影片
谂住坐低叫个煲仔饭，一坐低即刻叫伙计跟我落单，话要等半个钟至45分钟我都话冇所谓我等，之后我朋友叫粥及炸两，佢转个头话粥同炸两整唔到，之后我哋两个都冇理继续坐喺度等我嘅煲仔饭，卒之越等越唔对路，等了20分钟有多我朋友走去问原来根本冇同我哋落单，冇同我哋落单又不跟我们说，白白我们戆居居坐咗喺度20分钟有多，态度真系劲差 ，你整唔切就大大方方跟我们说我们就走，我们坐喺度完全啲伙计唔理你，佢哋唔会觉得奇怪两个人坐喺度20几分钟冇嗌嘢食 。
继续阅读
太太突然夜收，环顾整个马鞍山市中心，得呢间改咗名嘅茶记未收。之前食过，问心价钱唔平，又唔系好食，服务又差劲，叫做无选择下嘅选择，别无他选，唯有照去。真系啱啱遇着刚刚，有一个女人快我一步，入到去，全场爆满，呢个时候，刚好有一张4人卡位枱埋单，唔系自私，理论上店员应安排我前面位女士一个人去其他大圆枱度搭枱，但佢就安排左佢一个人坐张4人卡位，叫我出去等，话唔好阻住个门口。我出咗门口，跟住有两个男人入去，同店员打招呼，原来系熟客，不过冇位都要走出店外等。呢个时候，店员出嚟，叫我同𠮶位独坐女士搭枱。我面有难色，佢就话:”一阵有枱我free 返比你，坐住先好唔好？”我谂住坐住等，所以冇叫嘢食住。等咗一阵，见有对明明食完嘢打死都唔肯走挂住喺度玩手机嘅父子终于起身埋单。我火速䡓去𠮶张卡位度，然后礼貌地同店员交代一声”我坐呢张枱无问题吧？”点知佢鬼鼠地细细声同我讲”你后面仲有枱二人，不如比人哋坐低先。况且你又未人齐，一阵有枱我再free 返比你！”摆明益熟客，把之前讲好的反口，处事极不公平，服务差到冇朋友！跟住我老婆就喺呢个时候出现，我同佢讲:”唔食呢间喇！”头也不回，去咗福安𠮶间”马记”，虽然都系唔好食，但点都好过受气！在此要修整一下上面𠮶句话，唔系”唔食呢间喇！”，而系”呢一世都唔会再食呢间喇！”！
继续阅读
原来改咗名，依家叫新海记，D野差晒，D猪润只有以前四分一厚度！唔掂！D出前一丁面煮到好似糊咁，🤦🏻♂️杯咖啡苦嘅依家只收现金，D店员换晒，应该老细都换咗，态度麻麻！
继续阅读
叫个外卖都可以衰几様，叫咗出前一丁又比咗普通面，钱又加咗，叫两杯野饮走甜又没走，打包又包得衰漏到周围都系. 没心机做就唔好做啦！咁嘅餐厅以后都唔使再有下次! 不知所谓
继续阅读
海记鱼蛋粥面是香港一家知名的小吃店，以其美味的鱼蛋粥和面食而闻名。它的分店遍布全港各地，包括我今次去食的马鞍山。海记鱼蛋粥面的鱼蛋粥是他们的招牌菜之一。这碗粥浓郁滋味，充满了新鲜的鱼蛋和香浓的汤汁。鱼蛋弹牙可口，配上热腾腾的粥，绝对能够让你感受到美味和满足。此外，海记鱼蛋粥面的面食也非常受欢迎。他们提供多种口味的面条，包括鱼蛋面、牛腩面、猪肝面等等。面条弹牙有嚼劲，配上丰富的汤底和新鲜的配料，味道鲜美。
继续阅读