海運茶冰廳 (已結業)

已經買少見少的舊式冰室, 上到就稷要重建既結志街有一間.茶餐廳的常餐, 一向是質數好壞之關鍵, 叉燒湯意似乎令我重拾小時的感覺. 奄列煎得剛剛好, 外面燶燶地, 裡面半熟, 證明師父手勢好. 人流算是可以, 好多人見到人多多, 自動找數, 阿姐叫錢放低counter就得. 入到去, 我用nw mobile, 幾個同事用3, 冇signal, 蛇竇之選..........!!!!!!

來了這裡很多次，已沒有什麼好寫，但今天下午去吃，有以下經歷，我食左幾十年野都係第一次見，在此與大家分享。二人來吃，要了個常餐，有碗都，就要了叉燒公仔麵。談談笑笑間，碗麵來到，一時間我也搞不清自己叫了什麼，因為除了有麵，還有幾條米粉，另外仲加送意粉幾條，是「三溝」來的。配料之外，除了叉燒，就還有幾片牛肉，吃著吃著，可能性如下：1.上一碗是牛米或意粉；2.前一碗是牛意式米粉。不過無論如何，這裡應該甚少洗湯煲，是沖水也不會的！麵一堆的放在一邊，很沒誠意。湯又太鹹，比回原本那即食伊麵的味精湯底我不行嗎？火腿奄列沒有問題，杯熱啡，當然還是水準之作。埋單30蚊有找兩蚊，說到這裡，有點明白為何街口的蘭坊園是排大隊，這裡是得我一個客吧，這個「喊面」，不能不比。臨走時去了廚房跟煮麵的單聲，佢都忍唔住笑左出來。

(24/3/07)同老公看看塑膠家品主題冰室,一點失望,不是太多,而且是作每枱牆上裝飾,沒有行近參觀。五香肉丁通粉,老公大讃肉丁!不是常吃的罐頭牌子,呢度用的好企理,少辣,唔韌。我吃火腿奄烈+甜餐包餐。又係出色之作,蛋夠滑。奶茶,只屬ok啦。另一杯熱金桔,在鋪內有鴻福堂or健康工房的金桔宣傳,以為係此出品。飲下應該不是,因為有渣的,味道遍淡。

人人前仆後繼在街頭的蘭芳園,潮拜其絲襪奶茶.同一條街的海運冰室,相對地低調.隱身在街市之內,毫不起眼,過目亦必忘.相信店主眷戀著昔日塑膠工業年代,店內滿佈六十年代的塑膠產物,作其店內裝飾.當然來杯奶茶,入口略帶點苦,飲落才開始飲出個味來.奶同茶兩者恰到好處,質感就不算很滑.比"蛇竇"更隱閉,閒來無事來玩下"潛水"亦不錯.

請半晝假落中環覆診。睇完醫生剛好係tea time，呢排有鋪去冰廳食嘢嘅癮，見又未試過呢度，就行入嚟..典型舊式冰廳格局，熟客跟伙計打成一片，餐牌上亦唔見有炒粉麵飯供應，淨係得茶餐、麵及三文冶。tea time唔想食咁多，簡單叫件蛋牛治烘底加熱奶茶...三文治包切得薄薄，可能自己比較鍾意食厚切，覺得爭少少；包本身烘得微脆，口感不俗；牛肉用罐頭碎鹹牛肉，有約略响鑊炒過，算叫有誠意，而且份量相當多，D牛肉邊食邊跌出嚟，好失禮蛋就煎得有D過老...奶茶冇乜澀味，幾香，叫做飲得過...食完揸住本書慢慢坐，最佳享受..^_^

行山前o黎食個午餐，內裡的陳設明顯是一間舊式的茶餐廳，最喜歡去呢D港式茶餐廳，除了好懷舊外，感覺份外好食。叫了個特餐份量好足，有叉燒湯意、火腿奄烈、多士及奶茶。意粉好腍，有好多叉燒，可借切到細細粒無乜口感，湯底雖然係味精湯，都幾好飲喎。老公要的牛肉通粉，牛肉唔會醃到無晒肉味，又唔韌，通粉同意粉一樣都係好腍。奄烈整得好滑，生熟恰好到處，唔會炒得過老。多士估唔到幾厚，烘得好脆，又有得留邊。反而杯港式奶茶就麻麻地，有點苦澀。埋單每人$30，已食得好飽好飽。平時lunch time一定會再來。

My friend took me to this old-fashioned eatery for tea. Their iced tea is good! One interesting thing is that they hang up a number of the pictures taken from the flower show on the walls, which adds a touch aestheticity to this place!

$25套餐，包雙/單併燒味飯+油菜或例湯或汽水要了油雞及叉燒，雞好肥，叉燒半肥，食落成口油，豉油也麻麻例湯反而有驚喜，不是一般味精湯(不過當然都有一D啦)，而且幾大碗，有隻雞腳於湯中浮浮沉沉，飲落ok可能因為我與同事夾份叫一碟啦，個阿姐不太理睬我們，向她要多一個碗，也沒有給

某星期日，驕陽似火，舊拍檔開開下工有點心事要傾訴，約左我去飲野。佢唔想去鬼佬咖啡店，想去港式茶記，咁當日勝香園同蘭芳園都休息，方圓幾里係呢度似樣少少，就來搵定位叫定野飲等佢。唔係返工又唔使提神，想叫杯蓮子冰，點知老闆娘話今日無整，想要紅豆冰佢又話賣晒，瞄到宣傳單張，就叫杯凍檸檳，即凍的利賓納加幾片檸檬，同埋一杯凍茶比拍檔。凍檸檳無咩好飲，一味夠凍，因為飲飲下叫老闆娘再加點冰給我，令到杯野原本幾甜變成最後的剛剛好；凍奶茶拍檔嫌茶味太重，佢可能飲開茶包，飲港式奶茶茶味不重至係問題。呢度地方雖然舊，但於星期日而言，都係一個幾寫意的傾計地方。悠悠閒的，我地傾到5點幾至埋單，佢繼續搏殺，我打道回府。埋單22蚊，得閒來抖下氣都唔錯。

昨日行山行都好攰，晚上飯都無食就訓，今朝起身時好鬼肚餓，要吃個豐富一點的早餐，在去和賣魚勝打個招呼後，就來了這裡。呢度隱藏在街市中間，淨係睇出面用一罐罐黑白奶擺的陣，加上直角硬板卡位，就知係一間舊式的港式茶記。由於地點優勢，呢度絕對係中環幾間蛇竇之一，所以下晝三點幾都唔少人的。叫了A餐，有腿通加煎雙蛋及茶走。通常講唔出什麼是茶餐廳，但吃著這個湯腿通就知，那個腍腍的通粉及少少味精的湯底，就正正係茶記之味。麵包蛋糕別處交來，無謂試。奶茶咖啡非十分出色，但起碼用的那個粗邊茶杯可以加番些少點數。埋單18蚊，耐不時都會來吃的。