冇錯， 啲羊腩多到個煲個都冚唔埋。同其他地方食過畀呢度嘅價錢雖然貴啲但係個份量就一啲都冇欺場，入面嘅羊腩肉支竹好豐富，羊腩亦都已經炆到好諗好入味， 加完熱就已經可以即刻嚟食㗎，我諗三個人叫一煲食都可以夠飽總結： 埋單大概七百幾蚊左右，平均每人用咗一百鬆啲就食到咁豐富嘅晚餐， 而家茶記普通食個飯講緊嘢都五六十蚊 ，所以呢個

好話唔好聽，雖然由我所住嘅美孚區入深井頗方便，一程巴士52X上公路，下一個站就已經喺深井，不過，就總喺覺得遠，非常之少入嚟。但呢期小弟搵食蹤影好旺佢，一連兩個星期入咗嚟食嘢，第一轉教會活動入咗嚟「深井陳記」食午餐，隔個星期再入嚟行山，臨尾晌「榮記」食個下午茶先走。今篇就先講「陳記」(青山公路深井村63號)，其實多年前都幫襯過「陳記」，但就喺前啲嗰間大鋪（陳記商業中心地下），今回就後少少間村屋「老店」，我見個招牌多咗「琦哥號」，無深究喺唔喺又喺啲同門拆咗出嚟。呢間鋪開晌村屋，大部分喺村屋外嘅半露天位。因為我哋人多，足足十多圍，所以，有幾圍上咗樓，上到二樓，一個房都擺到3圍，但感覺就侷促啲。而是日食團餐，乜都安排好晒，有嘢食就得喇。亦因為咁，唔太方便慢慢影，所以，張張食物相都喺一上枱就快攝，免影響其他人。馳明深井陳記燒鵝（跟瀨粉一窩）嚟「陳記」，我都標準嘅指定菜式就喺燒鵝，雖然，小弟唔喺成日食燒鵝，所以，難以跟其他店比較，就單單講眼前呢碟。講真，都幾高質素，外皮深紅富光澤，一咬酥脆有油香，肉味濃而嫩滑，夠晒肉汁，又無話醃得太鹹，再搭啲瀨粉襯吓，好耐無食過燒鵝瀨喇。竹笙海皇羹個海皇羹算唔上有

出到深井 當然要食燒鵝啦！一直未係深井食過 但之前聽過陳記都好似幾出名 所以就直接揀左陳記了 但食完覺得應該有更好食既餐廳🧐我地一共四個人 叫左四個餸: 為此而黎既燒鵝, 聽落幾有趣既墨魚鬼, 椒鹽鮮魷, 同一個健康既雜菜煲燒鵝一上台既時候賣相好吸引 但一食 就覺得好肥 肉唔多 最底個層得皮加肥膏咁濟😵油炸墨魚鬼係似油炸鬼既煮法 加左墨魚滑入去 中意食香口野既應該都會中意食 但食完燒鵝再食 都幾膩🤐椒鹽鮮魷都唔算太好食 魷魚爽既 但唔太鮮🤭反而個雜菜煲好受歡迎 可能因為其他野真係太油膩🤭下次再試都係試另一間 相信會搵到更好食既！

我住九龍，深井相對比較遍遠很少去，是日，朋友揸車、他提議去深井食燒鵝，我不太熟地頭、朋友就揀咗哩間 …… 我後悔莫及 …… 含恨星期日 ……點了：燒鵝下庄、墨魚油炸鬼、炸鱔寶、椒絲腐乳通菜，個鱔好腥、通菜好咸、其他也是正常味～ 味道，不是我主要想表達，重點係我食完已開始覺得唔舒服、心跳、頭暈，我以為係自己唔夠瞓，返屋企恰一恰、以為會有好轉、點知有嘔吐意欲、立馬攞兩個膠袋（袋中袋）、食幾多嘔幾多，我終於知道，點解我會頭暈心跳，嘔完胃痛～（我仲以為有心臟病～）我身體比薄弱，食物只要有少許不潔都會有反應，輕則肚攪、重則嘔吐，曾經在台灣吃東西不潔（味道，察覺不到有問題），但以為自己旅遊唔夠瞓、清境落山暈車浪、一直無意識要去嘔、一直拖著，結果，晚上在酒店嘔不停、立刻發燒、然後，下瀉了幾天、手軟腳軟，所以，後來發現早嘔出來、未經腸道消化，起碼，淨嘔唔使痾～ 我沒化驗證據、證明陳記的食物不乾淨，我只是說出我的經歷、及個人身體狀況～隨後，我上 OpenRice 看看其他食評，我打從心底覺得，我錯了，我真的錯了～ 我不應懶惰不看 OpenRice 先～ 我知錯了，我以後會睇咗 OpenRice 食評、先

爸爸好少指明想食d咩，難得佢有日竟然話想食深井陳記既燒鵝，做女兒的我同妹妹們當然要搵日同佢去啦。於是我地定左父親節，一行12大5小，訂左2張枱齊齊去食晚餐。店內的環境很舒服乾淨，而且燈籠很有特色，上面有深井陳記的名字，好鍾意餐具亦有餐廳的標誌。黎到呢度當然要食燒鵝，美味既燒鵝配上出面很難食到既甜酸醬，yummy!!豉椒炒蜆，有少少辣，好香，好食！八寶冬瓜盅$138，清甜又好味，最啱夏天食！白灼游水海蝦，一陣就比人食晒！呢碟都好好食，但我已經唔記得叫咩名。欖菜肉鬆四季豆$68走時才發現地上會轉的射燈圖案。不得不提的是，這裡的服務超好超友善，就好似我出國去左旅行既招待咁，好親切。食完晚餐2分鐘行過對面有個小公園，望到好長既青馬大橋同馬灣。夜景好靚，晚風清爽，正！不計3名幼稚園的小孩，14人平均消費180蚊。

係人都知道深井嘅燒鵝最出名街知巷聞，今日我就嚟到深井去品嚐一流嘅燒鵝。由於深井嘅地點比較特別，所以都係要揸車去，但係勝在深井泊車嘅地方多好多。今日我就嚟到陳記燒鵝。燒鵝新鮮熱辣，仲要大大隻，見到已經流口水啦，外皮又香又脆，肉質鮮嫩，唔會好乾身，咬落香軟多汁，滋味無比，唯一最擔心嘅係忍唔住自己個口，一舊接一舊咁食，要減返身體上嘅肥肉就真係唔易啦。我仲叫咗個瀨粉，正宗係燒鵝瀨呀以呢個價錢食到正宗嘅燒鵝，其實真係一啲都唔貴。

都有一排沒有來過深井陳記吃飯了，以前同阿爸阿媽來吃𠴱陣覺得這間都還可以，昨天請客故舊地重游，感覺已經大不同了，除了招牌燒鵝晤夠熱外，最弊係白灼基尾蝦竞然有泥味，另一道蜜汁燒鱔也是怪怪哋味，真係越食越傷心，印像中以前沒咁差，未知是否換了人或廚師先至搞成咁，好彩𠴱客吃嘢沒咁計較，随便陪佢飲多幾杯啤酒，他也開心，不然換成一個嘴刁的客人則錢也駛著，面子也沒著，所以，吃完這餐真係有戒心了。總之下次不敢再去了！。

8大3小浩浩蕩蕩走左入深井開餐，講真，如果唔係有兩部車的話就應該唔會去ga la,因為真係唔算好就腳。但既然都開得車入黎，就真係冇理由唔食返隻燒鵝ga wo,所以有理無理都點左隻燒鵝先！今日隻燒鵝都冇失望，又好好彩唔算好肥（我地都唔好太肥，而且太肥會有陣騷味），皮脆肉滑，配埋個酸梅醬又真係幾正。另外，今晚食嘅豉油王鵝腸同盆仔焗魚腸又好有水準！不過雖然係5月，天氣都已經幾悶熱下，坐戶外，冇冷氣其實都幾難頂，餐飯係好食嘅，但食到身水身汗又真係麻麻地。

陳記係我同中同聚會去既好地方。今次黎到都係叫翻例牌菜，就係燒鵝。陳記燒鵝出名，係有原因的。吸引之處：1. 燒鵝多肉，相比大陸食既燒鵝，陳記燒鵝多肉，唔會淨係食到皮同油。2. 燒鵝既油香味重。皮燒得脆，香滑。但唔會好油，無肥膩既感覺。3. 燒鵝既酸醬係會越食越開胃。如果覺得肥膩，溝埋酸梅醬食，就會好清新。4. 除左燒鵝，其他燒味都整得唔錯。有時都會叫埋叉燒。幾個男人一齊坐低係度食飯吹水，好適合。其實價錢算係貴。不過出名既名菜就係咁。希望唔好起價。

忽然想食燒味，對以往經常去光顧的那幾間燒臘店已失去了興趣，揾食揾去到深井那一邊。入到黎睇左一陣餐牌，當然要試下佢Ｄ燒味，所以我就叫左四寶飯，一次滿足我四個願望。四寶飯＋例湯：坐左５分鐘就上枱，非常快速，呢度咁旺果然時間就係金錢，而且四寶飯相當足料，有別於一般四寶飯，佢無叉燒，反而係燒鴨、油雞、紅腸、咸蛋加條菜，無左叉燒本來有Ｄ不足，但係食落又幾好食。先講油雞，食唔到以前間東江雞，食呢度個油雞都唔差，好軟身，甜甜地好易入口，個汁做得唔錯，好好味。一向好like 咸蛋，超正👍🏻燒鴨都唔錯，淡淡肉，一定要問佢拎燒鴨醬撈飯，一流。至於例湯就不過不失，都算合格啦