海記魚蛋粥麵

諗住坐低叫個煲仔飯，一坐低即刻叫夥計跟我落單，話要等半個鐘至45分鐘我都話冇所謂我等，之後我朋友叫粥及炸兩，佢轉個頭話粥同炸兩整唔到，之後我哋兩個都冇理繼續坐喺度等我嘅煲仔飯，卒之越等越唔對路，等了20分鐘有多我朋友走去問原來根本冇同我哋落單，冇同我哋落單又不跟我們說，白白我們戇居居坐咗喺度20分鐘有多，態度真係勁差 ，你整唔切就大大方方跟我們說我們就走，我們坐喺度完全啲夥計唔理你，佢哋唔會覺得奇怪兩個人坐喺度20幾分鐘冇嗌嘢食 。…查看更多

太太突然夜收，環顧整個馬鞍山市中心，得呢間改咗名嘅茶記未收。之前食過，問心價錢唔平，又唔係好食，服務又差勁，叫做無選擇下嘅選擇，別無他選，唯有照去。真係啱啱遇着剛剛，有一個女人快我一步，入到去，全場爆滿，呢個時候，剛好有一張4人卡位枱埋單，唔係自私，理論上店員應安排我前面位女士一個人去其他大圓枱度搭枱，但佢就安排左佢一個人坐張4人卡位，叫我出去等，話唔好阻住個門口。我出咗門口，跟住有兩個男人入去，同店員打招呼，原來係熟客，不過冇位都要走出店外等。呢個時候，店員出嚟，叫我同嗰位獨坐女士搭枱。我面有難色，佢就話:”一陣有枱我free 返比你，坐住先好唔好？”我諗住坐住等，所以冇叫嘢食住。等咗一陣，見有對明明食完嘢打死都唔肯走掛住喺度玩手機嘅父子終於起身埋單。我火速䡓去嗰張卡位度，然後禮貌地同店員交代一聲”我坐呢張枱無問題吧？”點知佢鬼鼠地細細聲同我講”你後面仲有枱二人，不如比人哋坐低先。況且你又未人齊，一陣有枱我再free 返比你！”擺明益熟客，把之前講好的反口，處事極不公平，服務差到冇朋友！跟住我老婆就喺呢個時候出現，我同佢講:”唔食呢間喇！”頭也不回，去咗福安嗰間”馬記”，雖然都係唔好食，但點都好過受氣！在此要修整一下上面嗰句話，唔係”唔食呢間喇！”，而係”呢一世都唔會再食呢間喇！”！…查看更多

原來改咗名，依家叫新海記，D野差晒，D豬潤只有以前四分一厚度！唔掂！D出前一丁麵煮到好似糊咁，🤦🏻‍♂️杯咖啡苦嘅依家只收現金，D店員換晒，應該老細都換咗，態度麻麻！…查看更多

叫個外賣都可以衰幾様，叫咗出前一丁又比咗普通麵，錢又加咗，叫兩杯野飲走甜又沒走，打包又包得衰漏到周圍都係. 沒心機做就唔好做啦！咁嘅餐廳以後都唔使再有下次! 不知所謂…查看更多

海記魚蛋粥麵是香港一家知名的小吃店，以其美味的魚蛋粥和麵食而聞名。它的分店遍佈全港各地，包括我今次去食的馬鞍山。海記魚蛋粥麵的魚蛋粥是他們的招牌菜之一。這碗粥濃郁滋味，充滿了新鮮的魚蛋和香濃的湯汁。魚蛋彈牙可口，配上熱騰騰的粥，絕對能夠讓你感受到美味和滿足。此外，海記魚蛋粥麵的麵食也非常受歡迎。他們提供多種口味的麵條，包括魚蛋麵、牛腩麵、豬肝麵等等。麵條彈牙有嚼勁，配上豐富的湯底和新鮮的配料，味道鮮美。…查看更多

早幾日黎食比咗差評，因為食唔到我原本想食嘅 "淨瘦肉粥" ，再加上雞粥好難食。但係夜媽媽想食粥喺馬鞍山都無咩選擇，比多次機會啦！:)今次外賣自取瘦肉粥，唉，到底呢間鋪嘅員工點解可以連續兩次搞錯我order??上次叫瘦肉粥，就比皮蛋瘦肉粥今次我叫佢多蔥，佢同我走蔥？！再一次講，聽落好似好小事，但食唔到想食嘅野真係會好唔開心好嬲。。。同埋唔知點解瘦肉粥會甜甜地，上次雞粥都係咁係咪呢度嘅獨特調味黎？！男朋友叫牛雜面，都係話無咩特別，唔難食。經過今次真係唔係好想再比機會！但馬鞍山開得夜嘅粥店唔多。。。都有機會再試嘅，可能下次唔食佢地嘅粥…查看更多

馬鞍山成日比人叫做美食沙漠，但其實都好多餐廳嘅~今晚夜媽媽想食碗粥都搵到間仲開緊嘅粥店。廢是白走一趟，我特登打電話去問定先，佢地11:30先last order嘅~ 仲問埋有無瘦肉粥，佢地話有，$28（fxxx panxx真係貴好多，要$5X）咁我同男朋友就出發啦，點知有唔愉快嘅事發生我叫咗瘦肉粥，點知佢比咗皮蛋瘦肉粥。咁叫佢換啦，點知佢話瘦肉賣曬！要叫其他野我勁唔開心。。。。有無搞錯呀，都打電話黎問咗啦，講咗“宜家黎”，然後落單又講咗“淨瘦肉粥”，咁都可以搞錯。雖然好小事，但真係好唔開心。最後改錯雞粥，好難食。。。。D粥好"結" (濃稠)，似係鍋邊/底，同埋係咪落錯調味料？甜甜地嘅。雞肉好少，好多碎骨頭。男朋友叫雲吞麵，佢話無咩特別正常檸茶，麻麻地。好水味唔係太抵食，亦唔係太好食…查看更多

已經打電話叫定外賣，過咗20分鐘去拎刀未有，ok!諗住煲仔飯無甘快有就系門口等，系門口足足等左40分鐘，中間當然有入去催過，個阿姐話俾小小時間喎🙄🙄🙄🙄原來整一個煲仔飯要整成粒鐘先有🫠吾會有下次～…查看更多

平時早餐 午餐得閒時都會幫襯下佢 唔經唔覺佢已經加咗價啦 午餐如果係$65食鯧魚 多功夫嘅餸菜都還好但食滑雞排骨嘅話都略嫌有啲貴啦 有啲地方30蚊都有呢啲食不過香港租貴啦 無計 …查看更多

自己做人咁耐 食腸粉都係落甜醬 麻醬。今次去食 叫碗碎牛粥 加個腸粉。問佢拎甜醬 麻醬 。佢竟然俾包花生醬我😖我同佢講 佢話淨係得呢個 之後答我係一樣咁我唯有落啦 難食到嘔 腸粉加花生醬🤮🤮其實你咁唔想做 不如晚市直頭唔好做粥品 同腸粉啦 。原來花生醬同麻醬係一樣😂我咁大個人真係而家先知😡…查看更多

星期六早上，我明白禮拜六日食肆都應該會好忙。理解既，但唔係有咁多甩漏掛？我叫左個沙嗲牛肉麵出前一丁，太陽蛋火腿方包凍啡少甜行街諗住買返公司食，買完去到一半路程杯凍啡已經倒瀉咗一半，個包盒又打側左。算。出前一丁係就係出前一丁，但係冇粉冇麻油已經事先order要辣油，又係冇比到叫方包點知嚟咗豬仔包，要太陽蛋比左個爛蛋，啲蛋油仲要黐住晒個豬仔包個底。唉，一早既心情就係咁冇左，食個早餐淡而無味…查看更多

[ 海記魚蛋粥麵 | 馬鞍山 ]清蒸倉魚 $57 Takeaway today because of the messy situation right now. Came here for late lunch at 1:45pm and it was packed with people, expected to wait for 15 minutes for my food but was ready in less than 10 😃👍Decided to get the steamed pomfret as it’s served as a whole fish. The set comes with a choice between drink or vegetables, I chose 菜心 and a big bowl of rice. The fish is steamed well and has a lot of tender and extremely soft meat, the soy sauce is also perfect with the rice and leeks. There was also a lot of vegetables with enough oyster sauce. —— —— 💬 Overall, highly recommend this dish and restaurant as the staff are very polite and the prices are not high at all for the quality. Next time, I want to try their congees and signature fried fish skins at $20 🗓 Revisit? ✅⭕️ / ❎ …查看更多

係馬鞍山呢個美食沙漠，天氣凍嘅時候，真係好需要一煲熱辣辣嘅煲仔飯過下癮。同老公經常黎呢間海記食早餐，今晚見凍就黎試下煲仔飯。煲仔飯上菜時間大約15-20分鐘，上菜時仲出煙🤤我哋加D豉油焗一焗就馬上開動🤩我哋叫左窩蛋牛肉煲仔飯同咸蛋肉餅（因為伙計話咸蛋用曬😂咁我哋轉左雞蛋，所以係雞蛋肉餅飯）味道中規中矩啦，煲底有飯焦，但飯焦唔夠香脆。肉類就整體都唔錯，份量足，牛肉鮮嫩大塊👍🏻肉餅都好厚身多肉👍🏻 係調味可以再多少少，唔係太夠味，所以我地前後用左2碗豉油😂係冇咩野好食嘅馬鞍山黎講，有個煲仔飯食，都算合格架啦！…查看更多

昨晚無飯食，得自己一個，諗唔到食咩，揸住架車兜兜下，突然想食粥，於是就搵吓邊度有粥食。入到去坐底叫咗碗皮蛋鮮牛肉粥同炸兩。先講碗粥，粥底都幾綿，皮蛋亦都幾多，牛肉亦都幾多，不過就有啲韌，但整體來講碗粥係唔錯，夠熱。之後到個炸兩，先講過腸粉皮，食落幾煙韌，唔同一般腸粉皮咁淋，幾好，而入面嚿油炸鬼亦都係脆卜卜，食落口個感覺幾正，唔錯。而呢間鋪除咗粥同腸粉外，見到幾多人叫煲仔飯食，望落去個樣好似都唔錯，下次會去試吓煲仔飯。…查看更多

返工有啲唔舒服講sick leave返屋企休息吓想食清淡啲叫外賣自取 諗住叫碗瑤柱白粥同齋腸點知比個點知畀個收銀鬧話食咁平點請廚師呀雖然加埋28蚊又真係唔係多但係都唔係咁樣對客㗎嘛 晨早流流大家食早餐咪係差唔多價錢又唔係堂食阻你啲位都係叫個外賣自取啫講句唔好意思我哋有最低消費咪得囉明明呢兩樣嘢都貼咗喺出面啲menu度平時堂食啲嘢都幾好食同幾有禮貌估唔到今次竟然有咁樣嘅體驗雖然馬鞍山嘅粥舖唔多啫但係都唔使咁呀…查看更多