海陸空

营业中

休息中

海陸空新開張嘅時候食過一次，當時食咗辣海鮮麵同醬油蟹覺得唔錯。呢到嘅菜式份量偏多，建議最少3-4個人share。食韓國菜小菜係重點😛海陸空嘅小菜非常豐富，有泡菜、芽菜、醃蘿蔔、青瓜，連平時比較少有嘅沙律同午餐肉都有提供。豬手拼盤/白切肉爽口彈牙，肥而不膩，配生菜、蝦醬、泡菜一齊幾夾。石板韓式海鮮炸醬麵香氣撲鼻，炸醬濃郁，麵條煙韌。韓式糖醋肉外脆內嫩，醬汁酸甜平衡，幾開胃。韓國姨姨好熱情，服務態度超好，埋單請我哋飲乳酸菌飲品，仲一人送咗一盒朱古力俾我哋。整體嚟講質素唔錯，但同其他韓國菜一樣，味道比較濃同單調，偏甜辣/鹹，食到中途會有啲膩。我諗比較適合一大班人一路傾計一路送酒。

牛肉豬肩肉烤肉套餐，又幹又硬，真是不值得四百多塊，豆腐湯還行，餐桌急著收回，多次提醒催促…………又吵又鬧，實在是不舒服的一次晚餐經歷，不會推薦給朋友，除非你是愛熱鬧其他都無所謂的食客

本身想食隔離嘅本家醬油蟹，但冇book枱，無位入，即場Google搵到隔離嘅海陸空有醬油蟹食，打埋電話過去confirm有位，就即刻衝咗去，點知有驚喜！醬油蟹，蟹肉鮮嫩多汁，浸喺濃郁嘅醬油醃料中，甜中帶鮮，啖啖入味，冇死鹹，混合紫菜飯味道層次豐富，令人回味無窮！韓燒部份同樣出色，牛肉同豬五花烤得外脆內嫩，有阿豬媽幫你燒，唔會Overcook，蘸上特製醬汁更添風味。阿豬媽同本地店員專業熱情，環境乾淨舒適，充滿韓國既熱情，適合朋友聚會。價錢合理，性價比高。店內仲有韓國啤酒同燒酒選擇，完美配搭美食。喺香港嘅忙碌生活中，呢度提供咗一個放鬆同享受嘅好去處。無論係醬油蟹嘅鮮甜定韓燒嘅香濃，都值得一試！下次一定同家人一齊嚟，試吓佢哋嘅其他招牌菜！當日仲有e人阿豬媽，帶動氣氛幫客人慶祝生日。下次一定encore。

🕛 到訪時段：平日午餐 🍱 是日點餐 🔥 石鍋豬肉配飯 - 維持水準！熱辣辣石鍋焦香十足 - 豬肉醃得入味，份量夠晒飽肚 🥢 前菜驚喜 - 保持6款小碟水準（今次有調整款式） - 泡菜新鮮爽脆，仲有少見嘅韓式魚糕 💯 加分細節 ✔️ 「白衫專屬服務」：店員主動提供圍裙超貼心！ ✔️ 米茶升級：今次發現米茶特別香濃，暖胃一流 ✔️ 上菜速度保持10分鐘內 👨👩👧👦 適合人群 - 趕時間的上班族 - 鍾意前菜多過主菜的「小食怪」 💰 性價比：⭐️⭐️⭐️⭐️🍴 回頭指數：⭐️⭐️⭐️⭐️⭐️（一星期內再訪已說明一切！） #尖沙咀隱世韓餐 #OL午餐首選 #前菜控天堂 #石鍋飯 #圍裙服務

🌟 評分** 4.5/5 ⭐（地道韓風、服務貼心、性價比高） 🍽️ 必試推薦 ✅ 韓式雞飯- 雞肉嫩滑入味，洋蔥同蘿蔔炒到腍甜，醬汁撈飯一流！ ✅ 免費前菜（6款！） - 薯仔沙律尤其出色，仲可以免費添食 ✅ 神秘韓式小食+飲品 - 有韓國Oppa全場派發 額外韓式小食同飲品💡 用餐體驗 - 位置提示：尖沙咀B2出口直行近尖東，入口在 **韓式超市旁邊**，要留意左邊！ - 時間注意：3pm後冇午巿，想食平價午市要早少少。 - 服務加分： - 員工友善（韓文+廣東話溝通），完全唔催單，仲主動提醒轉餐單時間。 - 團隊氣氛融洽，成間店好有韓國家庭式熱鬧感！ - 環境舒適：座位寬敞，適合一大班人聚會，唔會逼狹。 💰 價錢 - 午市韓式雞飯約 $100，包6款前菜，性價比高！

同朋友特登由K11做完gym行到過嚟尖沙咀有幾個朋友介紹提起過嘅海陸空食韓國菜😀😀開頭去到門口望入去以為去咗超市，但係原來餐廳就係喺supermarket入邊。侍應招呼周到👏🏻👏🏻 有香港亦都有韓國人！環境佈置睇落都好似有卡拉OK同埋應該係韓國人local去飲酒嘅地方。soju night 🍻🙌 我哋好慶幸可能因為六點前去到，當時餐廳唔忙老闆招呼周到，竟然走過嚟幫我哋燒埋啲牛肉教埋我哋要點啲咩食🥹👍🏼真心值得一提。非常滿意🥰🥰

平靚正韓國菜🍗.ᐟ‪‪.ᐟ▶️蜂蜜牛油炸雞(半隻) $98 原來半份都幾多，有8-10舊雞！即叫即炸，炸得十分穌脆🥹入面雞汁好多！又好有雞味好滑😋蜂蜜牛油粉 味道吾算好突出，建議叫其他袖子、甜辣味雖然好食，但可以食少一半炸皮，減低脂肪攝取😝口水指數: 4.5/5🩷▶️安東雞鍋配飯 $88 估吾到入面有薯粉😍雞粒都有一手掌份量都幾濃味，加埋泡菜(無限任fill！)十分送飯🥹整體係甜豉油味道～不過不失啦😋口水指數:3.5/5🩷▶️辣肥牛嫩豆腐湯配飯 $98幾正宗的味道🌶️豆腐真係超級無敵滑！！肥牛都好有牛味，但係份量只有5-6舊🥹湯底唔會太鹹，做湯飯都好好食😋仲有流心蛋 、翠玉瓜、金菇、洋蔥整體好惹味，果然食辣嘢先有食韓國菜感覺🤣口水指數:4/5🩷📌PS 好搞笑！次次去都有人生日，然後全部店員就會放低手上工作，一齊舉牌播生日歌🤣食客都會一齊拍手！整體幾好氣氛😍店員仲係韓國人，不過吾見有靚仔oppa 🤣📍海陸空 尖沙咀金馬倫道33號The Cameron地舖🕒Mon-Sun 11:30-22:30—୨୧ —୨୧ — ୨୧ — ୨୧ — ୨୧ —୨୧ —୨୧ — ୨୧ — ୨୧ —

😃黎過幾次食飯，都會比韓國老闆同老闆娘嘅熱情款待吸引到！👍🏻👍🏻食品味道好食，又有前菜，感覺去咗韓國咁，如果同朋友慶祝生日職員會一齊唱歌同跳舞，仲好有氣氛！🎉🎉🎉

海鮮麵過咸，人蔘雞湯冇乜人蔘味，整體食物質素一般！同要限制用餐時間，空氣唔流通過焗，訂了位都係在洗手間出面坐，但整體員工服務態度友善有禮同肯落意幫助所需的要求。餐廳面積大，但枱與枱之間都很接近，與隔離枱食飯係很近的！

第一次韓式慶祝生日，店員超好玩又親切，十分開心，全場一齊慶祝很驚喜，店員跳舞出來，氣氛超好，食物也不錯，韓國人大廚，價錢合理，份量又足，大家吃這餐十分滿意，見到人人笑哈哈是最好😄推介此餐廳，謝謝！

蜜糖炸雞好食，但係竟然俾雞頸我…炸醬麵賣相完全唔OK仲要$98但係好食豬手份量（half），希望可以多番幾塊，話晒$238😂氣氛很好，已經好忙但仲會幫手慶祝生日

海鮮蔥餅$88， 好大碟，而且餅底薄，多料，煎到好脆。一啲都唔油，我地2個人食都可以食哂，而且唔會覺得油膩😋韓式糖醋肉$128，又係份量多😂😂😂咬到去都juicy, 脆漿好薄，個醬汁唔會話太甜👍🏼仲叫咗一個辣肥牛嫩豆腐湯$99，唔係話好辣，凍凍地食就好暖胃而且，環境都坐得舒服👍🏼啲員工服務態度好

今日嚟到尖沙咀突然好想食韓國菜就搵到呢間係韓印紅開嘅海陸空好多侍應都係韓國人，亦都有好多韓國人幫襯餐廳氣氛好好12月仲有聖誕樹同朋友叫咗三樣嘢share 一嚟就有六碟前菜，每碟都好好味泡菜豆腐肥牛湯飯$98 冬天食一流，暖笠笠又唔會太辣另外仲叫咗糖醋肉$128一，嚟到超大碟糖醋肉炸得外脆內軟配埋酸酸甜甜嘅醬好開胃海鮮煎餅$98 煎餅厚薄適中又唔會太油入面有好多海鮮好似魷魚蔥令到人一件接一件食到停唔到口呢間餐廳份量全部都偏大建議可以叫多幾個朋友一齊share就可以試多幾樣嘢食總括嚟講性價比超高，兩個人埋單都係三百幾蚊

非常開心的一個晩上，食物好味，氣氛非常好，值得再去，員工友善又懂得如何攪氣，令到全場顧客投入活動，非常開心，食物質素好，員工全部韓國人，但會說廣東話，所以易溝通，值得一去再去。

平日晚上6點開餐，可能時間尚早，餐廳嘅食客唔算多。餐廳大而廣，枱與枱之間闊落，佈置亦好有氣氛。好快齊人，睇睇餐廳亦好快落單，上菜速度都好快：🍭前菜有6小碟，分別有泡菜、青瓜絲粟米沙律、酸蘿蔔、涼拌蓮藕及薯仔、翠玉瓜。可以無限添加，當中以泡菜同青瓜絲粟米沙律較為出色，所以添左好多次。🍭辣炒年糕+油炸蔬菜年糕出奇地入味，而且煙靭得來口感腍，唔會咬極都係咁靭嘅感覺。炸蔬菜，炸粉口感薄而脆，無油膩感。🍭辣味肥牛豆腐湯配飯辣味適中，湯味中規中矩，略嫌肥牛配料較少。🍭海鮮拉麵湯底味濃，胡椒味重，本身好胡椒味所以覺得幾好味。🍭韓式芝士煎蛋卷整體口感味淡而且膩，有啲可惜。🍭韓式炸雞（原味）炸雞有啲失望，炸粉厚，炸粉表面乾，炸得硬，雞肉已經柴。🍭韓式炸雞（甜辣）一樣嘅肉質已經乾，只是淋上甜辣味，未有太大分別。環境好寬闊，以為無咩人流但原來好快坐滿，越夜越有氣氛。