影片
相关文章
同朋友庆祝生日，朋友话好想食麻辣火锅，当我揾到呢间就即刻比个熊bear bear 吸引住，我起初仲以为系红萝卜之类既野雕刻出黎，再睇原来系牛油黎，放落个火锅度会溶左落去，好搅笑嫁，不过都好可怜咁😂锅底就叫左鸳鸯锅，麻辣紧系必食啦，另外就系虫草花胶鸡汤，都有几旧花胶嫁，食物方面整体都唔错，不过分量都比较少，相对黎讲都几贵，第一次食咁高级既麻辣火锅😂服务都好好，我就最钟意呢啲细细既店，唔系食黎食去都系连锁式👍🏻
继续阅读
汤底我唔感讲完全无味精，但饭后唔会好口渴不停饮水，叫左黑松露同麻辣汤底，两个都好香，麻辣辣度可以要微辣！当中最吸引系熊仔牛油，真系好得意店员服务态度我度得都算可以，其中我估一位系老板，真系好贴心好nice,知我孕期中，都会问我怕唔怕太辣太刺激😍，赞食物份量我地人少都主要叫半份，份量都唔算好少👍🏻，绝对可以回头再帮衬
继续阅读
重庆汤底比较重口味同埋比较辣的。每一次都想食呢间好耐㗎啦，见到佢有个为啤啤实在太可爱，今日终于约咗几个朋友是佢呢个可爱嘅汤底啦，一嚟到呢只小熊仔已经坐咗系个汤底入边，香喷喷嘅味道真系好吸引，总括嚟讲所有嘢食都唔系太贵，食材都好新鲜，汤底非常之好，不过店舖其实原来唔系好大间，大概10张枱左右啦，同朋友嚟嘅OK嘅，强力推介呢一个杂锦丸拼盘，非常好味，仲有佢个鱼皮系非常之新鲜，不过唔记得影相，同埋佢啲小食都唔错㗎
继续阅读
之前见到呢度有个熊仔头火锅已经好想试😂其实佢系一旧巨型牛油，放落去麻辣汤底个边，好似只熊仔浸紧温泉咁😍好qq❤️如果想要熊仔头🐻最好去之前要book枱，因为每日数量唔多🙉------------------------------叫咗鸳鸯锅$188🤓麻辣+黑松露野菌猪骨汤底💕之前都未打过黑松露汤底，都好浓味下😎可以当汤饮😹反而麻辣汤底嘅小辣无我想像中咁辣，可能落咗成大旧牛油中和咗，所以食得辣嘅可以挑战下叫中辣🤩------------------------------冰镇肥鹅肠$88真系好新鲜😍而且份量都几多😉特级桂花蚌$98够晒爽口🤤牛黄喉$88都值得叫😚顶级安格斯牛肉$228全份💕牛味都好浓，好嫩身🤓三色丸$88个卖相好靓，有墨鱼丸、虾丸同莞茜猪肉丸，但我一般莞茜，所以都系换成虾丸😂啲丸系几弹牙，不过好可惜无牛丸🙈------------------------------唯一叫咗后悔就系芦荟柠檬雪梨茶$88🙉可能啲柠檬唔靓？成Jar饮落好涩😣😣勉强饮咗2/3，早知叫酸梅汤应该稳阵啲😹但整体嚟讲食物系几好嘅，系我叫错饮品😌酸梅汤！！你要等我啊～😆
继续阅读
同朋友聚会一齐想打边炉，决定一试呢间麻辣火锅。叫咗个招牌9格，虽然唔明点解要分9格，因为9格既味道同汤系一样既入返正题，本来我地叫咗微辣，但店员话小辣只系好似米线店既十小辣，终是我地叫咗小辣火锅一上，我地用筷子试一试味... holy s.... 味道完全系米线店既大辣水平...但配菜都上哂，我地唯有继续食，今日肥牛无货，我地叫咗滑牛肉代替，估唔到佢出奇地好食，豚肉片普通，鸭血好香好味，而呢到既鱼皮食落硬少少又脆身少少，唔错！ 萝卜都十分鲜甜！推介佢地既鹅肠，新鲜爽口但真系十分辣，食到一半有另一位店员见我地状甚痛苦问我地叫咗几辣，佢十分愕然，反问我地边个帮我地落单😂 但帮我地落单既店员早已放工...呢到材料新鲜，唔算太贵，麻同辣都够，可以一试佢既微辣
继续阅读