影片
【九龙城区】【深井陈记烧鹅】呢排唔知点解鬼咁兴食烧鹅，搞到我的烧鹅瘾都起晒。不过听讲坊间嘅烧鹅店好多都质素参差，我又未够胆北上食烧鹅。因为闻说深圳河以北嘅食肆有机会会用一啲化学药剂去令到食物嘅表皮变得香脆，而𠮶种脆可能系维持到好耐嘅，谂起都提唔起兴趣。所以都系决定帮衬返香港嘅老字号，而香港嘅老字号都不外乎𠮶几间，我今次就帮衬一间开得比较多分店嘅「深井陈记烧鹅」。近年听过唔少讲法，话呢啲老字号嘅质素都每况愈下，但系我觉得烂船始终点都有三斤钉，点都会系比求其拣一间更加可靠。我去咗佢哋嘅黄埔分店，叫咗个 $145 嘅「原只陈记烧鹅髀饭」嚟食，鹅髀梗系「唔斩」原只咬先过瘾。食落果然唔错，唔算劲好食，但算系有水准。配埋碗生面，再加 $8 要杯「冻奶茶」少甜少冰多奶，成件事夹埋 $153，算系香港人嘅一种享受嚟。。。（地址：红磡民泰街26号地下E1号舖）
继续阅读
帮衬过红磡哩间深井陈记几次，次次都系乳猪外卖，因为当年一支新冠针都无打，俾林郑搅到无得堂食! 依家守得云开可以堂食，多得比卡超解锁!大大话话都有半年无嚟到民泰街开餐，疫情过后好多餐厅都顶唔住突然褶埋，所以嚟到见到深井陈记仍然营业当然开心!点咗份乳猪例牌，女友小熊要碟烧鹅饭，我点肥叉油鸡饭多葱油加咸蛋.烧鹅皮脆鹅肉有微暖，口感比其他餐厅嘅烧鹅嫩口，分别都颇明显.肥叉唔够肥，口感唔够松软.油鸡一流! 口感嫩滑! 同葱油一同入口简直此鸡只应天上有!当然，居功厥伟紧系我嘅大爱葱油啦! 葱油味道适中唔会太咸，一碟葱油俾我的话已经可以送白饭了! 葱油俾大大个 Like!咸蛋好明显蛋黄唔够油，可惜.正常应该乳猪最先上，但两碟饭都上齐，点解仲未见只猪呢? 当上菜时就知道原因了，原来系放上个盘上，而盘底用火庆住，好有仪式感! 乳猪皮非常香脆，而用火庆住食最大影响系D肥猪肉，变得入口即溶极嫩滑! 猪肉唔需要点甜酱已经超惹味! 满意100分! 推介!系深井嘅陈记烧鹅，最少二十年无帮衬过，女友小熊话未去过，提意星期日入去行一转，我问边个俾钱，佢话边个话佢傻就请食烧鹅，但我惊话完会被佢打到傻!
继续阅读
1个人食下午茶，叫咗个伙记称好出名嘅烧鹅濑，嚟到𠮶碟烧鹅眼看几靓，咬落去就全部都系骨，只有皮能食，跟餐有杯奶茶，杯茶嘅杯要赞，因为已经好少餐厅会热咗只杯先放热饮落去，杯茶嘅味道就普通，茶唔太香，但奶都几多，比例就唔理想，但一攞起只杯连杯耳都热呢种感觉只有老师傅先做，我望过去个水吧系后生仔，难得。讲番个烧鹅濑先，个粉嘅汤都几咸，仲有阵药材味，感觉唔好。烧鹅肥到离晒谱。只系只杯算系有惊喜咁
继续阅读
我同两个同事Lunch time帮衬民安街陈记烧鹅，坐低见到贴有午餐，大约$59左右包热饮，午餐选择都有五至六款，其中有款系"烧腩仔盐焗鸡饭"。正在讨论食边个餐既时候，有个男职员走埋黎问有咩想食，可以帮我地落单(枱面都有QR code可以自行落单)，其中一人率先要左一个"烧腩仔盐焗鸡饭+例汤+冻奶茶"。其余两人对盐焗鸡有些考虑既时候，男职员声称"唔啱食唔紧要，睇想食咩"，强调系可以"尽量做到俾你"，最后两人叫左"烧腩仔烧鹅饭+冻奶茶"，同埋"烧腩仔叉烧饭+热柠水"。"尽量做到俾你"系语言伪术！埋单先发觉后叫两碟饭唔系午餐，似系散叫烧味饭，饮品半价咁上下，而双并烧味饭个价系由单并价再加配(+$18-20)。烧腩仔饭+拼烧鹅+冻奶茶 $58+$18+$8 = $84叉烧饭+拼烧腩仔+热柠水 $49+$20+$6 = $75咩叫"尽量做到俾你"？我同个男职员理论，话咁则系散叫，佢话系咁计，已经平左。如果我地用AR code自行落单，见到个价钱，一定唔会咁叫。冇下次。
继续阅读
第一次试呢度嘅黯然销魂饭，虽然叉烧咸咗少少但系我觉得比起其他嘅店舖系好食嘅，叉烧够淋，𠮶只蛋可以煎熟啲就好喇。佢嘅饭好大碟，豉油又够咸。整体唔错！仲可以手机落单,唔错。
继续阅读